‘ఏం మాయ చేశావే’ సినిమాలో కలిసి నటించి.. ఆ ప్రేమకథ సినిమాతోనే ప్రేమలో పడిన జంట , . ఆ తర్వాత చాలాకాలం ప్రేమలో ఉన్న వీరిద్దరు నాలుగు సంవత్సరాల క్రితం వివాహం చేసుకన్నారు. హిందు, క్రైస్తవ పద్ధతిలో వీళ్లిద్దరి పెళ్లి జరిగింది. అప్పటి నుంచి టాలీవుడ్‌లో మోస్ట్ లవ్లీ కపుల్స్‌గా వీళ్లు ఉన్నారు. ఇక పెళ్లి తర్వాత కూడా వీరిద్దరు కలిసి నటించిన ‘మజిలీ’ సినిమా మంచి బ్లాక్‌బస్టర్ హిట్ అయింది. అయితే గత రెండు, మూడు నెలలుగా వీళ్లిద్దరి మధ్య విబేధాలు ఏర్పడ్డాయి. అయితే బహిరంగంగా వాటిని బయటపెట్టలేదు. కానీ, సోషల్‌మీడియాలో సమంత తన పేరు నుంచి అక్కినేని అనే పదం తొలగించడం.. తదితర పరిణామాలు వీరిద్దరి మధ్య విబేధాలను ధృవీకరిస్తూ వచ్చాయి. ఇక గత కొన్ని రోజులుగా వీరిద్దరు విడాకులు తీసుకుంటున్నారని.. సమంత ముంబైకి షిఫ్ట్ అవుతుంది. అంటూ రకరకాల వార్తలు పుట్టుకొచ్చాయి. అయితే వీటిపై సామ్ స్పందిస్తూ.. అవి పుకార్లు అని చెప్పింది. ఆ ప్రకటన వచ్చిన రెండు రోజుల తర్వాత విడిపోతున్నట్లు సమంత, నాగ చైతన్యలు ఇద్దరు అధికారికంగా ప్రకటించారు. దీంతో అభిమానులు ఒక్కసారిగా షాక్ అయ్యారు. ఇక అప్పటి నుంచి సమంత, నాగ చైతన్యల గురించి రకరకాల వార్తలు వస్తున్నాయి. తాజాగా సమంత టాటూల గురించి ఓ వీడియో సోషల్‌మీడియాలో వైరల్ అవుతోంది. ఇప్పటివరకూ సమంత మూడు టాటూలు వేయించుకుంది. అవి మూడు కూడా చైతన్యకు సంబంధించిన కావడం విశేషం. మొదటగా తాను చైతుని కలిసిన ‘ఏం మాయ చేశావే’ సినిమాకు గుర్తుగా వీపుపై ‘వైఎంసీ’ అనే టాటూ వేయుంచుకుంది. అంతేకాక ఆమె కుడి చేయి మీద రెండు యారో మార్కులు ఉంటాయి. అదే టాటూ చైకి కూడా ఉంటుంది. దీంతో పాటు సమంత తన రైట్ రిబ్‌పై ‘చై’ అనే టాటూ కూడా వేయించుకుంది. ప్రస్తుతం ఇందుకు సంబంధించిన ఫోటోలు వైరల్ కావడంతో.. ‘అంతగా వీరిద్దరి మధ్య ఉన్న ప్రేమ ఇప్పుడు ఏమైంది’ అని జనాలు అనుకుంటున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3FsiC4x
No comments:
Post a Comment