రాజమౌళి డైరెక్షన్లో మహేష్ బాబు మూవీ కోసం కోట్లాది మంది అభిమానులు ఎదురుచూస్తున్నారు. ఈ చిత్రానికి సీనియర్ నిర్మాత కెఎల్ నారాయణ నిర్మాతగా వ్యవహరిస్తున్న విషయం తెలిసిందే. క్షణ క్షణం, ఇంట్లో ఇల్లాలు వంటింట్లో ప్రియురాలు, హలో బ్రదర్, సంతోషం, రాఖీ వంటి బ్లాక్ బస్టర్ హిట్ చిత్రాలను నిర్మించిన కేఎల్ నారాయణ లాంగ్ గ్యాప్ తరువాత మహేష్-రాజమౌళి కాంబోలో భారీ బడ్జెట్ చిత్రానికి ప్లాన్ చేసిన విషయం తెలిసిందే. కంప్లీట్ కాగానే తన నెక్స్ట్ మూవీ మహేష్ బాబుతో ఉంటుందని ఇప్పటికే క్లారిటీ ఇచ్చారు రాజమౌళి. అయితే కరోనా నేపథ్యంలో RRR షూటింగ్ ముందుకు కదలడం లేదు. పైగా ఇప్పటికే పలుమార్లు ఈ మూవీ రిలీజ్ డేట్ని వాయిదా వేస్తూ వస్తున్నారు రాజమౌళి. నిజానికి 2020 జనవరి 8న ఈ సినిమా విడుదల కావాల్సి ఉండగా.. లాక్ డౌన్ వల్ల వాయిదా పడుతూ వస్తోంది. అయితే అక్టోబర్ నెలలో ఈ మూవీ విడుదలకు ప్లాన్ చేయగా.. ఈసారి కూడా వాయిదా పడటం ఖాయంగా కనిపిస్తోంది. రాజమౌళి సినిమా కావడంతో వాయిదాలు కామన్ కాబట్టి.. ఆయన ఎప్పుడు రిలీజ్ చేస్తే అప్పుడే అన్నట్టుగా RRR కోసం ఎదురుచూస్తున్నారు అభిమానులు. ఇదిలా ఉంటే.. RRR పూర్తి కాగానే రాజమౌళి నెక్స్ట్ మూవీ మహేష్ బాబుతో అని అనౌన్స్ చేశారు. ఈ సినిమా ఎప్పుడెప్పుడు మొదలౌతుందా? అని ఫ్యాన్స్ ఎదురుచూస్తుండగా.. నిర్మాత కేఎల్ నారాయణ క్లారిటీ ఇస్తూ ఆసక్తికర వ్యాఖ్యలు చేశారు. ప్రస్తుతం బయట పరిస్థితి ఎలా ఉందో అందరూ చూస్తున్నారు.. ఉన్న సినిమాలే ఎప్పుడు విడుదల అవుతాయో తెలియదు. థియేటర్లు తిరిగి ఎప్పుడు ఓపెన్ చేస్తారో తెలియదు. ఆల్రెడీ షూటింగ్స్ జరుపుకుంటున్న చిత్రాలు ఎప్పుడు కంప్లీట్ చేస్తారో తెలియడం లేదు. అయితే మహేష్ బాబు-రాజమౌళి కాంబో మూవీ 2021 ఎండింగ్లో ప్రారంభం అవుతుందని అనుకున్నాం. కానీ ఇప్పుడున్న పరిస్థితుల్లో అది సాధ్యం కాదు. ఎందుకంటే RRR చిత్రం అక్టోబర్లో విడుదలౌతుందని అనుకున్నాం.. కానీ ఆ సినిమా మళ్లీ వాయిదా పడే అవకాశాలు కనిపిస్తున్నాయి. ప్రొడక్షన్ వర్క్ ఎలా జరుగుతుందని నాకు తెలియదు కానీ.. ఇబ్బందులైతే ఉన్నాయనే అనిపిస్తుంది. ఏది ఏమైనా RRR పూర్తైన తరువాతే మా సినిమా ఉంటుంది. అది అక్టోబర్ కావచ్చు.. డిసెంబర్ కావచ్చు.. జనవరి కావచ్చు. అయితే మహేష్ బాబు-రాజమౌళి సినిమాకి సంబంధించి కథ ఇంకా లాక్ కాలేదు. అయితే మహేష్ బాబు గారు మాత్రం రాజమౌళి ఎప్పుడు అంటే అప్పుడు నేను రెడీగా ఉన్నానని ఇప్పుడు కాదు.. రెండేళ్ల క్రితమే చెప్పారు. నాకు కాస్త ముందు చెప్తే.. నేను ఎప్పుడైనా వచ్చేస్తా అని మహేష్ బాబు చెప్పారు. రాజమౌళి, మహేష్ బాబు కాంబోలో సినిమా తీద్దాం అని ఏడేళ్ల క్రితమే అనుకున్నా.. ఆరోజే ఇద్దరూ కూడా చేద్దాం అని అన్నారు. ఇవాళ్టికీ కూడా అదే మాటపై ఉన్నారు. బాహుబలి ఒకటికి రెండు అయ్యింది.. RRR కూడా చాలా టైం పట్టడంతో ఈ సినిమా ఆలస్యం అయ్యింది. ఆఫ్రికన్ ఫారెస్ట్ బ్యాక్ డ్రాప్ అని.. విజయేంద్ర ప్రసాద్ గారు కథ ఇచ్చేశారని వస్తున్న వార్తల్లో నిజం లేదు. ఇవన్నీ ఊహాగానాలే. సబ్జెక్ట్ ఏంటి అనేది నాకే తెలియదు.. బయట వాళ్లకి ఏం తెలుస్తుంది. డైరెక్టర్ రాజమౌళి గారు RRR కథ లైన్ మీద వర్క్ చేస్తున్నారు. అయితే RRR లాంటి పెద్ద సినిమా చేస్తూ దానిపై ఫోకస్ చేయకుండా ఈ సినిమా గురించి ఆలోచించే వ్యక్తిత్వం రాజమౌళిది కాదు. వేరే కథ కోసం ఆలోచించరు.. ఆయన ఇప్పుడు RRRని ఎంత బాగా తీయొచ్చని ఆలోచిస్తారు తప్పితే.. తరువాత సినిమా కోసం ఆలోచిస్తారని నేను అనుకోను. ఎందుకంటే రాజమౌళి RRR సినిమా పట్ల అంత ఫోకస్గా ఉన్నారు. వేరే సినిమా కోసం డిస్కస్ చేసే అవకాశం ఉంది కానీ.. ఎక్కువగా RRR కోసం ఆలోచిస్తారు. ఆ సినిమా రిలీజ్ అయిన తరువాతే మహేష్ బాబు సినిమా కోసం ఆలోచిస్తారు’ అంటూ చెప్పుకొచ్చారు నిర్మాత కేఎల్ నారాయణ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2R5p8Kp
No comments:
Post a Comment