పాన్ ఇండియా స్టార్ ప్ర‌భాస్ క‌థానాయ‌కుడిగా న‌టించిన చిత్రం ‘రాధే శ్యామ్’. బాహుబలితో పాన్ ఇండియా స్టార్‌గా ఎదిగిన ప్ర‌భాస్ వ‌రుస పాన్ ఇండియా సినిమాల‌తో సందడి చేస్తున్నారు. ఈ క్ర‌మంలో ఆయ‌న గ‌త చిత్రం సాహో విడుద‌లై రెండున్న‌రేళ్లు అవుతుంది. ఆయ‌న అభిమానులేమో ప్ర‌భాస్‌ను సిల్వ‌ర్ స్క్రీన్‌పై చూడ‌టానికి ఆతృత‌గా ఎదురుచూస్తున్నారు. మార్చి 11న డార్లింగ్ ప్ర‌భాస్ బాక్సాఫీస్ వ‌ద్ద త‌న స‌త్తా చాట‌డానికి రెడీ అంటున్నారు. లేటెస్ట్‌గా ఓవర్ సీస్‌లో సెన్సేష‌న్ క్రియేట్ చేయ‌డానికి చిత్రాన్ని మేక‌ర్స్ సిద్ధం చేస్తున్నారు. ట్రేడ్ వ‌ర్గాల స‌మాచారం మేర‌కు ఇప్ప‌టి వ‌ర‌కు ఓవ‌ర్‌సీస్‌లో మ‌రే చిత్రం విడుద‌ల కాన‌న్ని లొకేష‌న్స్‌లో అంటే హిందీ వెర్ష‌న్‌ 1116, తెలుగు వెర్ష‌న్‌ 1116, త‌మిళం 200 లొకేష‌న్స్‌లో విడుద‌ల చేయ‌బోతున్నార‌ట. 31116 స్క్రీన్స్‌లో..11116 షోస్‌ను ప్ర‌దర్శించ‌బోతున్నారు. మ‌రి ఇంత భారీగా రాధే శ్యామ్ విడుద‌లైతే వ‌సూళ్ల ప‌రంగా ఎలాంటి రికార్డులు క్రియేట్ అవుతాయో చూడాలి మ‌రి. పీరియాడిక్ ల‌వ్ స్టోరిగా రూపొందిన ఈ చిత్రంలో ప్ర‌భాస్ జోడీగా పూజా హెగ్డే న‌టించింది. ఇప్ప‌టికే విడుద‌లైన టీజ‌ర్‌, ట్రైల‌ర్‌, సాంగ్స్ అన్నీ సినిమాపై అంచ‌నాల‌ను పెంచేశాయి. త్వ‌ర‌లోనే మ‌రో కొత్త ట్రైల‌ర్‌ను కూడా విడుద‌ల చేసే అవ‌కాశం ఉంద‌ని టాక్ అయితే సినీ సర్కిల్స్‌లో బ‌లంగా వినిపిస్తోంది. ఈ చిత్రంలో ప్ర‌భాస్ హ‌స్త సాముద్రిక తెలిసిన ఎక్స్‌ప‌ర్ట్‌గా క‌నిపించ‌నున్నారు. పూజా హెగ్డే ఇందులో మ్యూజిక్ డైరెక్ట‌ర్‌గా క‌నిపించ‌నున్నారు. వీరి మ‌ధ్య సాగే రొమాంటిక్ ల‌వ్ స్టోరిగా ‘రాధే శ్యామ్’ అల‌రించ‌నుంది. యువీ క్రియేష‌న్స్ బ్యాన‌ర్‌పై కృష్ణంరాజు స‌మ‌ర్ప‌ణ‌లో ప్ర‌మోద్‌, వంశీ, ప్ర‌శీద ‘రాధే శ్యామ్’ చిత్రాన్ని నిర్మిస్తున్నారు. రాధా కృష్ణ కుమార్ ద‌ర్శ‌క‌త్వం వ‌హించారు. సీనియ‌ర్ న‌టుడు కృష్ణంరాజు ఇందులో స్వామిజీ పాత్ర‌లో క‌నిపించ‌నున్నారు. బాలీవుడ్ న‌టి భాగ్య శ్రీ ఇందులో ప్ర‌భాస్ త‌ల్లి పాత్ర‌లో న‌టించారు. హీరోయిన్ పూజా హెగ్డే చేతి రేఖ‌ల‌ను అనుస‌రించి ఆమె ఎదుర్కోబోయే ప్ర‌మాదాల‌ను గుర్తించిన ప్ర‌భాస్ ఆమెను ఎలా ర‌క్షించుకుంటాడనేదే ఈ సినిమా క‌థాంశం.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/O4n7oJb
No comments:
Post a Comment