అభిమానాన్ని సేవా గుణం వైపుగా మ‌ల్లించిన తొలి టాలీవుడ్‌ హీరో మెగాస్టార్ అన‌డంలో ఎలాంటి సందేహం లేదు. వారి సాయంతోనే చారిట‌బుల్ ట్ర‌స్ట్‌ను స్థాపించి నేత్ర‌దానం, ర‌క్త‌దానం చేస్తూ ప్ర‌జ‌ల‌కు తన వంతు సాయాన్ని అందిస్తున్నారు చిరంజీవి. అంతే కాదండోయ్ ఎవ‌రైనా అభిమానులు ఇబ్బందుల్లో ఉంటే చిరంజీవి కూడా అలాగే స్పందిస్తుంటారు. దీనికి ఎన్నో ఉదాహ‌ర‌ణ‌లున్నాయి. రీసెంట్‌గా విశాఖపట్నానికి చెందిన వెంకట్ చిరంజీవికి వీరాభిమాని. ఆయన కొంతకాలంగా అనారోగ్యంతో బాధపడుతున్నారు. అయితే వెంకట్ సామాజిక మాధ్యమం ద్వారా చిరంజీవిని క‌ల‌వాల‌నే విష‌యాన్ని, ఆయన దృష్టికి తీసుకెళ్లేలా చేశారు. విషయం తెలుసుకున్న చిరంజీవి, వెంకట్ ఆరోగ్యానికి సంబంధించిన వివ‌రాల‌ను వాక‌బు చేసిన త‌న‌ను కలవాలని కోరారు. అయితే ఇక్క‌డ వెంకట్ క‌ద‌ల‌లేని ప‌రిస్థితిలో ఉన్నారు. ఈ విష‌యాన్ని తెలుసుకున్న చిరంజీవి ఎలా అయినా వెంకట్ను కలవాలని భావించి వెంకట్, వెంకట్ భార్యకు విశాఖపట్నం నుంచి హైదరాబాదుకు ఫ్లైట్ టికెట్స్ తీయించి హైదరాబాద్ రప్పించారు. శనివారం రోజున వెంకట్ ఆయన భార్య సుజాతను చిరంజీవి తన నివాసంలో కలిశారు. ఇద్దరితో దాదాపు 45 నిమిషాల మాట్లాడారు చిరంజీవి. వెంకట్ ఆరోగ్యం గురించి , ఆయన భార్య భార్య సుజాత ద‌గ్గ‌ర చిరంజీవి పూర్తిగా మాట్లాడి వివ‌రాల‌ను తెలుసుకున్నారు. అంతే కాకుండా వెంకట్ మెడికల్ రిపోర్ట్స్ పరిశీలించిన చిరంజీవి, మెరుగైన వైద్యం అందించడం కోసం హైదరాబాద్‌లోని ఒమేగా హాస్పిటల్స్‌లో చెకప్ కోసం పంపించారు. ఒమేగా హాస్పిటల్స్ లో తెలిసిన డాక్టర్లతో మాట్లాడిన చిరంజీవి పరిస్థితి అడిగి తెల్సుకున్నారు. అన్ని రకాల పరీక్షలు చేయించి, అక్కడి వైద్యులను సంప్రదించిన చిరంజ‌వి.. వైజాగ్‌లోని హాస్పిటల్‌లో వెంకట్ను జాయిన్ చేసే విషయం గురించి మాట్లాడారు. విశాఖ హాస్పిటల్ లో ఖర్చలు తానే చూసుకుంటానని చిరంజీవి పేర్కొన్నారు. అవసరమైతే చెన్నై హాస్పిటల్ కి తరలించి అక్కడ వైద్యం చేయడానికి తాను సిద్ధంగా ఉన్నానని తన వీరాభిమాని వెంకట్ ను కాపాడుకోవడానికి వెనుకాడేది లేదని చిరంజీవి వెంకట్, ఆయన భార్య సుజాతకు భరోసా ఇచ్చారు. అభిమానులంటే చిరంజీవికి ఎంత ఇష్ట‌మో, వారి క‌ష్ట‌న‌ష్టాల్లో ఆయ‌నెలా స్పందిస్తార‌నే విషయం మ‌రోసారి నిజ‌మైంద‌ని ఆయన అభిమానులు అంటున్నారు. మెగా స‌హృద‌యానికి వారు ధ‌న్య‌వాదాలు తెలిపారు. తమ తోటి అభిమాని అయిన వెంకట్ అనారోగ్యం నుంచి కోలుకుని తిరిగి మామూలు మనిషి కావాల‌నిఈ సంద‌ర్భంగా మెగా అభిమానులు ఆశాభావాన్ని వ్యక్తం చేస్తున్నారు. ఇప్పుడు చిరంజీవి తన ట్ర‌స్ట్ సేవ‌ల‌ను ఆన్‌లైన్ ద్వారా మ‌రింత విస్తృతం చేస్తున్నారు. చిరంజీవి త‌న‌యుడు మెగాప‌వ‌ర్‌స్టార్ రామ్‌చ‌ర‌ణ్ ఈ వ్య‌వ‌హారాల‌ను ద‌గ్గ‌రుండి ప‌ర్య‌వేక్షిస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3GiO71F
No comments:
Post a Comment