లాక్ డౌన్ వేళ యంగ్ హీరో పెళ్లి పీటలెక్కిన సంగతి తెలిసిందే. 2020 డిసెంబర్ నెలలో కేవలం కొద్దిమంది సన్నిహితులు, కుటుంబ సభ్యుల మధ్య తన ఇష్ట సఖి డాక్టర్ పల్లవిని పెళ్లాడారు నిఖిల్. వీరి పెళ్లి వీడియోలు, ఫోటోలు సోషల్ మీడియాలో తెగ వైరల్ అయ్యాయి. నిఖిల్- లవ్ స్టోరీ గురించి చాలామంది ప్రేక్షకులు ఆరాదీశారు. ఈ నేపథ్యంలో తాజాగా తమ పెళ్లికి ముందు జరిగిన పరిణామాలు, లవ్ ట్రాక్ గురించి మాట్లాడుతూ ఓపెన్ అయింది నిఖిల్ సతీమణి పల్లవి. పెళ్లి తర్వాత తొలిసారి మీడియా ముందుకొచ్చిన ఈ లవ్లీ కపుల్స్.. తమ ప్రేమ సంగతులు పంచుకున్నారు. ఓ కామన్ ఫ్రెండ్ ద్వారా తామిద్దరం ఓ బర్త్ పార్టీలో తొలిసారి కలిశామని చెప్పారు. పల్లవిని చూసిన తొలి చూపులోనే ఆమె తెగ నచ్చేసి వెంటపడ్డానని అన్నారు నిఖిల్. మొదటగా నిఖిల్ తన లవ్ ప్రపోజ్ చేశారట. అయితే నిఖిల్ ఐ లవ్ యూ అని చెప్పగానే జోక్ చేస్తున్నాడేమో అనుకుందట పల్లవి. అంతలోనే నిఖిల్ ఆ మాట చెప్తాడని ఊహించలేదని ఆమె చెప్పుకొచ్చింది. అయితే నిఖిల్కి వెంటనే ఓకే చెప్పకుండా ఇంట్లో వారితో మాట్లాడి వారి పర్మిషన్ తీసుకున్న తర్వాతనే నిఖిల్ ప్రేమకు అంగీకరించాను అన్నట్లుగా పల్లవి చెప్పుకొచ్చింది. ఇంట్లో వాళ్ళతో యాక్టర్ అని చెప్పలేదని, బిజినెస్మెన్ అని చెప్పానని తెలిపింది. నిఖిల్ నటించిన హ్యాపీడేస్, కార్తికేయ సినిమాలను మాత్రమే పెళ్లికి ముందు చూశానని.. కానీ పెళ్లి తర్వాత కూర్చోబెట్టి తను నటించిన అన్ని సినిమాలను కూడా బలవంతంగా నిఖిల్ చూపించాడంటూ పల్లవి చెప్పుకొచ్చింది. పెళ్లి తర్వాత గోవాలో ఓ 20 రోజుల పాటు సరదాగా ఎంజాయ్ చేశామని, ప్రస్తుతం తన వైవాహిక జీవితం ఎంతో ఆనందంగా ఉందని పల్లవి తెలిపింది. నిఖిల్లో ఉన్న బెస్ట్ క్వాలిటీ అందరితో కలిసిపోవడం అని ఆమె చెప్పింది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/iWfhruF
No comments:
Post a Comment