గత కొన్ని నెలలుగా ఏపీ టికెట్స్ రేట్స్ ఇష్యూ చర్చల్లో నిలుస్తున్న సంగతి తెలిసిందే. మధ్యలో ఎంటరై ఈ ఇష్యూపై పలు కామెంట్స్ చేశారు. సినిమా టికెట్స్ రేట్లు నిర్ణయించడంలో ప్రభుత్వ జోక్యం ఎందుకున్నట్లు విరుచుకుపడ్డారు. పలు డిబేట్స్‌లో పాల్గొంటూ ప్రభుత్వాన్ని నేరుగా ప్రశ్నించారు. అయితే తాజాగా ఇదే ఇష్యూపై ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌ రెడ్డితో నిన్న (గురువారం) సినీ పెద్దల మీటింగ్ జరిగింది. దీంతో మరోసారి వర్మ ఎంటరయ్యారు. మెగాస్టార్‌ చిరంజీవితో పాటు మహేష్ బాబు, ప్రభాస్, దర్శకుడు ఎస్‌ఎస్‌ రాజమౌళి, కొరటాల శివతో పాటు పలువురు టాలీవుడ్‌ ప్రముఖులు సీఎం వద్దకు వెళ్లారు. భేటీ అనంతరం మీడియాతో మాట్లాడిన వారంతా త్వరలోనే శుభవార్త వస్తుందని చెప్పారు. భేటి అనంతరం ప్రభాస్, మహేష్ అంద‌రూ సీఎం జ‌గ‌న్‌కు ప్రత్యేకంగా కృతజ్ఞతలు చెబుతూనే, స‌మ‌స్య‌ను ముందుండి ప‌రిష్క‌రించ‌డానికి పూనుకున్న చిరంజీవికి కూడా థ్యాంక్స్ చెప్పారు. అయితే ఈ భేటీ తాలూకు వీడియోను తన ట్విట్టర్ ఖాతా ద్వారా షేర్ చేసిన రామ్ గోపాల్ వర్మ.. చిరంజీవిపై సెటైర్స్ వేస్తూ కామెంట్స్ చేశారు. 'ఓ మెగా అభిమానిగా ఈ మెగా బెగ్గింగ్ చూసి చాలా హర్ట్ అయ్యా' అని పేర్కొంటూ చిరంజీవిని ట్యాగ్ చేశారు వర్మ. అయితే ఈ ట్వీట్ చేసిన కొద్దిసేపటి తర్వాత తిరిగి ఆర్జీవీ ఆ ట్వీట్ రిమూవ్ చేయడంతో ఆయన తీరుపై జనాల్లో చర్చలు నడుస్తున్నాయి. ఇంతకీ వర్మ టార్గెట్ ఎవరు? అనేది హాట్ టాపిక్ అయింది. మరోవైపు దర్శకుడు రాజమౌళి జ‌గ‌న్‌కు, మంత్రి పేర్ని నానికి థ్యాంక్స్ చెబుతూ చిరంజీవికి సినీపెద్ద అంటే న‌చ్చ‌ద‌ని, కానీ ఆయ‌న‌కు న‌చ్చ‌క‌పోయినా ఆయ‌నే ఇప్పుడు సినీపెద్ద అని తన సైడ్ నుంచి క్లారిటీ ఇవ్వడం విశేషం.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/bMLNtAF
No comments:
Post a Comment