టీమ్ ఇండియా క్రికెటర్, భారత జట్టుకు ఎన్నో అపూర్వ విజయాలందించిన మాజీ కెప్టెన్ మహేంద్ర సింగ్ ధోని అనూహ్య నిర్ణయం తీసుకొని క్రీడాభిమానులు ఊహించని షాకిచ్చారు. అంతర్జాతీయ క్రికెట్కి గుడ్ బై చెబుతున్నట్లుగా ప్రకటించి అందరినీ ఆశ్చర్యపరిచారు. ఎంఎస్ ధోని చేసిన ఈ ప్రకటనతో సోషల్ మీడియాలో ఆయన ఫోటోలు, పేరు మారుమోగుతోంది. చిన్న- పెద్ద, సాధారణ- సెలబ్రిటీ అనే తేడా లేకుండా ప్రతి ఒక్కరూ ఈ క్రికెట్ దిగ్గజం రిటైర్మెంట్పై చర్చించుకుంటున్నారు. ఈ క్రమంలో ధోని అందించిన విజయాలు, 16 ఏళ్ళ పాటు టీమ్ ఇండియాకు మహీ చేసిన సేవలు గుర్తుచేసుకుంటూ ఆయనకు వీడ్కోలు చెబుతున్నారు. ఇక ధోని రిటైర్మెంట్ విషయం తెలిసి ప్రపంచవ్యాప్తంగా ఉన్న అభిమానులు, ప్రముఖులు, సెలబ్రిటీలు అంతర్జాతీయ క్రికెట్కి ఆయన చేసిన సేవలపై అభినందనలు తెలుపుతూ ట్వీట్స్ పెడుతున్నారు. టాలీవుడ్ నుంచి పలువురు సినీ ప్రముఖులు ధోని రిటైర్మెంట్పై సందేశాలు పోస్ట్ చేయగా.. దర్శక ధీరుడు , మంచు విష్ణు చేసిన ట్వీట్స్ సినీ, క్రీడాభిమానులను ఆకట్టుకుంటున్నాయి. Also Read: ''మీ ప్రదర్శన నెవర్ బిఫోర్.. బహూశా ఎవర్ ఆఫ్టర్'' అని మంచు విష్ణు ట్వీట్ చేయగా.. ''మీరు మమ్మల్ని ఎంతగానో ఎంటర్టైన్ చేసి దేశానికే గర్వకారణంగా నిలిచారు. నరాలు తెగే ఉత్కంఠ పరిస్థితుల్లోనూ ప్రశాంతంగా ఉండేలా చేశారు. నిజంగా మీరు భవిష్యత్ తరాలకు స్ఫూర్తిదాయకం. మీరు అంతర్జాతీయ క్రికెట్కి బై బై చెప్పిన ఈ క్షణాలకు స్వీకరించడం చాలా కష్టంగా ఉంది'' అని రాజమౌళి పేర్కొన్నారు. వీళ్ళు చేసిన ఈ ట్వీట్స్ చూసి 'కరెక్ట్గా చెప్పారు సార్' అంటూ పెద్ద ఎత్తున కామెంట్స్ చేస్తున్నారు నెటిజన్లు. దాదాపు 16 ఏళ్ళ పాటు టీమ్ ఇండియాకు ధోని అందించిన సేవలు ఏ ఒక్క క్రీడాభిమాని మరచిపోలేదు. టెస్ట్, వన్డే, T20 ఫార్మాట్లలో రాణించి ఇండియాకు ఎన్నో అద్భుత విజయాలు అందించారు ధోని. క్రికెట్ చరిత్రలో ఈ మహేంద్రుడిది చెరిగిపోని ప్రస్థానం అని చెప్పుకోవచ్చు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/31YufgK
No comments:
Post a Comment