టీవీ ఛానెల్‌కు చుక్కుల చూపించడానికి రెడీ అయిన త‌మ‌న్నా .. లీగ‌ల్ నోటీసులు పంపి ఫాకిచ్చిన‌ మిల్కీబ్యూటీ!

త‌మ‌న్నా భాటియా గురించి తెలిసిన వాళ్లు త‌నెంతో ప్రొఫెష‌న‌ల్‌గా వ‌ర్క్ చేస్తుంద‌ని అంటారు. గ్లామ‌ర్‌గానే కాదు.. పెర్ఫామెన్స్ ప‌రంగా, డాన్సుల ప‌రంగానూ ఆమె త‌న‌దైన గుర్తింపును సంపాదించుకుంది. అయితే త‌నను ఇబ్బంది పెట్ట‌నంత వ‌ర‌కు త‌న ప‌నేదో తాను చూసుకుని వెళ్తాన‌ని.. తేడా వ‌స్తే చుక్క‌లు చూపిస్తాన‌ని చెప్ప‌క‌నే చెప్పేయ‌బోతుంది త‌మ‌న్నా. స‌మాచారం మేర‌కు, ఓ ప్ర‌ముఖ ఛానెల్‌పై త‌మ‌న్నా కేసులు వేయ‌బోతుంద‌ని ఇండ‌స్ట్రీ వ‌ర్గాల్లో టాక్ వినిపిస్తోంది. వివ‌రాల్లోకెళ్తే.. సినిమాల‌తో పాటు డిజిట‌ల్ మాధ్య‌మంలో సంద‌డి చేసిన మిల్కీబ్యూటీ రీసెంట్‌గానే బుల్లితెర‌పై ‘మాస్ట‌ర్ చెఫ్‌’ అనే కార్య‌క్ర‌మం తెలుగు వెర్ష‌న్‌కు వ్యాఖ్యాత‌గా వ్య‌వ‌హ‌రించింది. ఈ షోకు హోస్ట్‌గా చేస్తే భారీ మొత్తంలో రెమ్యూన‌రేష‌న్ ఇస్తామ‌ని స‌ద‌రు ఛానెల్‌వాళ్లు ఆఫ‌ర్ చేశార‌ట‌. అయితే త‌మ‌న్నా ప్రోగ్రామ్‌కు ఆశించిన స్థాయిలో రేటింగ్స్ రాలేదు. ప్రోగ్రామ్స్ అంతా రేటింగ్స్ పైనే న‌డుస్తుంటాయి. మ‌రి త‌క్కువ రేటింగ్స్ వ‌చ్చిన‌ప్పుడు నిర్వాహ‌కులు ఎందుకు ఒప్పుకుంటారు. అందుక‌ని వారు స‌ద‌రు మాస్ట‌ర్ చెఫ్ ప్రోగ్రామ్ నుంచి త‌మ‌న్నాను ప‌క్క‌కు పెట్టేసి స్టార్ యాంక‌ర్ అయిన అన‌సూయ భ‌రద్వాజ్‌ను రీప్లేస్ చేసేశారు. అయితే ఈ విష‌యంలో తమ‌న్నా పెద్ద‌గా బాధ‌ప‌డ‌లేదు. అయితే ఇస్తామ‌న్న రెమ్యున‌రేష‌న్‌ను ఇవ్వ‌కుండా స‌ద‌రు ఛానెల్ ప్రోగ్రామ్ నిర్వాహ‌కులు మీన మేషాలు లెక్కిస్తున్నార‌ట‌. దీంతో త‌మ‌న్నాకు విసుగొచ్చి ఛానెల్‌లో ప్రోగ్రామ్‌ను నిర్వ‌హిస్తున్న వారిపై కేసు వేసింద‌ని టాక్‌. ఇక వేరే ఛాయిస్ లేకుండా త‌మ‌న్నా ఈ ప‌ని చేసింద‌ని త‌మ‌న్నా త‌ర‌పు లాయ‌ర్ వెల్ల‌డించిన‌ట్లు వార్త‌లు వినిపిస్తున్నాయి. మ‌రి ఈ వార్త‌ల‌పై త‌మ‌న్నా కానీ, అటు ఛానెల్ నిర్వాహ‌కులు కానీ ఎక్క‌డా అధికారికంగా మాత్రం స్పందించ‌డం లేదు. ద‌శాబ్దంన్న‌ర‌కు పైగా సినీ ఇండస్ట్రీలో హీరోయిన్‌గా రాణిస్తూ అగ్ర క‌థానాయ‌కులంద‌రితో సినిమాలు చేస్తున్న మిల్కీబ్యూటీ రీసెంట్‌గా విడుద‌లైన మాస్ట్రోలో గ్రే షేడ్స్ ఉన్న పాత్ర‌లో న‌టించి ఆక‌ట్టుకుంది. ఒక‌వైపు సిల్వ‌ర్ స్క్రీన్‌పై ప్రేక్ష‌కుల‌ను మెప్పిస్తూనే ఓటీటీల్లో అడుగు పెట్టి ఆక‌ట్టుకుంది. ఆహాలో లెవన్త్ అవర్ అనే వెబ్ సిరీస్‌లో త‌మ‌న్నా మెయిన్ రోల్ పోషించిన సంగ‌తి తెలిసిందే. అదే స‌మ‌యంలో బుల్లితెర నుంచి కూడా త‌మ‌న్నాకు ఆఫ‌ర్ రావ‌డంతో ఆమె ఓకే చెప్పింది. అయితే ఆ షో కాస్త త‌మ‌న్నాకు చేదు అనుభ‌వాన్నే మిగిల్చింద‌ని టాక్‌. సినిమాల విషయానికి వ‌స్తే స‌త్య‌దేవ్‌తో చేసిన గుర్తుందా శీతాకాలం విడుద‌ల‌కు సిద్ధ‌మ‌వుతోంది. మ‌రో వైపు ప్లాన్ ఏ ప్లాన్ బి, బొలే చూడియా హిందీ సినిమాలు కూడా లైన్‌లో ఉన్నాయి. ద‌టీజ్ మ‌హాలక్ష్మి సినిమా అలాగే విడుద‌ల కాకుండా ఆగిపోయింది.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3Ba4lpR