Young Tiger NTR: సినిమా షూటింగ్‌ల‌తో బిజీగా ఉండే యంగ్ టైగర్ ఎన్టీఆర్ త‌న అభిమాన హీరో కోరిక‌ను నేర‌వేర్చాడు. ఇంత‌కీ ఆ అభిమాన కోరిక ఏంటో తెలుసా? తార‌క్‌ను క‌లుసుకుని మాట్లాడాల‌నేదే. అయితే స‌ద‌రు అభిమాని క‌ద‌ల‌లేని ప‌రిస్థితి విష‌యాన్ని అభిమాన సంఘ నాయ‌కుల ద్వారా తెలుసుకున్న ఎన్టీఆర్, స‌ద‌రు అభిమానితో వీడియో కాల్‌లో మాట్లాడారు. పూర్తి వివ‌రాల్లోకెళ్తే.. తూర్పు గోదావ‌రి జిల్లా మ‌లికిపురం మండ‌లం, గూడ‌ప‌ల్లి గ్రామానికి చెందిన కొప్పాడి ముర‌ళి, తార‌క్‌కు వీరాభిమాని. ఇటీవ‌ల రోడ్డు ప్ర‌మాదానికి గురైన ముర‌ళికి రెండు కిడ్నీలు పాడ‌య్యాయి. ప్రాణాపాయ స్థితిలో ఉన్నాడు. ఈ ప‌రిస్థితుల్లో త‌న అభిమాన హీరో తార‌క్‌తో ఓ సారి మాట్లాడాల‌నుంద‌ని డాక్ట‌ర్‌కు పేపేర్‌లో రాసి తెలియ‌జేశాడు. ఆ విష‌యాన్ని డాక్ట‌ర్ ముర‌ళి త‌ల్లిదండ్రుల‌కు తెలియ‌జేశారు. వారి ద్వారా ఎన్టీఆర్ అభిమానులకు విష‌యం తెలిసింది. వారు విష‌యాన్ని తార‌క్‌కు చెప్పారు. అప్పుడాయ‌న వీడియో కాల్ ద్వారా స‌ద‌రు అభిమానితో, కుటుంబ స‌భ్యుల‌తో మాట్లాడారు. నేనున్నాను, ధైర్యంగా ఉండండి. త్వ‌ర‌లోనే మ‌నం క‌లుసుకుందాం అని ధైర్యం చెప్పారు. ఇక సినిమాల విష‌యానికి వ‌స్తే.. ఎన్టీఆర్ ప్ర‌స్తుతం రాజ‌మౌళి ద‌ర్శ‌క‌త్వంలో రూపొందుతోన్న ‘ఆర్ఆర్ఆర్‌’ సినిమాను పూర్తి చేశారు. ఇందులో రామ్‌చ‌ర‌ణ్ కూడా న‌టిస్తోన్న సంగ‌తి తెలిసిందే. ట్రిపుల్ ఆర్‌లో తెలంగాణ గోండు వీరుడు కొమురం భీమ్ పాత్ర‌లో ఎన్టీఆర్ క‌నిపించ‌నుండ‌గా, మ‌న్యంవీరుడు అల్లూరి సీతారామ‌రాజు పాత్ర‌లో రామ్‌చ‌ర‌ణ్ క‌నిపించ‌నున్నారు. వ‌చ్చే ఏడాది జ‌న‌వ‌రి 7న ఈ చిత్రాన్ని విడుద‌ల చేయ‌డానికి స‌న్నాహాలు చేస్తున్నారు మేక‌ర్స్‌. పాన్ ఇండియా రేంజ్‌లో భారీ బ‌డ్జెట్‌తో తెర‌కెక్కుతోన్న ఈ చిత్రం పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసుకునే ప‌నిలో ఉంది. ఎంటైర్ ఇండియన్ సినీ ఇండ‌స్ట్రీ, ఈ సినిమా కోసం ఎంతో ఆస‌క్తిగా ఎదురుచూస్తున్నారు. ఆలియా భ‌ట్‌, అజ‌య్ దేవ‌గ‌ణ్‌, స‌ముద్ర‌ఖ‌ని వంటి ఇండియన్ స్టార్స్‌తో స‌హా అలిస‌న్ డూడి, రే స్టీవెన్ స‌న్‌, ఒలివియా మోరిఒస్ వంటి హాలీవుడ్ తార‌లు కూడా ఇందులో న‌టించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3Fl9zTf
No comments:
Post a Comment