కరోనా మహమ్మారి కారణంగా ప్రపంచ వ్యాప్తంగా ఆర్థిక వ్యవస్థకు గట్టి దెబ్బ తగిలింది. ఎన్నో రంగాలు తీవ్రంగా నష్టపోతున్నాయి. వాటిలో సినిమా రంగం కూడా ఒకటి. రెండు నెలలపాటు థియేటర్లు మూతబడటం, సినిమా షూటింగ్‌లు ఆగిపోవడం అనే పరిణామాలు ఎవ్వరూ ఊహించి ఉండరు. అసలు మళ్లీ సినిమా థియేటర్లు ఎప్పుడు తెరుచుకుంటాయో కూడా తెలియని పరిస్థితి. జూన్‌లో దేశ వ్యాప్తంగా పూర్తిగా లాక్‌డౌన్ ఎత్తివేసినా థియేటర్లకు జనాలు వచ్చే పరిస్థితి ఉండదు. ఈ పరిస్థితి నుంచి టాలీవుడ్ కోలుకోవాలంటే మరో రెండు మూడు నెలలు పట్టొచ్చు. ఇప్పటికే సిద్ధమైన సినిమాలు విడుదలకాకపోవడం, కొత్త సినిమాలు అప్పుడే థియేటర్లలోకి రాకపోవడం వల్ల ముఖ్యంగా నష్టపోయేది నిర్మాతలు. వాళ్లు బాగుంటేనే కదా సినీ పరిశ్రమ బాగుంటుంది. కాబట్టి వాళ్లను, సినీ పరిశ్రమను కాపాడుకోవాల్సిన బాధ్యత స్టార్ హీరోలపై ఉందంటున్నారు ప్రముఖ నిర్మాత, డిస్ట్రిబ్యూటర్ డి.సురేష్ బాబు. ప్రస్తుతం టాలీవుడ్‌లో ఉన్న పరిస్థితులు, భవిష్యత్తులో తీసుకోవాల్సిన చర్యల గురించి ఆయన తాజాగా ఓ ఇంటర్వ్యూలో మాట్లాడారు. టాలీవుడ్ బాగుండాలంటే కొన్నింటిని వదులుకోక తప్పదని స్టార్ హీరోలను ఉద్దేశించి అన్నారు. Also Read: ‘‘ఈ దేశంలో థియేటర్లలో సినిమా చూడటం అనేది సమాజ శ్రేయస్సుకు ముడిపడి ఉంటుంది. కాబట్టి, లాక్‌డౌన్ ఎత్తేసిన తరవాత కూడా థియేటర్లు తెరవకపోవచ్చు. దీని వల్ల చాలా నష్టాలు సంభవిస్తాయి. ఆఖరికి స్టార్ హీరోలను రెమ్యునరేషన్ తగ్గించుకోమని అడగొచ్చు. ఇది కంపెనీ నష్టాలను పూడ్చడానికి సాఫ్ట్‌వేర్ ఉద్యోగుల వేతనాల్లో కోత వేయడం వంటిదే’’ అని సురేష్ బాబు చెప్పారు. కాబట్టి లాక్‌డౌన్ ఎత్తివేసిన తరవాత నటులు, దర్శకులు వారి రెమ్యునరేషన్స్ తగ్గించుకుంటే బావుంటుందని.. అలా చేస్తేనే మంచిదని తన అభిప్రాయాన్ని వెల్లడించారు. టాలీవుడ్ బాగుండాలంటే స్టార్ హీరోలు, దర్శకులు ఈ నిర్ణయం తీసుకోక తప్పదని అన్నారు. లాక్‌డౌన్ ఎత్తివేసిన తరవాత కూడా ఓటీటీ ప్లాట్‌ఫాంలు గేమ్ చేంజర్స్ అవుతాయని సురేష్ బాబు అభిప్రాయపడ్డారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2xsEqyT
No comments:
Post a Comment