'బాహుబలి' సినిమాతో రికార్డుల సునామీ సృష్టించిన యంగ్ రెబల్ స్టార్ ప్రభాస్.. అప్పటినుంచి అదే హవా కంటిన్యూ చేస్తున్నారు. రికార్డులకు మారి పేరు అన్నట్లుగా దూసుకుపోతున్నారు. దీంతో ప్రపంచవ్యాప్తంగా ప్రభాస్ రేంజ్ రెట్టింపయింది. ఇదే జోష్‌లో వరుస సినిమాలు చేస్తున్న ఆయన, ఆయా సినిమాల విడుదలకు ముందే పలు రికార్డ్స్ చెరిపేస్తున్నారు. ఈ నేపథ్యంలోనే తాజాగా విషయంలో అరుదైన రికార్డ్ క్రియేట్ చేశారు ప్రభాస్. రాధాకృష్ణ కుమార్ దర్శకత్వంలో రొమాంటిక్ బ్యూటిఫుల్ ఎంటర్ టైనర్‌గా 'రాధే శ్యామ్' సినిమా రూపొందుతోంది. ఈ చిత్రంలో ప్రభాస్, పూజా హెగ్డే జంటగా నటిస్తున్నారు. కృష్ణంరాజు సమర్పణలో యువీ క్రియేషన్స్‌, గోపీకృష్ణా మూవీస్‌ పతాకాలపై వంశీ, ప్రమోద్‌, ప్రశీద నిర్మిస్తున్నారు. ఇప్పటికే విడుదలైన పోస్టర్స్ ప్రభాస్, పూజా మధ్య కెమిస్ట్రీ అద్భుతంగా కుదిరాయని చెప్పకనే చెప్పాయి. దీంతో ఎప్పటికప్పుడు వస్తున్న 'రాధే శ్యామ్' అప్‌డేట్స్‌పై స్పెషల్ ఫోకస్ పెట్టింది ప్రేక్షకలోకం. ఈ క్రమంలోనే ప్రభాస్ పుట్టినరోజు (అక్టోబర్ 23) కానుకగా ‘రాధే శ్యామ్' మూవీ నుంచి టీజర్ రిలీజ్ చేయగా.. దానికి ప్రేక్షకుల నుంచి అనూహ్యమైన స్పందన వస్తోంది. ఇందులో ప్రభాస్ విక్రమాదిత్య రోల్ చేస్తున్నట్లు తెలిపారు. 78 సెకెన్ల నిడివి ఉన్న ఈ టీజర్ ప్రభాస్ అభిమానులకే కాదు యావత్ సినీ లోకాన్ని ఫిదా చేస్తోంది. ఫలితంగా ఈ వీడియోకు మిలియన్ల కొద్ది వ్యూస్ వస్తున్నాయి. కేవలం 24 గంటల్లోనే ఈ టీజర్ ఏకంగా 42.67 మిలియన్ వ్యూస్ రాబట్టడమే గాక ఒక్క రోజులోనే 493.5K లైకులను పొందింది. ఫలితంగా ఇండియాలో మొదటి 24 గంటల్లో ఎక్కువ వ్యూస్ సాధించిన టీజర్ల జాబితాలో టీజర్ రెండో స్థానంలో నిలిచింది. దీని కంటే ముందు ‘కేజీఎఫ్ చాప్టర్ 2' మొదటి స్థానంలో ఉంది. ఇది చూసి రెబల్ స్టార్ ఫ్యాన్స్ ఖుషీ అవుతున్నారు. అద్భుతమైన విజువల్ ఎఫెక్ట్స్, అత్యద్భుతమైన సెట్లు.. అన్నింటినీ కలిపి 'రాధే శ్యామ్' సినిమాను ఎప్పటికీ మరిచిపోలేని ఒక గొప్ప ప్రేమ కథగా ప్రేక్షకుల ముందుకు తీసుకొస్తున్నారు. పాన్ ఇండియా సినిమాగా సంక్రాంతి కానుకగా వచ్చే ఏడాది జనవరి 14న ఈ సినిమాను గ్రాండ్‌గా రిలీజ్ చేస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3pyjH5A
No comments:
Post a Comment