దాదాపు నెల రోజులుగా టాలీవుడ్‌లో హాట్ టాపిక్‌గా ఉన్న అంశాల్లో సాయి ధరమ్ తేజ్‌కు జరిగిన ప్రమాదం కూడా ఒకటి. గత నెల 10వ తేదీన ఐకియా-కేబుల్‌బ్రిడ్జ్ దాటిన తర్వాత మైండ్‌స్పేస్ జంక్ష‌న్ ప్రాంతంలో సాయితేజ్ ప్ర‌యాణిస్తున్న బైక్ స్కిడ్ అయ్యింది. దీంతో ఆయన తీవ్రంగా గాయపడ్డారు. వెంటనే అక్కడ ఉన్నవాళ్లు ఆయన్ని మెడికోవర్ ఆస్పత్రిలో చేర్చారు. ఆ తర్వాత మెరుగైన చికిత్స కోసం ఆయన్ని అపోలో ఆస్పత్రిలో చేర్పించారు. అయితే ఆయనకు ప్రమాదం జరిగింది అని తెలిసిన రోజు నుంచి ఆయన ఆరోగ్యం గురించి అభిమానుల్లో ఆందోళన నెలకొంది. అయితే మెగా ఫ్యామిలీ సభ్యులు, ఇతర సినీ ప్రముఖులు, అపోలో ఆస్పత్రి వైద్యులు.. ఆయన ఆరోగ్య పరిస్థితిపై ఎప్పటికప్పుడు ప్రకటనలు చేస్తూనే ఉన్నారు. ఇక ఆయన కాలర్ బోన్‌కి ఫ్రాక్చర్ కావడంతో వైద్యులు దానికి శస్త్ర చికిత్స చేశారు. ఆ తర్వాత కొన్ని రోజులు ఐసీయూలోనే సాయి ధరమ్ తేజ్‌కు వైద్యం అందించారు. మరోవైపు ఆయన నటించిన లేటెస్ట్ సినిమా ‘’. దేవా కట్టా దర్శకత్వంలో రూపొందిన ఈ సినిమా, సాయి ధరమ్ అనారోగ్యంగా ఉన్నప్పటికీ.. అనుకున్నట్లుగానే అక్టోబర్ 1వ తేదీన విడుదల అయింది. మెగాస్టార్ చిరంజీవి ఈ సినిమా ట్రైలర్ లాంచ్ చేయగా.. పవర్‌స్టార్ పవన్‌కళ్యాణ్ సినిమా ప్రీరిలీజ్ ఈవెంట్‌కు ముఖ్య అతిథిగా హాజరై సినిమాకు తమ మద్దతు తెలిపారు. ఇక ప్రస్తుతం ఈ సినిమా పాజిటివ్ టాక్‌తో దూసుకుపోతుంది. మంచి సందేశంతో రూపొందిన ఈ సినిమా ప్రేక్షకులను ఆకట్టుకుంటోంది. సినిమా విషయం పక్కన పెడితే.. ఆరోగ్యంపై రకరకాల రూమర్లు పుట్టుకొస్తున్నాయి. ఇప్పటికి ఆయన కోమాలోనే ఉన్నారు అని.. ఆయన కోలుకోవడానికి ఇంకా నెలరోజులకు పైగా సమయం పడుతుందంటూ కొందరు పుకార్లు వ్యాప్తి చేస్తున్నారు. అయితే తాజా ఈ రూమర్లు అన్నిటికి సాయి ధరమ్ తేజ్ ఒకే ఒక ట్వీట్‌తో చెక్ పెట్టారు. ‘‘రిపబ్లిక్’ సినిమాపై మీరంతా చూపించిన ప్రేమ, అభిమానానికి కేవలం థాంక్స్‌ అనే చిన్న పదంతో సరిపెట్టలేను. త్వరలో కలుసుకుందాం’ అంటూ ‘థంబ్స్ అప్‌’ చూపిస్తూ.. ఆయన ఓ పిక్‌ని పోస్ట్ చేసి.. రూమర్లకు చెక్ పెట్టారు. దీంతో సాయి ధరమ్ తేజ్ అభిమానుల్లో నూతన ఉత్సాహం నెలకొంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3ivFgiS
No comments:
Post a Comment