మెగాస్టార్ తన ఫ్యాన్స్, సినీ ప్రేక్షకులకు కొత్త సంవత్సరం ట్రీట్‌ను ఇచ్చారు. ప్ర‌స్తుతం వ‌రుస సినిమాలు చేస్తున్న మెగాస్టార్ చిరంజీవి.. లిస్టులో భోళా శంక‌ర్ సినిమా కూడా ఉన్న సంగ‌తి తెలిసిందే. ఎ.కె.ఎంట‌ర్‌టైన్మెంట్స్ బ్యాన‌ర్‌పై అనీల్ సుంక‌ర ఈ చిత్రాన్ని రూపొందిస్తున్నారు. మెహ‌ర్ ర‌మేష్ ద‌ర్శ‌కుడు. ప్ర‌స్తుతం సినిమా సెకండ్ షెడ్యూల్ చిత్రీక‌ర‌ణ ద‌శ‌లో ఉంది. ఈ సినిమా నుంచి కొత్త సంవత్సరం సంద‌ర్భంగా చిత్ర యూనిట్ మోష‌న్ పోస్ట‌ర్‌ను విడుదల చేసింది. మోష‌న్ పోస్ట‌ర్‌లో చిరంజీవి యంగ్ లుక్‌లో ఆక‌ట్టుకుంటున్నారు. చేతికి క‌డియం, తాయెత్తులు క‌ట్టుకుని ప‌క్కా ఊర‌మాస్ లుక్‌లో క‌నిపిస్తున్నారు. సిస్ట‌ర్ సెంటిమెంట్ నేప‌థ్యంలో సాగే సినిమా ఇది. ఇందులో రివేంజ్ డ్రామా కూడా న‌డుస్తుంటుంది. చిరంజీవి చెల్లెలు పాత్ర‌లో ప్ర‌ముఖ హీరోయిన్ కీర్తి సురేష్ న‌టిస్తోన్న సంగ‌తి తెలిసిందే. అలాగే చిరంజీవికి జోడీగా మిల్కీ బ్యూటీ త‌మ‌న్నా భాటియా క‌నిపించ‌నుంది. కోల్‌క‌త్తా బ్యాక్‌డ్రాప్‌లో సాగే చిత్ర‌మిది. ఇందులో చిరంజీవి రెండు షేడ్స్ ఉన్న పాత్ర‌లో క‌నిపించ‌నున్నారు. అందులో ఓ మాస్ లుక్‌కి సంబంధించిన మోష‌న్ పోస్ట‌ర్‌ను కొత్త సంవత్సరం సంద‌ర్భంగా త‌యారు చేసి చిత్ర యూనిట్ విడుదల చేసింది. ఈ సినిమాలో కీర్తి సురేష్‌కు కాబోయే భ‌ర్త పాత్ర‌లో హీరో నాగ‌శౌర్య క‌నిపించ‌నున్నార‌నే వార్త‌లు కూడా రీసెంట్‌గా వినిపించాయి. త‌మిళ చిత్రం వేదాళంకు ఇది రీమేక్. అజిత్ హీరోగా నటించిన ఈ సినిమాను తెలుగులో చిరంజీవి హీరోగా పేరుతో రీమేక్ చేస్తున్నారు. వచ్చే ఏడాది వేసవిలో సినిమాను విడుదల చేస్తామని ఇప్ప‌టికే నిర్మాత‌లు ప్ర‌క‌టించారు. మ‌రో వైపు బాబీ డైరెక్ష‌న్‌లోనూ రూపొందుతోన్న చిత్రంలో చిరంజీవి హీరోగా న‌టిస్తున్నారు. మోహ‌న్ రాజా ద‌ర్శ‌క‌త్వంలో తెర‌కెక్కుతోన్న గాడ్ ఫాద‌ర్ షూటింగ్ సెట్స్‌పై ఉంది. ఇవ‌న్నీ కాకుండా వెంకీ కుడుముల ద‌ర్శ‌క‌త్వంలోనూ ఓ సినిమా చేయ‌డానికి చిరం.జీవి గ్రీన్ సిగ్న‌ల్ ఇచ్చేశారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3sOcfF5
No comments:
Post a Comment