ఫ్యాన్స్‌కు ప్రభాస్ దీపావళి సర్‌ప్రైజ్.. ‘రాధేశ్యామ్’ నుంచి మరో టీజర్

ప్ర‌భాస్ ఫ్యాన్స్‌కు ఇక వ‌రుస పండుగ‌లేన‌ని చెప్పొచ్చు. ఎందుకంటే.. ఆయ‌న పాన్ ఇండియా సినిమాల నుంచి వ‌రుస అప్‌డేట్స్ రానున్నాయి. ఇందుకు బెస్ట్ ఎగ్జాంపుల్ ఆయ‌న పుట్టిన‌రోజున విడుద‌లైన ‘రాధేశ్యామ్‌’ టీజ‌ర్‌. ఈ టీజ‌ర్‌కు అమేజింగ్ రెస్పాన్స్ వ‌చ్చింది. అయితే రానున్న‌ది అతి పెద్ద పండుగైన దీపావ‌ళి. మ‌రి ఆ రోజున ప్ర‌భాస్ సినిమాల నుంచి ఏమైనా అప్‌డేట్స్ ఉంటాయో లేవోన‌ని ఫ్యాన్స్ అనుకుంటున్నారు. అయితే తాజాగా సినీ వ‌ర్గాల నుంచి వ‌స్తున్న స‌మాచారం మేర‌కు ప్ర‌భాస్ తాజా చిత్రం ‘రాధేశ్యామ్‌’ నుంచి దీపావ‌ళికి ఫ్యాన్స్‌ను స‌ర్‌ప్రైజ్ చేస్తూ ఓ టీజ‌ర్ విడుద‌ల కాబోతుంది. ఇంత త‌క్కువ గ్యాప్‌లో రెండు టీజ‌ర్స్ సినిమా నుంచి రావ‌డం అంటే నిజంగా ఫ్యాన్స్‌కు పండ‌గేన‌ని చెప్పొచ్చు. అలాగే ఇండ‌స్ట్రీలో మ‌రో వార్త కూడా వినిపిస్తుంది. బాహుబ‌లితో పాన్ వ‌ర‌ల్డ్ ప్రేక్ష‌కుల‌కు ద‌గ్గ‌రైన ప్ర‌భాస్.. రాధేశ్యామ్‌ను త‌న పాన్ వ‌ర‌ల్డ్ ప్రేక్ష‌కుల‌కు రీచ్ అయ్యేలా చేయాల‌నుకుంటున్నార‌ట‌. అందు కోసం ‘రాధేశ్యామ్‌’ టీజ‌ర్ ఇంగ్లీష్ వెర్ష‌న్‌ను విడుద‌ల చేస్తార‌ట‌. దీని వ‌ల్ల సినిమా అంద‌రికీ రీచ్ అవుతుంద‌ని భావిస్తున్నార‌ట‌. నిజంగా ఇది మంచి ప్ర‌య‌త్న‌మేన‌ని చెప్పాలి. ‘రాధేశ్యామ్‌’ యూర‌ప్ బ్యాక్‌డ్రాప్‌లో సాగే పీరియాడిక‌ల్ ల‌వ్‌స్టోరి. ఇందులో ప్ర‌భాస్ చేతి రేఖ‌ల‌ను చూసి జాత‌కం చెప్పేసే విక్ర‌మాదిత్య అనే వ్య‌క్తిగా క‌నిపిస్తాడు. అంటే భ‌విష్య‌త్తుని తెలుసుకునే వ్య‌క్తి అన్న‌మాట‌. ఒక‌వైపు బిజినెస్ మేన్‌, మ‌రో ప‌క్క భ‌విష్య‌త్‌ను గ్ర‌హించే వ్య‌క్తి అనే రెండు పాత్ర‌ల్లో ప్ర‌భాస్ ఎలా మెప్పిస్తాడ‌నేది ఆస‌క్తిక‌రంగా మారింది. అలాగే పాత్ర మ్యూజిక్ టీచ‌ర్‌.. ఈ పాత్ర పేరు ప్రేర‌ణ‌. అస‌లు వీరి మ‌ధ్య ప్రేమ ఎలా.. ఎక్క‌డ పుట్టింది.. చివ‌ర‌కు ఏ మ‌జిలీ చేరుకుంద‌నేదే క‌థ అని టాక్‌. దాదాపు రూ.400 కోట్ల‌కుపై బ‌డ్జెట్‌తో తెర‌కెక్కుతోన్న ఈ సినిమాను వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 14న విడుద‌ల చేస్తున్నారు. మ‌రో వైపు జ‌న‌వ‌రి 7న ఆర్ఆర్ఆర్ కూడా బాక్సాఫీస్ ద‌గ్గ‌ర సంద‌డి చేస్తుంది. వీరిద్ద‌రి గ్యాప్‌లో భీమ్లా నాయ‌క్‌గా ప‌వ‌న్ సంద‌డి చేయ‌డానికి రెడీ అవుతున్నారు. ఏదేమైనా వ‌చ్చే సంక్రాంతి పోటీ మ‌రింత ఆస‌క్తిక‌రంగా మారింద‌న‌డంలో సందేహం లేదు. ఇక ప్ర‌భాస్ మ‌రోవైపు స‌లార్‌, ఆదిపురుష్ సినిమాల షూటింగుల‌ను పూర్తి చేసే ప‌నిలో బిజీగా ఉన్నారు. ఎందుకంటే నాగ్ అశ్విన్ ద‌ర్శ‌క‌త్వంలో ప్రాజెక్ట్ కె, సందీప్ వంగా ద‌ర్శ‌క‌త్వంలో స్పిరిట్ సినిమాల షూటింగ్‌ల‌ను కూడా స్టార్ట్ చేయాల్సి ఉంది.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3vKDM9B