తమ అభిమాన హీరో పుట్టినరోజంటే అభిమానులకు అదో పండగ రోజు. ఆ రోజున పెద్దఎత్తున సేవా కార్యక్రమాలు, కేక్ కట్టింగ్స్ లాంటివి చేస్తూ తమ తమ అభిమానాన్ని చాటుకుంటూ ఉంటారు ఫ్యాన్స్. మరోవైపు వాళ్ళు చూపించిన ఆ అభిమానం చూసి మురిసిపోతుంటారు సెలబ్రిటీలు. అయితే ప్రస్తుతం కరోనా విలయతాండవంతో దేశం విపత్కర పరిస్థితుల్లో ఉన్న నేపథ్యంలో తన పుట్టినరోజు వేడుకలను నిర్వహించవద్దు అని రిక్వెస్ట్ చేస్తూ పోస్ట్ పెట్టారు సూపర్ స్టార్ . ఆగస్టు 9 (ఆదివారం) సూపర్ స్టార్ మహేష్ పుట్టినరోజు. ఈ సందర్భంగా ఇప్పటికే ఆయన బర్త్ డే డీపీ, అడ్వాన్స్ విషెష్తో సోషల్ మీడియా హోరెత్తిపోతోంది. తమ ఫేవరైట్ హీరో పుట్టినరోజు వేడుకలు ఘనంగా నిర్వహించాలని సన్నాహాలు చేస్తున్నారు సూపర్ స్టార్ ఫ్యాన్స్. ఈ క్రమంలో తన పుట్టినరోజున సామూహిక వేడుకలు జరపొద్దని, అందరూ జాగ్రత్తగా ఉండాలని అభిమానులను కోరారు మహేష్ బాబు. Also Read: ''ప్రియమైన అభిమానులకు.. మీరు అందరూ నాకు తోడుగా ఉండటం నా అదృష్టం. నా పుట్టిన రోజు ఒక ప్రత్యేకమైన రోజుగా గుర్తు ఉండాలని మీరు చేస్తున్న మంచి పనులకు చాలా సంతోషంగా ఉంది. అందుకు మీ అందరిని నేను అభినందిస్తున్నాను. ప్రస్తుతం కరోనాతో మనం అందరం చేస్తున్న ఈ యుద్దంలో సురక్షితంగా ఉండటం అనేది అన్నిటికంటే ముఖ్యం. నా పుట్టిన రోజున అభిమానులందరూ సామూహిక వేడుకలకు దూరంగా ఉండి క్షేమంగా ఉండాలని కోరుకుంటున్నా.. ప్రేమతో మీ మహేష్ బాబు'' అని పేర్కొంటూ ఆయన ట్వీట్ చేశారు. ప్రస్తుతం కరోనా కారణంగా ఇంట్లోనే ఉంటూ సామాజిక మాధ్యమాల ద్వారా అభిమానులతో టచ్లో ఉంటున్నారు మహేష్. ఆయన చేయనున్న లేటెస్ట్ మూవీ 'సర్కారు వారి పాట' అతి త్వరలో సెట్స్ మీదకు రానుంది. పరశురామ్ దర్శకత్వంలో రూపొందనున్న ఈ సినిమాలో మహేష్ సరసన కీర్తి సురేష్ హీరోయిన్గా నటించనుంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2DmBfMm
No comments:
Post a Comment