పవర్ స్టార్ బర్త్డే వస్తుంది అంటే ఫ్యాన్స్కు పండగే. ఆయన పుట్టినరోజును మెగా అభిమానులు ఓ రేంజ్లో నిర్వహించేవారు. కానీ, ఈసారి ఆ పరిస్థితి లేదు. కరోనా కారణంగా భారీ ఎత్తున అభిమానులు గుమిగూడి సంబరాలు చేసుకోవడానికి వీలులేదు. పవన్ కళ్యాణ్ బర్త్డేనే కాదు ఏ స్టార్ హీరో పుట్టినరోజు అయినా ఇప్పటి పరిస్థితుల్లో భారీగా చేయడం అసాధ్యం. ఇటీవల మహేష్ బాబు కూడా తన బర్త్డేను చాలా సింపుల్గా జరుపుకున్నారు. అయితే, తమ హీరోలకు డైరెక్ట్ గిఫ్ట్ ఇవ్వలేకపోతున్న ఫ్యాన్స్.. ఆ లోటు తీర్చడానికి సోషల్ మీడియా ద్వారా గుర్తుండిపోయే బహుమతి ఇస్తున్నారు. మహేష్ బాబు పుట్టినరోజు నాడు ట్విట్టర్లో ట్వీట్ల మోత మోగించి ప్రపంచ రికార్డు నెలకొల్పారు మహేష్ బాబు అభిమానులు. ఇప్పుడు పవన్ కళ్యాణ్ ఫ్యాన్స్ వంతు వచ్చింది. ఇంకా బర్త్డేకు (సెప్టెంబర్ 2) సుమారు పదిహేను రోజుల సమయం ఉన్నా అప్పుడే ట్విట్టర్లో సందడి మొదలైపోయింది. ఆదివారం పవన్ కళ్యాణ్ బర్త్డే సీడీపీ (కామన్ డిస్ప్లే పిక్)ను విడుదల చేశారు. ఈ సీడీపీతో సునామీ సృష్టిస్తున్నారు పవన్ ఫ్యాన్స్. #PawanKalyanBirthdayCDP హ్యాష్ట్యాగ్తో అప్పుడే 55 మిలియన్ ట్వీట్లు చేసేశారు. ఒక హ్యాష్టాగ్తో ఇంత వేగంగా 55 మిలియన్ ట్వీట్లు చేయడం ట్విట్టర్ చరిత్రలో ఇదే తొలిసారట. Also Read: కాగా, పవన్ కళ్యాణ్ బర్త్డే సీడీపీ ట్రెండింగ్లో భాగంగా పవన్ కళ్యాణ్కు సంబంధించి రకరకాల ట్వీట్లు చేస్తున్నారు ఫ్యాన్స్. అయితే, వాటిలో ఒక ట్వీట్ బాగా వైరల్ అవుతోంది. దీనికి కారణం ఈ ట్వీట్లో పొందుపరిచిన ఫొటో. బ్లాక్ అండ్ వైట్లో ఉన్న ఆ ఫొటోలో గాయపడిన వ్యక్తిని పవన్ కళ్యాణ్ తన చేతులతో మోసుకొని వెళ్తున్నారు. వెనుక అంబులెన్స్ కూడా ఉంది. ‘‘పవన్ కళ్యాణ్ ఉన్న చోట సామాజిక సేవ ఎప్పుడూ ఉంటుంది. ప్రజలకు సేవచేయడానికి మంచి మార్గంగా రాజకీయాలను ఎంపిక చేసుకున్నారంతే. రాజకీయాల్లోకి వచ్చినా రాకపోయినా ఆయన ఒకేలా ఉంటారు. ఆయనెప్పుడూ సేవ చేస్తూనే ఉంటారు, ఆపదలో ఉన్నవారిని ఆదుకుంటారు’’ అని ఫ్యాన్స్ ఈ ఫొటోను వైరల్ చేస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/343DhMf
No comments:
Post a Comment