పవర్ స్టార్ పవన్ కళ్యాణ్ హీరోగా రూపొందిన భారీ సినిమా 'భీమ్లా నాయక్'. గతంలో కరోనా కారణంగా విడుదల వాయిదా పడిన ఈ చిత్రం.. ఫిబ్రవరి 25వ తేదీన భారీ స్థాయిలో రిలీజ్ కాబోతోంది. నిన్నటితో చిత్ర షూటింగ్, ప్యాచ్ వర్క్ అంతా ఫినిష్ చేశారు. ఈ మేరకు మరోసారి రిలీజ్ డేట్‌తో కూడిన పోస్టర్ వదులుతూ విడుదల కన్ఫర్మ్ చేశారు మేకర్స్. దేశవిదేశాల్లో భారీ ఎత్తున ఈ సినిమా ప్రేక్షకుల ముందుకు రాబోతోంది. ఈ నేపథ్యంలో మ్యూజిక్ డైరెక్టర్ .. యూఎస్ థియేటర్స్‌ లెక్క చెబుతూ పోస్ట్ పెట్టారు. యూఎస్‌లో భీమ్లా నాయక్ సినిమా కోసం 400 థియేటర్స్‌ కేటాయించారని పేర్కొంటూ ఓ పోస్టర్ వదిలారు తమన్. ఫిబ్రవరి 24న యూఎస్ ప్రీమియర్స్ పడతాయని ఈ సందర్భంగా పేర్కొన్నారు. దీంతో ఈ పోస్ట్ నెట్టింట వైరల్ అవుతోంది. పవన్ కళ్యాణ్ ఫ్యాన్స్ లైకులు, కామెంట్లతో హోరెత్తిస్తున్నారు. సమయం తక్కువగా ఉండటంతో ప్రమోషన్స్‌పై ఫుల్ ఫోకస్ పెట్టారు మేకర్స్. ఇకపోతే ఈ మూవీ ప్రీ రిలీజ్ ఈవెంట్‌ను హైద‌రాబాద్ యూస‌ఫ్ గూడ పోలీస్ గ్రౌండ్స్‌లో నిర్వ‌హించ‌డానికి ఏర్పాటు చేస్తున్నార‌ట. ఫిబ్రవరి 21న ఈ ప్రీ రిలీజ్ ఈవెంట్‌ను నిర్వ‌హిస్తార‌నేది స‌మాచారం. ఈ ప్రతిష్టాత్మక సినిమాలో రానా దగ్గుబాటి మరో హీరోగా నటిస్తున్నారు. సాగర్ కె చంద్ర దర్శకత్వం వహించగా నిత్యా మీనన్, సంయుక్త మీనన్ హీరోయిన్లుగా నటించారు. మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే, డైలాగ్స్ అందించారు. పిడివి ప్రసాద్ సమర్పణలో సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ భారీ బడ్జెట్‌ కేటాయించి నిర్మించారు. మలయాళ సూపర్ హిట్ మూవీ 'అయ్యప్పనుమ్ కోశియుమ్' తెలుగు రీమేక్‌గా రాబోతున్న ఈ సినిమాపై మెగా వర్గం ఓ రేంజ్ అంచనాలు పెట్టుకుంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/bOldqAj
No comments:
Post a Comment