నూతన నటీనటులతో సినిమాలు రూపొందించి.. సూపర్ హిట్లు సాధించే దర్శకుల్లో తేజా ముందు ఉంటారు. అలా ఆయన డైరెక్షన్లో యూత్ స్టార్ హీరోగా, సదా హీరోయిన్గా వచ్చిన సినిమా ‘’. 2002లో విడుదలైన ఈ సినిమా పేరుకు తగ్గట్టుగానే సూపర్ హిట్గా నిలిచింది. హీరో హీరోయిన్లే కాదు.. ఈ సినిమాలో నటించిన వారందరికీ మంచి గుర్తింపు లభించింది. ముఖ్యంగా ఈ సినిమాలో గోపిచంద్ పండించిన విలనిజం అందరినీ ఆకట్టుకుంది. సినిమా విడుదలై దాదాపు 20 సంవత్సరాలు అవుతుతున్న ఇప్పటికీ ఆ సినిమా క్రేజ్ తగ్గలేదు. అయితే ఈ సినిమాని 2003లో తమిళంలో రీమేక్ చేశారు. ప్రముఖ ఎడిటర్ మోహన్ కుమారుడు రవి ఇందులో హీరోగా నటించాడు. తమిళ్లోనూ సదానే హీరోయిన్గా చేయగా.. మోహన్ రాజా దర్శకత్వం వహించారు. అక్కడ ఈ సినిమా సూపర్ హిట్గా నిలిచింది. ఈ సినిమా తర్వాత రవి పేరు ‘జయం’ రవిగా మారిపోయింది. ఇక అసలు విషయానికొస్తే.. దాదాపు 20 సంవత్సరాల తర్వాత జయం సినిమాని కన్నడలో రీమేక్ చేసే ప్రయత్నాలు జరుగుతున్నాయట. కర్ణాటకకు చెందిన ప్రవీణ్ కుమార్ అనే డాక్టర్ ఈ సినిమా ద్వారా హీరోగా చేస్తున్నాడట. ఎన్ని సంవత్సరాలైన క్రేజ్ తగ్గని జయం సినిమాతో మంచి సక్సెస్ అందుకోవచ్చని ప్రవీణ్ అంచనా వేస్తున్నట్లు సమాచారం. ఇక రాక్స్టార్ యశ్ని హీరోగా పరిచయం చేసిన.. శశాంక్ ఈ సినిమాకు దర్శకత్వం వహిస్తున్నట్లు టాక్ వినిపిస్తోంది. జయం రీమేక్ కంటే ముందు ఓ సినిమా చేస్తున్న ప్రవీణ్.. ఆ తర్వాత జయం రీమేక్లో నటిస్తాడు. మరి తెలుగులో హ్యూజ్ సక్సెస్ సాధించిన ‘జయం’ కన్నడలో ఏ రేంజ్ విజయం సాధిస్తుందో వేచి చూడాలి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2QGaQQk
No comments:
Post a Comment