గతంతో పోల్చితే ఈ ఏడాది (MAA) ఎన్నికలు మరింత రసవత్తరంగా మారాయి. సాధారణ ఎన్నికలను తలపిస్తూ 'మా' బరిలో పోటీలో ఉన్న అభ్యర్థులు ఒకరిపై ఒకరు చేసుకున్న కామెంట్స్ వైరల్ అయ్యాయి. అధ్యక్ష బరిలో పోటీకి దిగిన మంచు విష్ణు, ప్రకాష్ రాజ్‌లు ఒకరిపై ఒకరు తీవ్రస్థాయిలో విమర్శలు చేసుకోవడం సినీ వర్గాల్లో హాట్ ఇష్యూ అయింది. ఈ పరిస్థితుల నడుమ నేడు (ఆదివారం) జూబ్లీహిల్స్‌ పబ్లిక్‌ స్కూల్‌లో 'మా' పోలింగ్ మొదలైంది. మంచు విష్ణు Vs ప్రకాష్ రాజ్ ప్యానల్స్ నేడు తమ బలాబలాలను నిరూపించుకోబోతున్నాయి. మొత్తం 883 మంది సభ్యులు పోలింగ్‌లో పాల్గొననున్నారు. ఇప్పటికే చిరంజీవి పవన్ కళ్యాణ్, రామ్ చరణ్, మంచు లక్ష్మి, శ్రీకాంత్‌, సుమ, సుడిగాలి సుధీర్‌, ఉత్తేజ్‌, సాయి వెంకట్‌, వేణు, ఈటీవీ ప్రభాకర్‌, శివ బాలాజీ, మురళీ మోహన్ తదితరులు ఓటేయగా కొన్ని నిమిషాల క్రితం నందమూరి నటసింహం తన ఓటు హక్కు వినియోగించుకున్నారు. అనంతరం మీడియాతో మాట్లాడుతూ.. ‘మా’ ఎన్నికల్లో పోటీ చేస్తున్న ప్రకాశ్‌రాజ్‌, మంచు విష్ణులు అన్నదమ్ముల్లాంటి వారని అన్నారు. ఎవరు బాగా చేస్తారో వాళ్లకే ఓటు వేశానని తెలిపారు. మాటల్లో చెప్పడమే కాకుండా చేతుల్లో చేసి చూపించే తత్వం ఆ ఇద్దరిలోనూ ఉందని పేర్కొన్నారు. రెండు ప్యానెళ్ల ఉత్సాహం చూస్తుంటే ఇండస్ట్రీకి మంచి చేసేటట్లు కనిపిస్తున్నారని అన్నారు. షూటింగ్స్‌లో అందరం కలిసి కట్టుగా పని చేసుకుంటామని, ‘మా’ అంతిమ లక్ష్యం నటీనటుల సంక్షేమమే అని తెలిపారు. అయితే ఈ ఎన్నికల్లో ఎవరు గెలిచినా వారి వెనుక నిలబడి ప్రోత్సాహం అందిస్తానని బాలకృష్ణ తెలిపారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YzL8kq
No comments:
Post a Comment