అది ఒక అద్భుతమైన దృశ్యం.. ఆడపడుచులకు ‘బతుకమ్మ’ శుభాకాంక్షలు చెప్పిన చిరు

ఆశ్వయుజ మాసం ఆరంభం అమావాస్య రోజు నుంచి తెలంగాణ రాష్ట్రంలో ‘’ వేడుకలను 9 రోజులపాటు ఎంతో ఉత్సాహంగా జరుపుకుంటారు. రకరకాల పూలతో బతుకమ్మను పేర్చి.. పూజలు చేసి.. ఆ తర్వాత అంతా కలిసి.. ఒక చోట అందరి బతుకమ్మలు ఒక చోట పెట్టి ఆట పాటలతో ఆ తల్లిని నీళ్లలో నిమజ్జనం చేస్తారు. అంతేకాక.. ఆమెకు రోజుకో నైవేధ్యం సమర్పిస్తూ.. తమను ఆయురారోగ్యాలతో ఉండేలా దీవించాలని ప్రార్థిస్తారు. ఇక 2014లో తెలంగాణ ప్రత్యేక రాష్ట్రంగా ఏర్పడిన తర్వాత ప్రభుత్వం అధికారికంగా ఈ పండుగను జరుపుతుంది. ఆ తర్వాత బతుకమ్మ పండుగకు అంతర్జాతీయ ఖ్యాతి లభించింది. అప్పటివరకూ కేవలం తెలంగాణకు మాత్రమే పరిమితమైన ఈ పండుగ.. ఆ తర్వాత ఆంధ్రప్రదేశ్‌లోని పలు ప్రాంతాల్లో కూడా జరుపుకోవడం జరుగుతోంది. అయితే బుధవారం (అక్టోబర్ 6న) మహాలయ అమావాస్య ఎంగిలిపూల బతుకమ్మతో ఈ ఏడాది సంబురాలు మొదలు అయ్యాయి. గత రెండు సంవత్సరాలుగా కరోనా వ్యాప్తి కారణంగా బతుకమ్మ వేడుకలు అంతంత మాత్రంగానే జరిగాయి. కానీ, ఈ ఏడాది పరిస్థితులు మామూలుగా ఉండటంతో ఈ సంబురాలను వైభవంగా నిర్వహిస్తున్నారు. ప్రతీ ఆడపడుచు తమ ఇళ్లలో బతుకమ్మలను పేర్చి పూజలు చేస్తున్నారు. అయితే ఈ ప్రత్యేకమైన పండుగ సందర్భంగా తెలంగాణలోని ఆడపడుచులకు ప్రముఖులు శుభాకాంక్షలు చెబుతున్నారు. తాజాగా మెగాస్టార్ కూడా ఆడపడుచులకు శుభాకాంక్షలు తెలిపారు. ‘‘ఆశ్వయుజ మాసంలో 9 రోజుల బొద్దెమ్మ తర్వాత వచ్చే తెలంగాణ ఆడపడుచు ‘బతుకమ్మ’ కు స్వాగతం. తొమ్మిది రోజుల పాటు సాయంత్రం కాగానే వివిధ పుష్పాలతో తీరుగా తీర్చిదిద్దే బతుకమ్మను కీర్తిస్తూ ఆడపడుచులు చప్పట్లు, కోలాటాలతో పాటలు పాడే దృశ్యం ఓ అద్భుతం.ఆడపడుచులు అందరికీ బతుకమ్మ పండుగ శుభాకాంక్షలు’’ అంటూ మెగాస్టార్ ట్వీట్ చేశారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3oFO5ua