ప్ర‌స్తుతం టాలీవుడ్ మ్యూజిక్ సెన్సేషన్ ఎవ‌రంటే ట‌క్కున వినిపిస్తోన్న స‌మాధానం తమన్. ఇప్పుడు తమన్ ఆనందానికి ప‌ట్ట‌ప‌గ్గాలు లేవు. అందుకు కార‌ణం.. ‘భీమ్లా నాయక్’ సినిమా. శుక్ర‌వారం విడుద‌లైన ఈ సినిమా విజ‌య‌వంత‌మైన టాక్ సంపాదించుకుంది. ముఖ్యంగా సినిమా రిలీజ్ కంటే విడుద‌లైన లిరిక‌ల్ సాంగ్స్‌కు చాలా మంచి స్పంద‌న వ‌చ్చాయి. సినిమా రిలీజ్ త‌ర్వాత బ్యాగ్రౌండ్ స్కోర్‌కు ఎక్స్‌ట్రార్డిన‌రీ రెస్పాన్స్ వ‌చ్చింది. థియేట‌ర్స్‌లో ప్రేక్ష‌కులు, ఫ్యాన్స్ పాటలు వ‌స్తున్నప్పుడు చేస్తున్న సంద‌డి అంతా ఇంత కాదు. సాధార‌ణంగా హీరో పాట‌ల‌కు అభిమానులు స్క్రీన్ ద‌గ్గ‌ర‌కు వ‌చ్చి స్టెప్పులేయ‌డం అనేది కామ‌న్‌గా జ‌రిగే విష‌యం. అయితే, మ్యూజిక్ డైరెక్ట‌ర్ తమన్, డ్రమ్స్ శివ మ‌ణి కూడా ఇప్పుడు ఆ లిస్టులో చేరిపోయారు. అభిమానుల‌తో క‌లిసి స్క్రీన్ ముందు వేసిన స్టెప్పుల వీడియో నెట్టింట వైర‌ల్ అవుతుంది. ఈ వీడియోను తమన్ త‌న సోష‌ల్ మీడియాలో షేర్ చేశారు. పవన్ క‌ళ్యాణ్‌కి, త్రివిక్ర‌మ్‌కు ప్ర‌త్యేకంగా ధ‌న్య‌వాదాలు చెప్పారు మ్యూజిక్ డైరెక్ట‌ర్ తమన్. పవన్ క‌ళ్యాణ్‌తో తమన్ వ‌ర్క్ చేసిన రెండో సినిమా ఇది. పవన్ రీ ఎంట్రీ మూవీ వ‌కీల్ సాబ్ సినిమాకు తమన్ సంగీతం అందించారు. ఆ సినిమా మంచి విజ‌యాన్ని ద‌క్కించుకుంది. ఇప్పుడు అదే వ‌రుస‌లో భీమ్లా నాయక్ చేరింది. పవన్ హీరోయిజాన్ని ఎలివేట్ చేసిన తీరుకి ..తమన్ సంగీతం, నేప‌థ్య సంగీతం అద‌న‌పు బ‌లాలు అయ్యాయి. ఈ సినిమా వ‌సూళ్ల ప‌రంగా ఇప్ప‌టికే ఓవ‌ర్ సీస్‌లో వ‌న్ మిలియ‌న్ మార్కుని దాటేసింది. ఇప్పుడు తొలిరోజు మొత్తం ఎంత మేర‌కు వ‌సూళ్లు సాధించిందో కొన్ని గంట‌ల్లోనే క్లారిటీ వ‌చ్చేయ‌నుంది. పవన్ కళ్యాణ్, రానా దగ్గుబాటి హీరోలుగా నటించిన ‘’ చిత్రాన్ని సితార ఎంటర్‌టైన్‌మెంట్స్ బ్యానర్‌పై సూర్య దేవర నాగవంశీ నిర్మించారు. సాగర్ కె.చంద్ర దర్శకత్వం వహించారు. త్రివిక్రమ్ ఈ చిత్రానికి మాటలు, స్క్రీన్ ప్లే అందించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/6oyAnar
No comments:
Post a Comment