తెలుగు సినిమా రేంజ్ ఏంటనేది ప్రపంచానికి చాటిచెప్పిన దర్శకుడు . బాహుబలి లాంటి భారీ సినిమాతో గత రికార్డులన్నీ తుడిపేశారు జక్కన్న. ఇక ఎల్లలుదాటిన క్రేజ్ పవర్ స్టార్ పవన్ కళ్యాణ్ సొంతం. ప్రపంచవ్యాప్తంగా ఉన్న కోట్లాదిమంది అభిమానుల గుండెల్లో గూడు కట్టుకున్నారు పవన్. మరి అలాంటి ఈ ఇద్దరు దిగ్గజాలు కలిస్తే ఆ సంచలనాలు ఉహించగలమా? రాజమౌళి- పవన్ కళ్యాణ్ కాంబోలో సినిమా రావాలనేది ఎంతోమంది సినీ ప్రియుల కోరిక. తాజాగా ఈ విషయమై రియాక్ట్ అయ్యారు రాజమౌళి. తాజాగా శ్రీకాకుళంలో జరిగిన ఓ కాలేజ్ ఫెస్టివల్‌కు ముఖ్య అతిథిగా విచ్చేసిన రాజమౌళి ఆసక్తికర వ్యాఖ్యలు ఛేహారు. పవన్‌తో మీ సినిమా ఎప్పుడని ఓ స్టూడెంట్ అడగడంతో ఓపెన్ అయ్యారు జక్కన్న. పవన్ కళ్యాణ్ గారితో సినిమా చేయాలని చాలా సంవత్సరాలు వెయిట్ చేశానని, కానీ అది కుదరలేదని చెబుతూ గత విషయాలు ప్రస్తావించారు రాజమౌళి. ''ఓ సారి ఓ మూవీ షూటింగ్ జరుగుతుండగా పవన్‌ని కలిశాను. ఆయనతో మాట్లాడితే చాలా కంఫర్టబుల్‌గా అనిపించింది. ఆ తర్వాత సార్ మీరు చెప్పండి మీకు ఎలాంటి సినిమా చేయాలని ఉంది అని అడిగా. మీరు ఎలాంటి సినిమా అనుకుంటున్నారో అది చెప్పండి. ఎలాంటి సినిమా చేయడానికైనా నేను రెడీ అన్నారు. సరే సార్ అయితే మీరు టైమివ్వండి.. ఏ టైమ్‌లో రమ్మంటే ఆ టైమ్‌లో వచ్చి మీకు కథ చెబుతా అన్నాను. ఆ తర్వాత ఆయన దగ్గర్నుంచి కబురొస్తుందని చూశాను.. రాలేదు. ఆయన వేరే వేరే సినిమాలు చేస్తూ బిజీ అయ్యారు. ఈ లోపు నా థింకింగ్ మారిపోయింది. జస్ట్ మాస్ సినిమాలు కాదు.. మోర్ బిగ్గర్, వైడర్ రీచ్ ఉన్న సినిమాలు చేయాలని అనుకున్నా. అలా 'మగధీర', 'యమదొంగ'.. లాంటి సినిమాలు చేస్తూ వచ్చా. ఆయనకేమో సినిమాలకంటే రాజకీయాల మీద ఎక్కువ ఇంట్రెస్ట్ వచ్చింది. ఈ లోపల ఎక్కువ నంబర్ ఆఫ్ డేస్ సినిమాలకు ఇలా నా డైరెక్షన్ వెళ్ళిపోయింది. సో.. పవన్ అంటే నాకు చాలా ఇష్టం, గౌరవం కూడా. కాకపోతే మేమిద్దరం వేర్వేరు మార్గాల్లో ట్రావెల్ చేస్తున్నాము'' అన్నారు. ప్రస్తుతం RRR సినిమాతో బిజీగా ఉన్నారు రాజమౌళి. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా తెరకెక్కుతున్న ఈ భారీ సినిమాను సంక్రాంతి కానుకగా జనవరి 7న ప్రేక్షకుల ముందుకు తీసుకొస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3jRmTpk
No comments:
Post a Comment