మూవీ ఆర్టిస్ట్ అసోసియేషన్ ఎన్నిక‌లకు స‌మ‌యం ద‌గ్గ‌ర ప‌డుతుంది. అక్టోబ‌ర్ 10న ‘మా’ ఎన్నిక‌లు జ‌ర‌గ‌బోతున్నాయి. ప్రకాశ్ రాజ్ ప్యానెల్, విష్ణు మంచు ప్యానెల్ పోటీ పడుతున్నాయి. ఈ రెండు ప్యానెల్స్‌లో ప్ర‌కాశ్‌రాజ్ ప్యానెల్‌కు మెగాబ్ర‌ద‌ర్ నాగబాబు త‌న మ‌ద్ద‌తుని తెలియ‌జేశారు. ప్ర‌కాశ్‌రాజ్‌కు స‌పోర్ట్‌నిస్తూ ఇంట‌ర్వ్యూస్‌లో మాట్లాడుతున్నారు నాగబాబు. ఈ క్ర‌మంలో ఓ ఛానెల్‌కు ఇచ్చిన ఇంట‌ర్వ్యూలో మాట్లాడుతున్న‌ప్పుడు ఆన్‌లైన్ టికెటింగ్ గురించి పవన్ కళ్యాణ్ ఏపీ ప్ర‌భుత్వంపై చేసిన వ్యాఖ్య‌ల‌పై స్పందించారు. ‘‘అన్నయ్య చిరంజీవి, తమ్ముడు పవన్ కళ్యాణ్ చెప్పే విషయాలను మేం కచ్చితంగా ఫాలో అవుతాం. ఎందుకంటే వాళ్లు మంచి మాటే చెబుతారు సాధారణంగా మంచి విషయాలనే మాట్లాడుతారు. చెడు చెప్పరు. ప్ర‌భుత్వం పాటిస్తున్న విధానాల‌పై, ఇండ‌స్ట్రీ గురించో పవన్ అలా మాట్లాడారు’’ అన్నారు నాగబాబు. ప‌వ‌న్‌క‌ళ్యాణ్‌పై పోసాని అలా మాట్లాడ‌టంపై మీరెలా స్పందిస్తార‌ని అడిగితే.. కొంద‌రి పేర్లు నా నోటితో చెప్పి నోరు పాడు చేసుకోలేనని మెగాబ్ర‌ద‌ర్ తెలిపారు. ఇక ‘మా’లో జ‌రుగుతున్న రాజకీయ పార్టీల ప్ర‌మేయం గురించి నాగబాబు మాట్లాడుతూ ‘మూవీ ఆర్టిస్ట్ అసోసియేషన్ అనేది 900 పైచిలుకు మంది సభ్యులున్న చిన్న సంస్థ. ఇలాంటి దానిలో రాజకీయ పార్టీలు పాత్ర ఉంటుందంటే నేను ఒప్పుకోను. సి.వి.ఎల్.నరసింహరావుగారు ఓ సందర్భంలో మాట్లాడుతూ ఇక్కడున్న రాజకీయ నాయకులు ఎట్టి పరిస్థితుల్లోనూ ప్రకాశ్ రాజ్‌గారు గెలవకూడదనుకున్నారని నిర్ణయించుకున్నారన్నారు. రాష్ట్ర స్థాయి నాయకుడో, జాతీయ స్థాయి నాయకుడో చెబితే పరావాలేదు. కానీ ఆయన ఆ మాటలు ఎలా అన్నాడో అర్థం కాలేదు. ముందు నుంచి నేనే కాదు, నా ఫ్యామిలీ స‌భ్యులు, ఇండ‌స్ట్రీలోని హీరోలు ప్రకాశ్ రాజ్‌కు మ‌ద్ద‌తుని తెలియ‌జేస్తున్నాం. త‌ను ‘మా’ అధ్యక్షుడు అయితే బావుంటుంద‌నిపించింది. త‌ర్వాత విష్ణు మంచు నిల‌బ‌డుతున్నాడ‌ని కూడా తెలిసింది. ప్రకాశ్ విష‌యానికి వ‌స్తే.. త‌ను ఏడెనిమిది నెల‌లుగా మూవీ ఆర్టిస్ట్ అసోసియేష‌న్‌కు అధ్య‌క్షుడిగా చేసి ఏదో చేయాల‌ని అనుకుంటున్నాడు. ముఖ్యంగా తెలుగు ఇండ‌స్ట్రీకి. త‌ను ఎలాంటి ఆలోచ‌న‌ల‌తో ఉన్నాడో తెలుసుకున్నాం. అవి న‌చ్చ‌డంతో మా స‌పోర్ట్ తెలియ‌జేశాం’’ అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YshT2Y
No comments:
Post a Comment