శాండిల్ వుడ్ బ్యూటీ రష్మిక మంద‌న వ‌రుస సినిమాల‌తో బిజి బిజీగా ఉంది. ఒక‌వైపు ద‌క్షిణాది సినిమాల‌తో పాటు బాలీవుడ్‌లోనూ న‌టిస్తోంది. అయితే ఈ మ‌ధ్య కాలంలో ఈమె హీరో విజ‌య్ దేవ‌ర‌కొండ‌తో డేటింగ్ చేస్తుందంటూ సోష‌ల్ మీడియాలో గ‌ట్టిగానే వార్త‌లు వినిపించాయి. అందుకు త‌గిన‌ట్లు వారిద్ద‌రూ ముంబైలో చ‌క్క‌ర్లు కొట్టిన‌ప్పటి ఫొటోలు, వీడియోలు నెట్టింట తెగ వైర‌ల్ అయ్యాయి. ఇదే విష‌యంపై రష్మిక మంద‌న్న స్పందించారు. త‌న వ్య‌క్తిగ‌త జీవితంపై వ‌స్తున్న వార్త‌ల్లో నిజం లేద‌ని ఆమె త‌న రీసెంట్ ఇంట‌ర్వ్యూలో తోసి పుచ్చారు. మ‌రి మీరు పెళ్లి చేసుకోవాల‌నుకునే కుర్రాడికి ఎలాంటి క్వాలిటీస్ ఉండాలి? అని అమ్మ‌డుని ప్ర‌శ్నిస్తే.. న‌న్ను ఎవ‌రు జాగ్ర‌త్త‌గా చూసుకుంటారో వారినే పెళ్లి చేసుకోవాల‌నుకుంటున్నాను. అయితే ఇంకా నేను చిన్న‌పిల్ల‌నే, పెళ్లి గురించి ఎలా ఆలోచించాలో కూడా తెలియ‌డం లేదు. అందుక‌నే నా మ‌న‌సులోకి పెళ్లి సంబంధించిన ఆలోచ‌న‌ను రానీయ‌డం లేదు’’ అని చెప్పుకొచ్చిందీ శాండిల్ వుడ్ బ్యూటీ. గ‌త ఏడాది పుష్ప ది రైజ్ చిత్రంతో రష్మిక పాన్ ఇండియా రేంజ్ హీరోయిన్‌గా మారింది. ఈ శివ‌రాత్రికి ఆడ‌వాళ్లు మీకు జోహార్లు సినిమాతో ప్రేక్ష‌కుల‌ను ప‌ల‌క‌రించ‌నుంది. ఇక ఏలాగూ ఈ ఏడాది పుష్ప సినిమాలో సెకండ్ పార్ట్ పుష్ప ది రూల్ సినిమాతో అభిమానుల‌ను అల‌రించ‌నుంది. ఇక బాలీవుడ్ విష‌యానికి వ‌స్తే సిద్ధార్థ్ మ‌ల్హోత్రాతో మిష‌న్ మ‌జ్ను సినిమా చేస్తున్న సంగ‌తి తెలిసిందే. ఈ సినిమా కూడా ఇదే ఏడాదిలో విడుద‌ల‌వుతుంది. ఇక అమితాబ్ బ‌చ్చ‌న్‌తో క‌లిసి గుడ్ బై అనే సినిమాలోనూ రష్మిక మంద‌న న‌టిస్తోంది. ఇందులో అమితాబ్ కుమార్తె పాత్ర‌లో రష్మిక క‌నిపిస్తుంద‌ని స‌మాచారం. ఇన్ని క్రేజీ ప్రాజెక్టుల‌తో సిల్వ‌ర్ స్క్రీన్‌పై సంద‌డి చేయ‌డానికి అందాల రాశి రష్మిక సిద్ధ‌మ‌వుతోంది మ‌రి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/hl5FAO4
No comments:
Post a Comment