తెలుగుదేశం పార్టీ వ్యవస్థాపక అధ్యక్షులు, నట సార్వభౌమ, స్వర్గీయ నందమూరి తారక రామారావు జయంతి సందర్భంగా ఆయన అభిమానులు ఘన నివాళి అర్పించారు. మే 28 కావడంతో ఆయన కుటుంబ సభ్యులతో పాటు తెలుగుదేశం పార్టీ కార్యకర్తలు, నాయకులు హైదరాబాద్‌లోని ఘాట్ వద్ద ఘన నివాళి ఘటించారు. అయితే జూనియర్ ఎన్టీఆర్, కళ్యాణ్ రామ్‌లు లాక్ డౌన్ నిబంధనల్లో భాగంగా.. జనం ఎక్కువగా గుమిగూడే అవకాశం ఉండటంతో ఎన్టీఆర్ ఘాట్‌కి రాకుండా ఇంటిలోనే తాత ఎన్టీఆర్‌కి నివాళి అర్పించారు. ఈ తరుణంలో హైదరాబాద్ వచ్చిన ప్రముఖ నటి ఎన్టీఆర్ ఘాట్‌ని సందర్శించి ఆయన జయంతి సందర్భంగా నివాళులు అర్పించారు. ఈ విషయాన్ని సోషల్ మీడియా ద్వారా అభిమానులతో పంచుకుంటూ ఆసక్తికరమైన ట్వీట్ చేశారు. ‘తెలుగువారి ఆరాధ్య దైవం ఎన్టీఆర్ స్వర్గం నుంచి నన్ను ఆశీర్వదించండి.. దుష్ట శక్తులతో పోరాడే ధైర్యం ప్రసాదించండి.. మానవత్వం కరువైన ఈ రోజుల్లో మీలాంటి లీడర్, యాక్టర్ అవసరం ఎంతో ఉంది’ అంటూ పూనమ్ కౌర్ ట్వీట్ చేశారు. ఎన్టీఆర్ జయింతి సందర్భంగా పూనమ్ కౌర్ చేసిన ఈ ట్వీట్ సోషల్ మీడియలో వైరల్ అవుతోంది. గత కొంతకాలంగా పీకే లవ్ పేరుతో ట్వీట్లు చేస్తున్న పూనమ్ తాజా ట్వీట్‌పై కొంతమంది స్పందిస్తూ.. లవ్ యూ వదినగారూ అంటూ కామెంట్స్ చేస్తుంటే.. ‘అన్నా వీళ్లు నిజంగానే వదిన అని ఫిక్స్ అయిపోయారు’ అంటూ జోక్‌లు పేల్చుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ZJCr5b
No comments:
Post a Comment