Hema - MAA elections: వాళ్లిద్దరూ నన్ను దూషించారు.. బ్లాక్ మెయిల్ చేశారు: న‌టి హేమ‌

- : మూవీ ఆర్టిస్ట్ అసోసియేష‌న్(‘మా’) ఎన్నిక‌లు చూస్తున్న సామాన్యుల‌కు మైండ్ బ్లాక‌వుతుంది. ఆర్టిస్టులంద‌రం ఒకే కుటుంబం అంటూ చెప్పుకున్న‌వారు ఇప్పుడు ఒక‌రిపై ఒక‌రు విమ‌ర్శ‌లు, ప్ర‌తి విమ‌ర్శ‌లు చేసుకుంటున్నారు. ‘మా’ ప‌రువును రోడ్డున ప‌డేస్తున్నారు. ఎన్నిక‌ల తేది స‌మీపించే కొద్ది స‌భ్యులు ప్రెస్‌మీట్స్ పెట్ట‌డం, ఇంట‌ర్వ్యూలు ఇవ్వ‌డం ద్వారా చేస్తున్న ప‌నుల‌ను చూసి ఇండ‌స్ట్రీ పెద్ద‌లు కూడా నోరు మెద‌ప‌డానికి ఆలోచిస్తున్నారు. ఈ క్ర‌మంలో ప్రకాశ్‌రాజ్ ప్యానెల్‌లో వైస్ ప్రెసిడెంట్ ప‌ద‌వికి పోటీ చేస్తున్న హేమ‌..‘మా’ మాజీ అధ్య‌క్షుడు న‌రేశ్‌, కంటెస్టెంట్ కరాటే క‌ళ్యాణిల‌పై పోలీస్‌స్టేష‌న్‌లో ఎన్నిక‌ల అధికారి కృష్ణ‌మోహ‌న్‌కు ఫిర్యాదు చేశారు. అస‌లు ఇన్ని రోజులు సెలెంట్‌గా ఉన్న ఇప్పుడెందుకు కంప్లైంట్ చేసింది? అనే వివ‌రాల్లోకెళ్తే.. న‌రేశ్‌, క‌రాటే క‌ళ్యాణి త‌న ఫొటోల‌ను మార్ఫింగ్ చేసి దుష్ప్ర‌చారం చేస్తున్నార‌ని హేమ ఫిర్యాదులో తెలియ‌జేశారు. రీసెంట్‌వారు న‌రేశ్‌, క‌రాటే క‌ళ్యాణి విడుద‌ల చేసిన వీడియో త‌న ప‌రువుకు భంగం క‌లిగించేదిగా ఉందంటూ ఆమె పేర్కొన్నారు. అంతే కాకుండా ఇండ‌స్ట్రీకి చెందిన న‌టీమ‌ణుల పోటోల‌ను మార్ఫింగ్ చేసి కొన్ని యూ ట్యూబ్ ఛానెల్స్‌లో పోస్ట్ చేస్తున్నారని, ఈ విష‌యంపై తాను ఇది వ‌ర‌కు సైబ‌ర్ పోలీసుల‌కు ఫిర్యాదు కూడా చేశాన‌ని హేమ తెలిపారు. రీసెంట్ వీడియోలో న‌రేశ్ వైఖ‌రి త‌న గౌర‌వానికి భంగం క‌లిగించేలా ఉంద‌ని, వ్య‌క్తిత్వాన్ని కించ‌ప‌రిచేలా ఉంద‌ని తెలియ‌జేసిన హేమ‌.. అందుకు త‌గ్గ ఆధారాలు త‌న ద‌గ్గ‌ర ఉన్నాయ‌ని చెప్పారు. త‌న‌పై త‌ప్పుడు ప్రచారం చేసిన యూ ట్యూబ్‌ల నుంచి స‌ద‌రు వీడియోల‌ను తొల‌గించాల‌ని పేర్కొన్న హేమ‌, ప్ర‌చార స‌మ‌యంలో మా ప్ర‌తిష్ట‌ను దిగ‌జార‌నీయ‌కుండా చూడాల‌ని కోరారు. న‌రేశ్, క‌రాటే క‌ళ్యాణి వంటి వ్య‌క్తుల కార‌ణంగా మా ప్ర‌తిష్ట‌కు భంగం క‌లిగేలా ఉంద‌ని, వీరిపై క్ర‌మ‌శిక్ష‌ణ చ‌ర్య‌లు తీసుకోవాల‌ని కోరుతున్న‌ట్లు హేమ తెలిపారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3oDJBUO