కె సిరీస్ మూవీ ఫ్యాక్టరీ బ్యాన‌ర్‌పై క్రిష్ బండిప‌ల్లి నిర్మాత‌గా బి.ఎన్.ఎస్ రాజు ద‌ర్శకత్వంలో తెర‌కెక్కుతున్న యాక్షన్ అండ్ ఫ్యామిలీ ఎంట‌ర్‌టైన‌ర్ ‘రావణలంక’. ఈ సినిమాలో క్రిష్, అశ్విత, త్రిష జంట‌గా న‌టిస్తున్నారు. ముర‌ళీ శ‌ర్మ, దేవ్ గిల్ ప్రధాన పాత్రలు పోషిస్తున్నారు. ఇటీవ‌లే ‘రావణలంక’ చిత్ర బృందం విడుదల చేసిన మోష‌న్ పోస్టర్‌కి మంచి స్పంద‌న ల‌భించింది. ఈ నేప‌థ్యంలో ‘రావణలంక’ టీమ్ తాజాగా ఈ సినిమా అల్బమ్‌లో ఉన్న మొద‌టి పాటను విడుదల చేసింది. ఇటీవ‌ల సోష‌ల్ మీడియాతో పాటు యూత్‌లో బాగా పాపులర్ అయిన ‘సుజ‌‌నా తిన్నావారా’ అనే వాయిస్ మెసేజ్‌కు పేరడీగా ఈ పాటను రూపొందించారు. ఈ పాటను ప్రముఖ సింగర్, బిగ్ బాస్ సీజ‌న్ 3 విన్నర్ రాహుల్ సిప్లిగంజ్ త‌న‌దైన శైలిలో అల‌పించారు. ప్రముఖ ఆడియో కంపెనీ ఆదిత్య మ్యూజిక్ ‘రావణలంక’ ఆడియో రైట్స్ ద‌క్కించుకుంది. పాటను విడుదల చేసిన సంద‌ర్భంగా డైరెక్టర్ బి.ఎన్.ఎస్. రాజు మాట్లాడుతూ.. ‘‘రావణలంక చిత్రాన్ని ఫుల్ యాక్షన్, క‌మ‌ర్షియ‌ల్ ఎంట‌ర్‌టైన‌ర్‌గా రెడీ చేశాను. యాక్షన్ థ్రిల్లర్‌ని ఎంజాయ్ చేసే ఆడియెన్స్‌తో పాటు ఫ్యామిలీ ఆడియెన్స్ కూడా ఎంజాయ్ చేసే రీతిన ‘రావణలంక’ తెర‌కెక్కింది. మా సినిమా ఆడియోని ప్రముఖ ఆడియో కంపెనీ ఆదిత్య మ్యూజిక్ వారు తీసుకోవ‌డం చాలా ఆనందంగా ఉంది. వారి లేబుల్ ద్వారా విడుదలై సూప‌ర్ డూప‌ర్ హిట్ అయిన పాట‌ల స‌ర‌స‌న మా రావణలంక ఆడియో కూడా నిలుస్తుంద‌ని మ‌నఃస్పూర్తిగా న‌మ్ముత‌న్నాను. ‘సృజన ఇన్నావా’ సాంగ్ యూత్‌ని క‌చ్చితంగా ఆక‌ట్టుకుంటుంద‌ని ఆశిస్తున్నాను. ఈ పాటను రాహుల్ సిప్లిగంజ్ అద్భుతంగా పాడారు. త్వర‌లోనే మా సినిమాకి సంబంధించిన మ‌రిన్ని వివ‌రాలు ప్రక‌టిస్తాం’’ అని తెలిపారు. కాగా, ఈ చిత్రానికి ఉజ్జల్ సంగీతం సమకూరుస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2EpNS9o
No comments:
Post a Comment