ర్యాప్ సింగర్, నటుడు గురించి పరిచయం అవసరంలేదు. ఆయన పాడిన ర్యాప్ సాంగ్స్, పాప్ సాంగ్స్ చాలానే వచ్చాయి. లాక్డౌన్ టైమ్లో డెలివరీ బోయ్స్ కష్టాన్ని వివరిస్తూ ‘హే డెలివరీ బోయ్’ అనే సాంగ్ చేశారు నోయల్. తాజాగా మరో ర్యాప్ సాంగ్ను ఆయన ప్రేక్షకుల ముందుకు తీసుకొచ్చారు. ‘హస్ట్లర్’ అంటూ సాగే ఈ ర్యాప్ సాంగ్ ఫుల్ వీడియోను విడుదల చేశారు. ఆడపిల్లలపై జరుగుతోన్న హత్యాచారాలకు వ్యతిరేకంగా ఈ పాటను చేశారు నోయల్. పాట చాలా బాగుంది. వినడానికి, చూడటానికి కూడా అద్భుతంగా ఉంది. ఈ పాట వింటుంటే రక్తం మరుగుతోంది. ‘పొద్దున్న లేవగానే ఏదో ఒక అమ్మాయి మీద హత్యాచారం జరిగిందని వార్తల్లో చూడటం.. సోషల్ మీడియాలో వాళ్ల ఫొటోలు, వీడియోస్ కింద అశ్లీలంగా ఫేక్ అకౌంట్స్తో కామెంట్స్ చేయడం.. మీ ఐదు నిమిషాల సుఖం కోసం వాళ్ల జీవితాలతో ఆడటం.. ఇది ఇంక కొనసాగదు. హస్ట్లర్ ఈజ్ బోర్న్ అండ్ దిస్ ఈజ్ యాన్ అల్టిమేట్ వార్నింగ్.. ఎవరీ గర్ల్ ఈజ్ ఎ రెబల్.. డోంట్ మెస్ విత్ హర్’ అనే వాయిస్ ఓవర్తో ఈ వీడియో మొదలైంది. ఒక అమ్మాయిపై అఘాయిత్యానికి పాల్పడిన వ్యక్తులకు బుద్ధి చెబుతూ ఈ పాటను పాడుతుంటారు నోయల్. Also Read: ‘ఒకే ఒక్క జీవితం, ఇది కాదు శాశ్వతం, నీ గతం నా గతం తోడు రాదు శాశ్వతం, మనిషిలాగ పుట్టి మనం మనిషిలాగ బతకాలి.. గెలకమాకు మృగములాగ గెలుపు నీ సొత్తులాగ.. ఏది రాదు పనికి రాదు మనిషి ముందు నిలువరాదు.. ఎంత దేవుడైన కూడా మనిషి జన్మ ఎత్తినాడు’ అంటూ సాగే ఈ పాట విపరీతంగా ఆకట్టుకుంటోంది. ముఖ్యంగా ఇంగ్లిష్ ర్యాప్ వచ్చినప్పుడు ఆ మ్యూజిక్, నోయల్ ర్యాపింగ్ చాలా బాగుంది. ముఖ్యంగా నోయల్ రాసిన సాహిత్యం ప్రతి ఒక్కరి రక్తాన్ని మరిగించేలా ఉంది. ఈ వీడియో సాంగ్లో నోయల్, ప్రణవి మనుకొండ, శశిధ్ కోచర్లకోట తదితరులు నటించారు. ఈ పాటను రాసింది, స్వరపరిచింది, డైరెక్ట్ చేసింది నోయల్ సీన్. అనుష్ గోరక్ సినిమాటోగ్రఫీ అందించారు. ఎబెంజర్ పాల్ సంగీతం సమకూర్చారు. షాలిన్ మల్లేష్ ఫైట్స్ కంపోజ్ చేశారు. యూట్యూబ్లో ఈ పాటకు మంచి ఆదరణ లభిస్తోంది. పాజిటివ్ కామెంట్లు వస్తున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3g1HZfN
No comments:
Post a Comment