యంగ్ రెబల్ స్టార్ ప్రభాస్ లేటెస్ట్ మూవీ '' కోసం యావత్ సినీ లోకం ఆసక్తిగా ఎదురుచూస్తోంది. పాన్ ఇండియా సినిమాగా భారీ హంగులతో రూపొందుతున్న ఈ సినిమాను మార్చి 11వ తేదీన ప్రపంచవ్యాప్తంగా విడుదల చేయబోతున్నారు మేకర్స్. తెలుగు, తమిళ, కన్నడ, మలయాళ, హిందీ భాషల్లో రిలీజ్ కాబోతున్న ఈ సినిమా ప్రమోషన్స్ విషయంలో వినూత్నంగా స్టెప్స్ వేస్తూ అన్ని భాషల ప్రేక్షకులను అట్రాక్ట్ చేస్తున్నారు. ఈ నేపథ్యంలో వాలెంటైన్ వీక్ రావడంతో స్పెషల్ ప్లాన్స్ వేశారు. ఈ మేరకు 'రాధే శ్యామ్' థీమ్ పార్టీ పేరిట నిర్వహించబోతున్నారు. ఫిబ్రవరి 14 రాత్రి 8 గంటల నుంచి ఈ పార్టీ స్టార్ట్ కానుందట. ఈ పార్టీకి ప్రభాస్, పూజా హెగ్డే సహా చిత్రయూనిట్ మొత్తం హాజరై సందడి చేయనున్నారట. సౌత్ ఇండస్ట్రీలోనే మొదటి సారిగా ఇలాంటి వేడుక జరగనుండటం ఆసక్తి రేకెత్తిస్తోంది. విధికి, విధిరాతకు మధ్య జరిగే సంఘర్షణ నేపథ్యంలో పీరియాడిక్ లవ్ స్టోరీగా ఈ సినిమాను ప్రేక్షకుల ముందుకు తీసుకొస్తున్నారు. జిల్ ఫేమ్ రాధా కృష్ణ కుమార్ దర్శకత్వం వహిస్తున్నారు. భారీ బడ్జెట్ కేటాయించి కృష్ణంరాజు సమర్పణలో యువీ క్రియేషన్స్ బ్యానర్పై ఈ మూవీ రూపొందిస్తున్నారు. విక్రమాదిత్య అనే హస్త సాముద్రికా నిపుణుడిగా విలక్షణ పాత్రలో ప్రభాస్ కనిపించనుండగా.. ఆయన సరసన ప్రేరణ పాత్రలో పూజ హెగ్డే దర్శనమీయనుంది. ఇప్పటికే విడుదలైన 'రాధే శ్యామ్' అన్ని అప్డేట్స్ సినిమాపై భారీ అంచనాలు క్రియేట్ చేశాయి. ఇకపోతే ఈ సినిమా కోసం చాలా మంది సంగీత దర్శకులు పని చేయడం విశేషం. ఒక్కో భాషలో ఒక్కో మ్యూజిక్ డైరెక్టర్ బాణీలు కట్టారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/OHdxKmn
No comments:
Post a Comment