ఆస్ట్రేలియ‌న్ క్రికెట‌ర్ డేవిడ్ వార్నర్ ఇండియన్ సినిమాలను ఎంత‌గానో ఇష్ట‌ప‌డుతున్నారు. ఎంత ఇష్ట‌ప‌డుతున్నారంటే.. మ‌న సాంగ్స్‌కు స్టెప్పులేసేంత‌గా. ముఖ్యంగా మ‌న ద‌క్షిణాది స్టార్స్ ఫేసుల‌ను త‌న ఫేస్‌తో మార్ఫ్ చేసి డాన్సులు, డైలాగ్స్‌తో ఆక‌ట్టుకుంటూ వ‌చ్చారు. ఇప్పుడు డేవిడ్ వార్నర్ మ‌రోసారి త‌న ఫేస్ మార్ఫ్ క్రియేటివిటీని ప్ర‌ద‌ర్శించారు. గ‌తంలో అల వైకుంఠ‌పుర‌ములో చిత్రంలో బుట్ట‌బొమ్మ సాంగ్‌కు డాన్స్ చేసిన డేవిడ్ వార్నర్, ఇప్పుడు మ‌ళ్లీ బ‌న్నీలేటెస్ట్ మూవీ పుష్ప ది రైజ్ సినిమాలో ‘ఏయ్ బిడ్డా ఇది నా అడ్డా..’ సాంగ్‌లో ఫేస్ మార్ఫ్ చేసి ఆ వీడియోను త‌న సోష‌ల్ మీడియా అకౌంట్‌లో పోస్ట్ చేశారు. ఆ వీడియో ప్ర‌స్తుతం నెట్టింట తెగ వైర‌ల్ అవుతుంది. ఎంత‌లా వైర‌ల్ అవుతుందంటే ఆ వీడియోను ఏకంగా 2 మిలియ‌న్ మంది వీక్షించ‌డం విశేషం. అంతే కాదండోయ్‌.. ఈ వీడియోపై ఇటు క్రికెటర్స్‌, హీరో సైతం రియాక్ట్ అయ్యారు. పుష్పరాజ్గా డేవిడ్ వార్నర్ మారి చిందేసిన వీడియో గురించి ఇండియన్ స్టార్ క్రికెట‌ర్ రియాక్ట్ అయ్యాడు. ‘ఆర్ యూ ఓకే’ అని మెసేజ్ పోస్ట్ చేశారు. దానికి స‌రదాగా రియాక్ట్ అయిన వార్నర్ ‘గొంతు ప‌ట్టేసిన‌ట్లుంది’ అని స‌మాధానం ఇచ్చారు. అలాగే పుష్ప హీరో అల్లు అర్జున్ రియాక్ట్ అయ్యారు. ‘వార్నర్ బ్ర‌ద‌ర్ త‌గ్గేదే లే’ అంటూ కామెంట్ చేశాడు. ఇప్పుడు ఈ వీడియో నెట్టింట తెగ వైర‌ల్ అవుతోంది. ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో రూపొందుతోన్న చిత్రం ‘పుష్ప ది రైజ్’. పాన్ ఇండియా మూవీగా తెలుగు, హిందీ, త‌మిళ, మ‌ల‌యాళ, క‌న్న‌డ భాష‌ల్లో సినిమా డిసెంబ‌ర్ 17న విడుద‌ల‌కు సిద్ధ‌మైంది. రూ.250 కోట్ల‌కు పైగానే పుష్ప ది రైజ్ ప్రీ రిలీజ్ బిజినెస్ జ‌రిగిందని సమాచారం. ఐదు భాష‌ల్లో థియేట్రిక‌ల్ హ‌క్కులు, శాటిలైట్‌, డ‌బ్బింగ్‌, డిజిట‌ల్ హ‌క్కులు ఇలా అన్నీ క‌లిపి రూ.250 కోట్ల వ్యాపారం జ‌రిగింద‌ట. చిత్తూరు జిల్లా శేషాచ‌లం అడ‌వుల్లో జ‌రిగే ఎర్ర‌చంద‌నం స్మ‌గ్లింగ్ నేప‌థ్యంలో తెర‌కెక్కిన చిత్రం ‘పుష్ప ది రైజ్’. ఇందులో పుష్ప‌రాజ్ అనే లారీ డ్రైవ‌ర్ పాత్ర‌లో అల్లు అర్జున్ న‌టించారు. రష్మిక మందన్న హీరోయిన్‌గా న‌టించిన ఈ చిత్రంలో మ‌ల‌యాళ స్టార్ ఫ‌హాద్ ఫాజిల్ విల‌న్‌గా న‌టించారు. సునీల్‌, అన‌సూయ కీల‌క పాత్ర‌ల్లో న‌టించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3s39RKh
No comments:
Post a Comment