టాలీవుడ్కి చెందిన నేటి తరం అగ్ర కథానాయకుల్లో ఒకరైన ఐకాన్ స్టార్ అల్లు అర్జున్ను ఇతర హీరోల ఫ్యాన్స్ ఓ రేంజ్లో ట్రోల్ చేస్తున్నారు. ట్రోల్స్ మాత్రం మామూలుగా లేవు. ముఖ్యంగా పి.ఆర్.టీమ్ను విమర్శిస్తూ ఇతర హీరోల ఫ్యాన్స్, నెటిజన్స్ ట్వీట్స్ చేస్తున్నారు. ఎంతలా ట్వీట్ చేస్తున్నారంటే, ఏకంగా టాలీవుడ్ ఓ నటుడిని కోల్పోయింది అంటూ ఫొటో పెట్టి దండ వేసేశారు మరి. దీనికి అంతటికీ కారణం బన్నీ పర్సనల్ పి.ఆర్ టీమ్ అనేది వారు ట్రెండింగ్ చేస్తున్న ట్యాగ్ను బట్టి అర్థమవుతుంది. వారేదో అతి చేస్తే.. దానికి రియాక్షన్ ఇలా వచ్చేసినట్లుంది. అంతకు ముందు అల వైకుంఠపురములో, ఇప్పుడు ది రైజ్ సినిమా కలెక్షన్స్ విషయంలో అల్లు అర్జున్ పి.ఆర్ టీమ్ ఎక్కువ చేసిందని, కలెక్షన్స్ను పోస్టర్స్ ద్వారా చూపించేస్తూ మా సినిమా హిట్ అంటూ తెగ హడావుడి చేశారంటూ వార్తలు కూడా వచ్చాయి. రీసెంట్గా పుష్ప సినిమా 50 రోజులను పూర్తి చేసుకుందని, పాన్ ఇండియా రేంజ్లో రూ.365 కోట్లను వసూలు చేసిందంటూ అధికారిక ప్రకటన వచ్చింది. ఇదే ఇతర హీరోల ఫ్యాన్స్ కోపానికి కారణమై ఉండొచ్చు. మరి దీనిపై అల్లు అర్జున్ అండ్ టీమ్ ఎలా రియాక్ట్ అవుతారో చూడాలి. ఇలాంటి సంస్కృతి కోలీవుడ్లో ఎక్కువగా ఉండేది. అక్కడ అగ్ర హీరోలైన విజయ్, అజిత్ ఫ్యాన్స్ సోషల్ మీడియాలో ఒకరిపై ఒకరు విమర్శలు చేసుకుంటూ ఉంటారు. విజయ్ పోయాడంటూ అజిత్ ఫ్యాన్స్.. అజిత్ పోయాడంటూ విజయ్ ఫ్యాన్స్ ట్రోలింగ్స్తో రచ్చ రచ్చ చేయడం, దానికి సంబంధించిన వార్తలు సోషల్ మీడియాలో హల్ చల్ చేశాయి కూడా. ఇప్పుడు అలాంటి నీచ సంస్కృతి టాలీవుడ్లోకి అడుగు పెట్టేసింది. ఇప్పుడు ఇతర హీరోల ఫ్యాన్స్, నెటిజన్స్ బన్నీని అంతలా టార్గెట్ చేయడం వెనుక బలమైన కారణం మాత్రం తెలియడం లేదు. మెగా ఫ్యామిలీని అల్లు అర్జున్ తిడుతున్నట్లు, మహేష్ క్రికెటర్గా సిక్స్ కొడితే వెస్టిండియన్ లుక్లో ఉన్న బన్నీ ఏడుస్తున్నట్లు ఇలా ఒకటేమిటి రక రకాలు మీమ్స్తో ట్రోలింగ్ రాయుళ్లు రెచ్చిపోతున్నారు. అసలే శుక్రవారం అల్లు అర్జున్ నటించిన జోమాటో యాడ్ విడుదలైంది. అందులో ఆయన దక్షిణాది సినిమాలను కించ పరిచారంటూ నెటిజన్స్ విమర్శలు, ట్రోల్స్ చేశారు. అది మరచిపోక ముందే అల్లు అర్జున్ పి.ఆర్ టీమ్ని ట్రోల్ అవుతుంది మరి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/TwyeN2K
No comments:
Post a Comment