పవర్ స్టార్ రానా దగ్గుబాటి కాంబినేషన్లో సినిమా రెడీ అయింది. త్రివిక్రమ్ స్క్రిప్ట్ అందించగా.. సాగర్ కే చంద్ర ఈ చిత్రాన్ని తెరకెక్కించాడు. సితారా ఎంటర్టైన్మెంట్స్ బ్యానర్ మీద సూర్యదేవర నాగవంశీ ఈ చిత్రాన్ని నిర్మించాడు. నేడు (ఫిబ్రవరి 23) ఈ మూవీ ప్రీ రిలీజ్ ఈవెంట్ను చిత్రయూనిట్ హైద్రాబాద్లో గ్రాండ్గా నిర్వహిస్తోంది. ఈ ఈవెంట్లో మాట్లాడుతూ.. ‘నన్ను ఈ రోజు ఆహ్వానించిన నా సోదరుడు, మీ నాయకుడు పవర్ స్టార్ పవన్ కళ్యాణ్ గారికి థ్యాంక్స్. నాలుగేళ్ల కిందట అనుకుంటాను. రామ్ చరణ్ ఓ సారి పిలిస్తే ఇదే గ్రౌండ్కు సినిమా ఈవెంట్కు వచ్చాను. తండ్రేమో మెగాస్టార్ బాబాయ్ ఏమో పవర్ స్టార్ అని అన్నాను.ఇలానే అరిచారు. నన్ను మాట్లాడనివ్వలేదు. నేను ఈ రోజు ఇక్కడకు మంత్రిగా రాలేదు. ఓ అన్న పిలిస్తే సోదరుడిగా వచ్చాను. ఆయన మంచి మనిషి. విలక్షణ శైలి ఉన్న మనిషి. సూపర్ స్టార్లు, సినిమా స్టార్లు చాలా చాలా మంది ఉంటారు గానీ.. ఇలా కల్ట్ ఫాలోయింగ్ ఉన్న విలక్షణమైన నటుడు పవన్ కళ్యాణ్. నేను కూడా కాలేజ్లో ఉన్న సమయంలో తొలి ప్రేమ సినిమాను చూశాను. ఇన్నేళ్ల పాటు ఇలానే స్టార్డంను కంటిన్యూ చేయడం, ఫ్యాన్ ఫాలోయింగ్ను, ఇంత మంది అభిమానుల గుండెల్లో స్థానం సుస్థిరం చేసుకోవడం మామూలు విషయం కాదు. సినిమాలో పని చేసిన ప్రతీ ఒక్కరికీ థ్యాంక్స్. నల్గొండ నుంచి వచ్చి సినిమాను డైరెక్ట్ చేశాను అని సాగర్ చంద్ర ఎంతో గర్వంగా చెప్పాడు. భారత చలనచిత్ర సీమకు హైద్రాబాద్ను హబ్లా చేస్తామని మాకు నమ్మకంగా ఉంది. ఈరోజు సీఎం కేసీఆర్ గారు కాళేశ్వరం ప్రాజెక్ట్లోని మల్లన్న సాగర్ రిజర్వాయర్ను ప్రారంభించారు. మీరు సినిమా షూటింగ్లు గోదావరి జిల్లాల్లో చేయొచ్చు. భీమ్లా నాయక్ సినిమా ద్వారా ఎంతో మంది అజ్ఞాత సూర్యులను వెలుగులోకి తీసుకొచ్చారు. మొగిలయ్య, దుర్గాబాయ్ వంటి వారిని వెలుగులోకి తీసుకొచ్చారు’ అని అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/NxWsVPj
No comments:
Post a Comment