ఎక్స్ ట్రా జబర్దస్త్లో చిన్న పిల్లలతో స్కిట్లు చేసి హిట్లు కొట్టే రాకింగ్ రాకేష్.. గత కొన్నివారాలుగా పెద్దలతో స్కిట్లు మొదలుపెట్టారు. తాజాగా ఈవారానికి సంబంధించిన ప్రోమో విడుదల చేయగా.. ఇందులో బిగ్ బాస్ సీజన్ 3 కంటెస్టెంట్, సీరియల్ నటి రోహిణి తన గంభీరమైన అతి భయంకరమైన గొంతుతో రాకింగ్ రాకేష్ స్కిట్లో అతనికి భార్యగా మెరిసింది. ఈ స్కిట్లో సినిమాల పిచ్చి ఉన్న పెళ్లంగా రోహిణి బెంబేలెత్తించే పెర్ఫామెన్స్ ఇచ్చింది. ఒసేయ్ సినిమాల పిచ్చిదానా.. రావే అంటూ రాకేష్ పిలవగా... ‘మాస్తో పెట్టుకుంటే మడత పడిపోద్ది’ అంటూ మంచి ఊపున్న పాటతో ఎంట్రీ ఇచ్చింది. ఆమె ఊపు చూసి తట్టుకోలేకపోయిన .. స్టేజ్ మీదికి వచ్చి ఆమెతో కలసి స్టెప్పులతో రచ్చ చేసింది. ‘చూసావా.. అదీ మరీ మన డాన్స్ అంటే యాంకరే లేచి వచ్చేసింది’ అంటూ పంచ్ వేసింది రోహిణి. దీంతో రష్మి తన నోటికి పనిచెప్తూ.. ‘ఇంట్లో నువ్ సినిమా చూపిస్తే.. నీ పెళ్లం బయట సినిమా ఎందుకు చూస్తుంది’ అంటూ రాకేష్ని కొట్టి మరీ డబుల్ మీనిండ్ డైలాగ్ వేసింది. ఇక సుడిగాలి సుధీర్ స్కిట్లో సైతం డబుల్ మీనింగ్లు వరదలా పారాయి. సుధాకర్ లేడీ గెటప్ వేయగా.. ఆమెను లేపుకొచ్చి డైరెక్ట్గా పోలీస్ స్టేషన్కి వెళ్లాడు సుధీర్. బుల్లెట్ భాస్కర్ ఎస్ ఐ కాగా.. అప్పరావు కానిస్టేబుల్గా ఉండటంతో.. ‘సార్ సార్ రూం ఎక్కడ అంటూ’ ఎస్ ఐని అడగడం.. స్టేషన్లోనే సుధీర్ దుకాణం పెట్టేయడం.. మధ్యలో గది ఇచ్చారు మరి దుప్పటి, దిండు.. అదే చేత్తో పూలు, హల్వ, పాలు కూడా ఇవ్వండి అని అడగడం.. దానికి జడ్జీ రోజా సిగ్గులేని జన్మ అంటూ పంచ్ వేసింది. ఇక వీళ్ల కామెడీ పీక్స్కి వెళ్లడంతో పాటు స్టేషన్లో లోపలికి ఇద్దరుగా వెళ్లిన సుధీర్-సుధాకర్లు బిడ్డతో సహా బయటకు రావడం.. దానికి బుల్లెట్ భాస్కర్ ‘ఒరేయ్ రెండు నెలలకే కడుపు వచ్చినందుకు ఆశ్చర్యం లేదు కాని.. పుట్టేవాడు ఏంట్రా ఇంత పుట్టాడు’ అంటూ పంచ్ వేయడంతో రోజా, రష్మితో సహా పగలపడి నవ్వారు. ఇక ముక్కు అవినాష్ స్కిట్లో ఓంకార్ని ఇమిటేట్ చేయడం.. సుధీర్ స్కిట్లో గెటప్ శీను డిటెక్టివ్గా అదరగొట్టేయడం.. ఒంట్లో వేడిలేని భర్తగా సత్తిపండు భార్యతో మాటలు పడటం.. నీ పేరు సహాయం అని పెట్టుకున్నావ్ కాని.. మీ భార్యకి తప్ప అందరికీ సహాయం చేస్తావ్ అని చివర్లో రోజా పంచ్ వేయడం ప్రోమోలో హైలైట్ అయ్యాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3gYKdxT
No comments:
Post a Comment