ఓర్నీ.. ఒమిక్రాన్ కంట్రోల్ చేయడానికి ఆర్జీవీ ఐడియా.. RRRకి లింకు పెట్టిన వర్మ!

సోషల్ మీడియాలో యమా యాక్టివ్‌గా ఉండే వారిలో కాంట్రవ‌ర్సియ‌ల్ డైరెక్ట‌ర్ రామ్ గోపాల్ వ‌ర్మ ఒక‌రు. నిత్యం ఏదో ఒక కార‌ణంతో వార్త‌ల్లో ఉండే ఈ కాంట్రవ‌ర్సీయ‌ల్ డైరెక్ట‌ర్ ఈసారి సోష‌ల్ మీడియాలో చాలా డిఫ‌రెంట్‌గా రియాక్ట్ అయ్యారు. అది కూడా ప్రభుత్వాల‌కు ఒమిక్రాన్‌ను కంట్రోల్ చేసే ఐడియాను షేర్ చేయ‌డం ద్వారా. ఇంత‌కీ ఒమిక్రాన్‌ను కంట్రోల్ చేయ‌డానికి ప్ర‌భుత్వాల‌కు ఆర్జీవీ ఇచ్చిన ఐడియా ఏంటో తెలుసా? RRR సినిమా. ఒమిక్రాన్‌కు RRRకి ఉన్న లింకేంటి? అనే సందేహం రాక మాన‌దు. అస‌లు విష‌యం ఏంటని తెలియాలంటే ఆర్జీవీ చేసిన ట్వీట్ చూడాల్సిందే. ‘‘ఒమిక్రాన్‌ను కంట్రోల్ చేయాలనుకునే ప్ర‌భుత్వానికి ఓ గొప్ప ప‌థకాన్ని చెప్పాల‌నుకుంటున్నాను. RRR సినిమా చూడాల‌నుకునే ప్రేక్ష‌కులు త‌ప్ప‌నిస‌రిగా డబుల్ డోస్ వ్యాక్సినేష‌న్ తీసుకోవాల‌ని చెప్పాలి. అలా డ‌బుల్ డోస్ వ్యాక్సినేష‌న్ వేసుక‌న్న వారినే థియేట‌ర్స్‌లోకి అనుమ‌తిస్తామ‌ని అంటే RRR చూడాల‌నుకునే కోరిక ఉన్న వారంద‌రూ డ‌బుల్ డోస్ వ్యాక్సినేష‌న్ వేసుకుంటారు’’ అని వ‌ర్మ తెలిపారు. రామ్ గోపాల్ వ‌ర్మ చెప్పిన ఈ ఆలోచ‌న చాలా బావుంద‌ని నెటిజ‌న్స్ అంటున్నారు. అలా ప్ర‌భుత్వం చేస్తే చాలా మంది డ‌బుల్ డోస్ వేసుకుంటార‌ని అంటున్నారు. మ‌రికొంద‌రైతే ఇప్ప‌టికే ఆ సినిమాను చూడాల‌ని చాలా రోజులుగా వెయిట్ చేస్తున్నాం. ఇప్పుడు మ‌ళ్లీ ఆంక్ష‌లు పెట్ట‌కండి అని అంటున్నారు. సెన్సేష‌న‌ల్ డైరెక్ట‌ర్ వ‌ర్మ ప్ర‌స్తుతం కొండా దంపతుల మీద కొండా అనే సినిమాను తెర‌కెక్కిస్తున్నారు. ఈ సినిమాతో ఆర్జీవీ ఎలాంటి కాంట్ర‌వ‌ర్సీల‌కు తెర లేపుతారో చూడాలి. మరో వైపు కారణంగా పాన్ ఇండియా మూవీస్ RRR, రాధే శ్యామ్ వాయిదా పడే అవకాశం ఉందని నెట్టింట వార్తలు వినిపిస్తున్నాయి. అందుకు కారణం మహారాష్ట్రలో నైట్ కర్ఫ్యూ విధించడం.. థియేటర్స్‌ ఆక్యుపెన్సీని 50 శాతానికి తగ్గించడం జరిగింది. ఈ కారణంగా భారీ చిత్రాలు వాయిదా పడే అవకాశం ఉందని అంటున్నారు. మరి వీటిపై మేకర్స్ ఎలా స్పందిస్తారో చూడాలి.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/32iLIox