బిగ్బాస్ను మించిన సూపర్బాస్ను రంగంలోకి దించబోతున్నట్లు ప్రకటించి సెన్సేషన్ క్రియేట్ చేశారు బడా నిర్మాత . గత మూడు దశాబ్దాలకు పైగా పలు భారీ బడ్జెట్ సినిమాలు రూపొందిస్తూ టాలీవుడ్ సక్సెస్ఫుల్ నిర్మాతల్లో ఒకరిగా నిలిచిన అల్లు అరవింద్.. ఎప్పటికప్పుడు వినూత్న ఆలోచనలు చేస్తుంటారు. ఈ క్రమంలో టెక్నాలజీ వేగం అందుకోవడాన్ని అందరికంటే ముందే గ్రహించి 'ఆహా' ఓటీటీ ప్రారంభించారు. ఇప్పటికే ఈ డిజిటల్ ప్లాట్ఫామ్పై పలు సినిమాలు రిలీజ్ చేసి ఆన్లైన్ వేదికపై కూడా విజయం సాధించిన ఆయన, రాబోయే తరం కోసం సరికొత్తగా ప్లాన్స్ చేస్తున్నారట. బుల్లితెర, వెండితెర రెండింటికీ సవాల్ విసురుతూ 'ఆహా' ఓటీటీ వేదికపై పలు వినూత్న ప్రోగ్రామ్స్ రెడీ చేస్తున్నారు అల్లు అరవింద్. థియేటర్స్ మూతపడటంతో ఈ లాక్డౌన్ వేళ ఆహా వేదిక ప్రేక్షకులకు మరింత దగ్గరైంది. ఇప్పటికే ఆహా వేదికపై విడుదలైన సినిమాలు, వెబ్ సిరీస్లు ప్రేక్షకులకు ఓ కొత్త ఫీల్ తెచ్చాయి. నేరుగా ఇంట్లోనే కూర్చొని విడుదల రోజే సినిమా చూసే అవకాశం కల్పించింది ఆహా. ఈ నేపథ్యంలో గురువారం రోజు ఆహా ఆగస్టు బ్లాక్బస్టర్ సెలబ్రేషన్ నిర్వహించి జూమ్ ద్వారా మీడియాతో మాట్లాడిన అల్లు అరవింద్.. తన భవిష్యత్ ప్రణాళిక చెప్పుకొచ్చారు. Also Read: ఇప్పటికే ఆహా యాప్ను 40 లక్షల మంది డౌన్ లోడ్ చేసుకోవడం జరిగిందని, ఆహా.. ఆ డిమాండ్ చూస్తుంటే రానున్న సంవత్సరంలోపే ఈ సంఖ్య మూడు రెట్లు పెరిగే అవకాశం కనిపిస్తోందని అన్నారు అల్లు అరవింద్. అయితే ఎన్ని ఓటీటీలు వచ్చినా సినిమా థియేటర్ను మించిన అనుభూతి మరొకటి ఉండదని ఆయన చెప్పడం విశేషం. ప్రస్తుతం ఆహా కోసం పెద్ద టీమ్ పని చేస్తోందని, రానున్న కాలంలో వినూత్న ప్రోగ్రామ్స్ ద్వారా అలరించేందుకు సిద్ధమవుతున్నామని చెప్పారు. ఇకపోతే ఆహా యాప్ మీద భారీ షోస్ ప్లాన్ చేస్తున్నామని చెప్పిన అల్లు అరవింద్.. ఇప్పటికే యాంకర్ సుమతో ‘ఆల్ ఈజ్ వెల్’ ప్రోగ్రాం సిద్ధమైందని అన్నారు. ఇంకా అగ్ర దర్శకులతో ఓ భారీ షో ప్లాన్ చేస్తున్నామని చెప్పారు. ఇకపోతే ఓటీటీ లోకి చిరంజీవిని కూడా రంగంలోకి దింపేందుకు సంప్రదింపులు జరుపుతున్నామని తెలపడం గమనార్హం. ఈ మేరకు 'సూపర్ బాస్' అంటూ మరో వినూత్న ప్రోగ్రాం రూపొందించేలా ప్రయత్నాలు స్టార్ట్ అయ్యాయని ఆయన అన్నారు. బాస్ అంటే ఆయన బిగ్బాస్ కాదు.. బిగ్బాస్ను మించిన అంటూ మెగా అభిమానులను మరింత హుషారెత్తించే మాట చెప్పారు అల్లు అరవింద్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2FoRJnN
No comments:
Post a Comment