MAA కంప్లీట్ హిస్టరీ.. ఈ ఆలోచన ఎవరిది? ఇప్పటిదాకా ఎంతమంది ప్రెసిడెంట్స్? నెలకొన్న వివాదాలేంటి..?

టాలీవుడ్‌లో 'మా' ఎన్నికల ఇష్యూ హాట్ టాపిక్ అయింది. గత రెండు మూడు నెలలుగా ఆ అంశంపై వాదోపవాదాలు నడుస్తున్నాయి. ముఖ్యంగా 'మా' బిల్డింగ్ ఇష్యూపై రగడ చోటుచేసుకుంది. ఈ పరిస్థితుల నడుమ నేడు (ఆదివారం) ఉదయం 'మా' ఎన్నికలు షురూ అయ్యాయి. సినీ తారలు పెద్ద ఎత్తున అక్కిడికి చేరుకొని ఓటు హక్కు వినియోగించుకున్నారు. పోటీలో ఉన్న ఇరు ప్యానల్స్ వివరాలు ఓ సారి చూస్తే.. మంచు విష్ణు ప్యానల్‌.. పోటీదారులు 1. మంచు విష్ణు - అధ్యక్షుడు 2. రఘుబాబు - జనరల్‌ సెక్రటరీ 3. బాబు మోహన్‌ - ఎగ్జిక్యూటివ్‌ వైస్‌ ప్రెసిడెంట్‌ 4. మాదాల రవి - వైస్‌ ప్రెసిడెంట్‌ 5. పృథ్వీరాజ్‌ బాలిరెడ్డి - వైస్‌ ప్రెసిడెంట్‌ 6. శివబాలాజీ - ట్రెజరర్ 7. కరాటే కల్యాణి - జాయింట్‌ సెక్రటరీ 8. గౌతమ్‌ రాజు- జాయింట్‌ సెక్రటరీ ఎగ్జిక్యూటివ్ మెంబర్లు 9. అర్చన 10. సంపూర్ణేష్ బాబు, 11. అశోక్ కుమార్ 12. గీతాసింగ్ 13. రాజేశ్వరి రెడ్డి, 14. రేఖా 15. శశాంక్, 16. శివనారాయణ 17. శ్రీలక్ష్మి 18. శ్రీనివాసులు 19. స్వర్ణ మాధురి 20. విష్ణు బొప్పన 22. వడ్లపట్ల 24. హరినాథ్ బాబు 25. జయవాణి 26. మలక్ పేట్ శైలజ 28. మాణిక్ 29. పూజిత ప్రకాష్ రాజ్ ప్యానెల్‌.. పోటీదారులు 1. అధ్యక్షుడు: ప్రకాశ్‌రాజ్‌ 2. జనరల్‌ సెక్రటరీ: జీవితా రాజశేఖర్‌ 3. ఎగ్జిక్యూటివ్‌ వైస్‌ ప్రెసిడెంట్‌: శ్రీకాంత్‌ 4. ఉపాధ్యక్షుడు: బెనర్జీ, హేమ 5. జాయింట్‌ సెక్రటరీ: అనితా చౌదరి, ఉత్తేజ్‌ 6. ట్రెజరర్‌ : నాగినీడు ఎగ్జిక్యూటివ్ మెంబర్లు: 7. అనసూయ, 8. అజయ్, 9. భూపాల్, 10. బ్రహ్మాజీ, 11. ప్రభాకర్, 12. గోవింద రావు, 13. ఖయూమ్, 14. కౌశిక్, 15. ప్రగతి, 16. రమణా రెడ్డి, 17. శివా రెడ్డి, 18. సమీర్, 19. సుడిగాలి సుధీర్, 20. సుబ్బరాజు. డి, 21. సురేష్ కొండేటి, 22. తనీష్, 23. టార్జాన్ ఇక హిస్టరీపై ఓ లుక్కేస్తే.. తెలుగు సినీ రంగంలో నటీనటుల సంఘానిది 26 ఏళ్ల చరిత్ర. 1994లో ఏర్పాటయింది. అప్పుడు వంద మంది సభ్యులు మాత్రమే ఉండేవారు. సంఘం వ్యవస్థాపక అధ్యక్షుడిగా చిరంజీవి వ్యవహరించారు. అయితే మొదటి 20 ఏళ్ల చరిత్ర ఒక ఎత్తయితే గత ఆరేళ్లు మరో చరిత్ర. నటీనటులకు సంబంధించిన సమస్యలు, వివాదాల పరిష్కారం, సభ్యుల సంక్షేమం కోసం ఏర్పాటు చేసిన 'మా' అసోసియేషన్లో అసలు లక్ష్యం పక్కదారి పట్టింది. క్రమంగా వివాదాలకు నిలయంగా మారి యావత్ చిత్ర పరిశ్రమలో చర్చనీయాంశంగా నిలిచింది. సామాన్య ప్రేక్షకుడూ 'మా' అసోసియేషన్ లో ఏం జరుగుతుందో తెలుసుకోవాలనే ఉత్కంఠను సృష్టించింది. మరి అసలు మా అసోసియేషన్ ఎలా ఏర్పాటైంది? దాని లక్ష్యాలేంటి? ఇంతకు ముందు అధ్యక్షులుగా ఎవరు పనిచేశారు? ఎలాంటి సేవలందించారు? అనేది చూద్దామా.. తెలుగు సినిమా నటీనటుల సంక్షేమాన్ని కాంక్షిస్తూ సినీ పరిశ్రమ మూవీ ఆర్టిస్ట్ అసోసియేషన్ (MAA) ఏర్పాటు చేసింది. వాస్తవానికి మూవీ ఆర్టిస్ట్ అసోసియేషన్ ఏర్పాటు చేయాలన్న ఆలోచన ఆకాశంలో అంకురించింది. పోలీసుశాఖ సహాయార్థం తెలుగు నటీనటులు విశాఖపట్నంలో క్రికెట్ మ్యాచ్ ఆడి నిధులు సమీకరించారు. ఆ తర్వాత తిరిగి హైదరాబాద్ వస్తున్న క్రమంలో మెగాస్టార్ చిరంజీవి, మురళీమోహన్.. నటీనటుల సంఘంపై ఆలోచన చేశారు. అక్కినేని నాగేశ్వరరావు, కృష్ణ, కృష్ణంరాజు లాంటి పెద్దల సమక్షంలో కళాకారులకు అమ్మలాంటి MAA సంస్థను ఏర్పాటు చేద్దామని ప్రతిపాదించారు. అందరూ ఏకగ్రీవంగా ఒప్పుకోవడంతో మెగాస్టార్ చిరంజీవిని వ్యవస్థాపక అధ్యక్షుడిగా 'మా' పుట్టింది. అక్కినేని నాగేశ్వర్ రావు, కృష్ణ, కృష్ణంరాజు, మురళీమోహన్ తదితర సీనియర్లు ముఖ్య సలహాదారులుగా వ్యవహరించారు. రెండేళ్లు మురళీమోహన్ నివాసంలోనే 'మా' కార్యకలాపాలు కొనసాగించారు. ఆ తర్వాత ఫిల్మ్ నగర్లోని రామానాయుడు నిర్మించిన సొసైటీ భవనంలోని ఓ గదిలో 1993 అక్టోబర్ 4న అసోసియేషన్ కార్యాలయాన్ని ఏర్పాటు చేశారు. అప్పటి ముఖ్యమంత్రి చంద్రబాబునాయుడు ముఖ్య అతిథిగా హాజరై మా అసోసియేషన్ కార్యాలయాన్నిలాంఛనంగా ప్రారంభించారు. నటీనటులకు సంబంధించిన పారితోషికాలు, దర్శక నిర్మాతలతో వివాదాలు, సభ్యుల సంక్షేమాన్ని చూసుకోవడం మూవీ ఆర్టిస్ట్ అసోసియేషన్ ప్రధాన ఉద్దేశం. నిర్మాతలెవరైనా నటీనటులకు పారితోషకం ఇవ్వకపోయినా, దర్శక నిర్మాతలకు నటీనటులకు గొడవలు జరిగినా 'మా' జోక్యం చేసుకుని వాటిని పరిష్కరిస్తుంది. అలాగే నిరుపేద కళాకారులు, వృద్ధ కళాకారుల ఆరోగ్యం కోసం సహాయం చేయడం, అవకాశాలు లేని వారికి సినిమా అవకాశాలు ఇప్పించడం అసోసియేషన్ బాధ్యత. ఈ బాధ్యతలను అసోసియేషన్లోని కార్యవర్గ సభ్యులు చిన్న చిన్న కమిటీలుగా ఏర్పడి సభ్యుల సంక్షేమాన్ని చూసుకునేవారు. మా అసోసియేషన్కు మొదట వ్యవస్థాపక అధ్యక్షుడిగా చిరంజీవి కొనసాగగా ఆ తర్వాత బాధ్యతలను మురళీమోహన్ స్వీకరించారు. ప్రతి రెండేళ్లకోసారి అసోసియేషన్ అధ్యక్షుడ్ని ఎన్నుకోవడం ఆనవాయితీగా వస్తోంది. ఈ క్రమంలో మోహన్బాబు, నాగార్జున, నాగబాబు.. 'మా' అసోసియేషన్కు సేవలందించగా ఆరు సార్లు మురళీమోహన్ అధ్యక్షుడిగా పనిచేశారు. ఆ తర్వాత అసోసియేషన్ సభ్యుల మధ్య అంతర్గత విబేధాలు ఎన్నికలకు దారితీశాయి. ఆరేళ్ల పాటు వరుసగా జరిగిన పోటాపోటీ ఎన్నికల్లో నటులు రాజేంద్రప్రసాద్, శివాజీరాజా, నరేష్ అధ్యక్షులుగా పనిచేశారు. శివాజీరాజా హయాంలో 'మా' కొన్ని విభేదాలు తలెత్తగా.. నరేష్ అధ్యక్షుడిగా ఎన్నికయ్యాక ఆ విభేదాలు భగ్గుమన్నాయి. 'మా' నిధుల దుర్వినియోగంపై వాదోపవాదాలు జరిగాయి. ఈ క్రమంలోనే 'మా' విభేదాల పర్యవేక్షణ కోసం క్రమశిక్షణ కమిటీ ఏర్పాటు చేయడం జరిగింది. ప్రస్తుతం 'మా'లో 914 మంది శాశ్వత సభ్యులుండగా.. 29 మంది అసోసియేట్ సభ్యులు, 18 మంది సీనియర్ సిటిజన్స్ ఉన్నారు. వారిలో చనిపోయిన వారి సంఖ్య తీసివేస్తే 850 మంది మాత్రమే అసోసియేషన్‌లో యాక్టివ్ మెంబర్లుగా ఉన్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3mEdP7D