ఈ మధ్యకాలంలో టీవీ షోలు మరీ బూతు షోలుగా మారిపోయాయి. ఎంటర్ టైన్మెంట్ పేరుతో అక్రమ సంబంధాలు, బాడీ షేమింగ్ నేపథ్యంలోనే ఎక్కువగా పంచ్‌లు వేసుకుంటూ కామెడీ చేసే ప్రయత్నం చేస్తున్నారు. జబర్దస్త్ లాంటి పాపులర్ కామెడీ షోలో ఈ తరహా వల్గర్ కామెడీ ఎక్కువగా కనిపిస్తూ ఉండగా.. ఇటీవల జీ తెలుగులో ప్రారంభమైన ‘’ కామెడీ షోలో డబుల్ మీనింగ్ డోస్ బాగా ఎక్కువైంది. ముఖ్యంగా , వేణులు బూతు పంచ్‌లతో రెచ్చిపోతున్నారు. ఫ్యామిలీతో కలిసి చూడాలంటే ఇదేం కామెడీరా బాబూ అనేట్టుగా వ్యవహరిస్తున్నారు. అయితే కేవలం డబుల్ మీనింగ్ డైలాగ్‌లకు కాకుండా హిందువుల పండుగలపై కూడా కుళ్లు జోకులు వేసి వారి మనోభావాలపై దెబ్బకొడుతున్నారు. తాజాగా ‘అదిరింది’ స్కిట్‌లో భాగంగా కమెడియన్ ధనరాజ్.. దీపావళి పండుగపై అభ్యంతరకర వ్యాఖ్యలు చేశాడు. దీపావళి పండుగకు ఆ పేరు ఎలా వచ్చిందంటే.. ‘దీప అనే అమ్మాయి.. వలీ అనే అబ్బాయిని పెళ్లి చేసుకోవడంతో దీపావళి అనే పేరు వచ్చిందని వ్యాఖ్యానించాడు. హిందువుల పండుగపై అభ్యంతరకర వ్యాఖ్యలు చేస్తూ.. వాళ్ల మనోభావాలు దెబ్బతినే వ్యాఖ్యలు చేయడంతో చాలా మంది ధనరాజ్‌ని ఏకిపారేశారు. ఈ షో చూసిన ప్రేక్షకులతో పాటు.. హిందూ సంఘాలు కూడా ఆగ్రహం వ్యక్తం చేయడంతో ధనరాజ్ స్పందించాడు. కామెడీ కోసమే ఇలా చేశానని.. దయచేసి క్షమించాలని కోరాడు ధనరాజ్. భవిష్యత్‌లో ఇలాంటి తప్పు జరగకుండా చూసుకుంటానని.. హిందువుల పండుగను కించపరచడం తన ఉద్దేశం కాదని.. ఈ ఇష్యూ ఇంత సీరియస్ అవుతుందని ఊహించలేదంటూ క్షమాపణ కోరారు కమెడియన్ ధనరాజ్. ఇక తాజాగా విడుదలైన ‘అదిరింది’ ప్రోమోలో ధనరాజ్ మాత్రమే కాకుండా వేణు కూడా వల్గర్ పంచ్‌లతో రెచ్చిపోతున్నారు. పెళ్లి కాకకాకముందు ఓన్లీ ‘F’ మాత్రమే చేసేవాడిని అంటూ డబుల్ మీనింగ్ డైలాగ్‌లు వేసి జడ్జీలను పకా పకా నవ్విస్తున్నాడు. ప్రేక్షకులు మాత్రం ఈ బూతు కామెడీకి చెవులు మూసుకుంటున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3lqv23a
No comments:
Post a Comment