Sunday, 31 October 2021

RRR Glimpse: రోమాలు నిక్కబొడిచే సీన్స్.. మెగా, నందమూరి అభిమానులకు కిక్కే కిక్కు!!

యావత్ భారతదేశం కళ్ళలో ఎంతగానో ఎదురు చూస్తున్న సినిమా RRR. బాహుబలి సిరీస్ తర్వాత రూపొందిస్తున్న భారీ సినిమా కావడంతో ప్రపంచ వ్యాప్తంగా ఈ సినిమాపై ఉన్న అంచనాలు ఊహకందడం లేదు. పైగా టాలీవుడ్ టాప్ స్టార్స్ అయిన యంగ్ టైగర్ , మెగా పవర్ స్టార్ హీరోలుగా భారీ మల్టీస్టారర్ మూవీగా తెరకెక్కుతుండటంతో యావత్ సినీ లోకం దృష్టి ఈ సినిమాపైనే ఉంది. ఈ నేపథ్యంలో తాజాగా రిలీజ్ చేసి కిక్కిచ్చారు జక్కన్న. ఓ వైపు శరవేగంగా RRR షూటింగ్ కంప్లీట్ చేస్తూనే గత కొన్ని నెలలుగా రాజమౌళి వదులుతున్న ఒక్కో అప్‌డేట్ ప్రేక్షక లోకంలో పూనకాలు తెప్పిస్తోంది. ఇప్పటికే విడుదలైన RRR పోస్టర్స్, ఫస్ట్‌ సింగిల్‌ భారీ రేంజ్ రెస్పాన్స్ తెచ్చుకున్నాయి. రామరాజు ఫర్ భీమ్, భీమ్ ఫర్ రామరాజు వీడియోస్ మెగా, నందమూరి అభిమాన వర్గాలను హుషారెత్తించాయి. అలాగే స్నేహితుల దినోత్సవం కానుకగా విడుదల చేసిన 'RRR దోస్తీ' సాంగ్ సోషల్ మీడియాలో రికార్డ్స్ తిరగరాసింది. ఇక తాజాగా మరో రికార్డుల సునామీకి ఊతమిస్తూ RRR గ్లింప్స్ రిలీజ్ అయింది. కేవలం 45 సెకనుల నిడివితో కట్ చేసిన ఈ టీజర్‌లో ఎన్టీఆర్, రామ్ చరణ్ లుక్స్ రివీల్ చేస్తూ భారీ విజువల్స్‌తో సినిమాపై ఉన్న అంచనాలకు రెక్కలు కట్టారు. కట్టిపడేస్తున్న సీన్స్‌కి కీరవాణి అందించిన బ్యాక్‌గ్రౌండ్ స్కోర్ రోమాలు నిక్కబొడిచేలా చేస్తున్నాయి. భారతీయ సినిమా వైభవాన్ని మరోసారి ఆవిష్కృతం చేయబోతున్నామంటూ ఈ వీడియో ద్వారా స్పష్టం చేశారు రాజమౌళి. డీవీవీ దానయ్య సమర్పణలో 400 కోట్ల భారీ బడ్జెట్‌తో ఈ చిత్రాన్ని తెలుగు, తమిళ, మలయాళం, కన్నడ, హిందీ భాషల్లో నిర్మిస్తున్నారు. ఎన్టీఆర్‌కు జోడీగా ఒలివియా మోరిస్‌, రామ్ చ‌ర‌ణ్‌ జంటగా బాలీవుడ్ హీరోయిన్ ఆలియా భ‌ట్ న‌టిస్తున్నారు. అల్లూరి సీతారామరాజుగా రామ్‌ చరణ్‌, కొమురం భీంగా ఎన్టీఆర్‌ వెండితెరపై మ్యాజిక్ క్రియేట్ చేయబోతున్నారు. ఈ RRR (రౌద్రం రుధిరం ర‌ణం) జనవరి 7వ తేదీన భారీ ఎత్తున ప్రేక్షకుల ముందుకు తీసుకొస్తున్నారు.


from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Y187nY

No comments:

Post a Comment

'Difficult To Trust Yunus Govt In Dhaka'

'It was the hostility of the Yunus regime that made India careful and wary of dealing with them.' from rediff Top Interviews https...