Pooja Hegde - Most Eligible Bachelor: పూజా హెగ్డే పాత్ర పేరు వెనకున్న సీక్రెట్ రివీల్ చేసిన డైరెక్ట‌ర్ బొమ్మ‌రిల్లు భాస్క‌ర్‌

తొలి చిత్రం ‘బొమ్మ‌రిల్లు’తో బ్లాక్‌బ‌స్ట‌ర్ కొట్టి, సినిమా పేరునే ఇంటి పేరుగా మార్చుకున్న‌ద‌ర్శ‌కుడు భాస్క‌ర్‌. త‌న చిత్రంలో హీరోయిన్ పాత్ర‌ను డిఫ‌రెంట్‌గా ఆవిష్క‌రించే భాస్క‌ర్‌.. ‘బొమ్మ‌రిల్లు’లో హా హా హాసినిగా జెనీలియాను ప్రేక్ష‌కుల హృద‌యంలో నిలిచిపోయేలా చేసిన ఈ ద‌ర్శ‌కుడు ‘ప‌రుగు’తో మ‌రో సూప‌ర్ హిట్‌ను కొట్టిన భాస్క‌ర్ స్పీడుకు ‘ఆరెంజ్’ మూవీ బ్రేకులేసింది. ఇప్పుడు ‘మోస్ట్ ఎలిజిబుల్ బ్యాచ్‌ల‌ర్‌’ చిత్రంతో ప్రేక్ష‌కుల ముందుకు రాబోతున్నారు. అక్టోబ‌ర్ 15న ఈ సినిమా విడుద‌ల‌వుతుంది. ఈ సినిమాలో పాత్ర‌కు సంబంధించి డైరెక్ట‌ర్ భాస్క‌ర్ ఓ ఆస‌క్తిక‌ర‌మైన విష‌యాన్ని తెలియ‌జేశారు. అదేంటో తెలుసా? త‌న తొలి చిత్రం బొమ్మ‌రిల్లులో హీరోయిన్‌ను హాసిని అని త‌న మొద‌టి అమ్మాయి పేరు పెట్టుకున్న ఈ డైరెక్ట‌ర్ ఇప్పుడు మోస్ట్ ఎలిజిబుల్ బ్యాచ్‌ల‌ర్ మూవీలో పూజా హెగ్డే పాత్రకు త‌న రెండో అమ్మాయి విభా పేరుని పెట్టుకున్నారు. ఈ సినిమా స‌క్సెస్‌పై భాస్క‌ర్ చాలా కాన్ఫిడెంట్‌గా ఉన్నారు. బొమ్మరిల్లు భాస్కర్ మాట్లాడుతూ ‘‘‘మోస్ట్ ఎలిజిబుల్ బ్యాచ్‌ల‌ర్‌’ మూవీ అర‌వింద్‌గారి ఆశీర్వాదంతో మొద‌లైంది. సినిమాను స్మూత్‌గా పూర్తి చేశాం. చైతు ఈ వేడుక‌కి రావ‌డం చాలా హ్యాపీగా ఉంది. అఖిల్‌ను తెలుగు ప్రేక్ష‌కుల ద‌గ్గ‌ర‌కు తీసుకెళ్లే ప్ర‌య‌త్నం ఈ సినిమాతో క‌చ్చితంగా జ‌రుగుతుంద‌ని భావిస్తున్నాను. అఖిల్‌ను కొత్త కోణంలో చూస్తారు. నా రెండో కుమార్తె పేరు విభా పేరునే పూజా హెగ్డే పాత్ర‌కు పెట్టుకున్నాను. చిన్న కోపం నుంచి ఈ క‌థ త‌యారైంది. మోస్ట్ ఎలిజిబుల్ బ్యాచ్‌ల‌ర్స్‌కు ఉండే ప్రాబ్ల‌మ్‌ను ఈ సినిమాతో చెప్ప‌డానికి ప్ర‌య‌త్నించాం. లోకాన్ని ఎదురెళ్లి అడిగే ప్ర‌శ్నే ఈ సినిమా. ఇది అంద‌రికీ న‌చ్చుతుంద‌ని న‌మ్ముతున్నాను. అక్టోబ‌ర్ 15న మిమ్మ‌ల్ని థియేట‌ర్స్‌లో క‌లుస్తాను’’ అన్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3mCLoXz