సినీ నటి, క్యారెక్టర్ ఆర్టిస్ట్ గురించి ప్రత్యేకంగా చెప్పాల్సిన పనిలేదు. సినిమాల్లో నటించి ఎంత పాపులారిటీ సంపాదించిందో సోషల్ మీడియా ద్వారా అంతకుమించి ఫేమస్ అయింది ఈ సినీ తార. ఇటీవలి కాలంలో ప్రగతి పోస్ట్ చేస్తున్న ఫొటోలు, వీడియోలు సోషల్ మీడియా దుమ్ముదులిపేస్తున్నాయి. హాట్ హాట్ వర్కవుట్స్ చేస్తూ నెటిజన్ల దృష్టిని ఆకర్షించే ఆమె, ఈ సారి ట్రాక్ చేంజ్ చేసి రచ్చ చేసింది. పెళ్లిళ్లలో వేసే తీన్మార్ స్టెప్పులకు ఉన్న డిమాండ్ ఏనాటికీ తరగదు అని చెప్పుకోవచ్చు. ఊపు తెప్పించే డప్పుల దరువు, చుట్టూ జనం నడుమ డాన్స్ చేస్తుంటే ఆ కిక్కే వేరప్పా అంటుంటారు జనం. సాధారణ పబ్లిక్లో అయితే ఆడ, మగ అనే తేడా లేకుండా ఈ తీన్మార్ స్టెప్పులు ఎంజాయ్ చేయడం చాలాసార్లు చూశాం. కానీ ఓ సెలబ్రిటీ రోడ్డెక్కి ఇలా చిందులేయడం అంటే అది కచ్చితంగా అందరికీ తెలియాల్సిన విషయం. ఇదే ఆలోచన పెట్టుకుందేమో గానీ ప్రగతి మాత్రం తీన్మార్ డాన్స్తో ఇరగదీసింది. నడిరోడ్డుపై చుట్టూ యువకుల నడుమ హుషారుగా స్టెప్పులేసింది. పైగా ఈ వీడియోను తన ఇన్స్స్టా ఖాతా ద్వారా పంచుకుంటూ ''ఇలాంటి అవకాశం వచ్చినప్పుడు అస్సలు మిస్ కావొద్దు.. మీ పిచ్చిని బయటపెట్టాలి. థాంక్స్ మై బాయ్స్'' అంటూ ట్యాగ్ లైన్ రాసింది ప్రగతి. దీంతో ఈ వీడియో నెట్టింట వైరల్ అయింది. 44 ఏళ్ల వయసులో కూడా ఫిజికల్ ఇంత ఫిట్నెస్ మెయిన్టైన్ చేస్తున్న ప్రగతిని చూసి అంతా షాకవుతున్నారు. ఆమె ఎనర్జీ, డాన్సింగ్ స్కిల్స్ ఔరా అనిపిస్తున్నాయి. లుంగీ డాన్స్, కిక్ బాక్సింగ్, క్లాసికల్ డాన్స్, తీన్మార్ స్టెప్స్ ఇలా ఏ రకమైన దాంట్లో అయినా తనకు తానే సాటి అంటూ ఇలా ఎంజాయ్ చేస్తోంది ఈ సీనియర్ నటి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3Gs4f0Q
No comments:
Post a Comment