కమ్మ రాజ్యంలో కడప రెడ్లు, డియర్ కామ్రేడ్, బ్రోచేవారెవరురా తదితర చిత్రాల్లో విలక్షణ పాత్రల్లో నటించి మెప్పించిన కృష్ణస్వామి శ్రీకాంత్ అయ్యంగార్ తాజాగా ‘మర్డర్’ చిత్రంలో నటిస్తున్నారు. దేశవ్యాప్తంగా సంచలనం కలిగించిన మిర్యాలగూడ ప్రణయ్ హత్యోదంతం నేపథ్యంలో ‘మర్డర్’ అనే చిత్రాన్ని రూపొందిస్తున్నారు రామ్ గోపాల్ వర్మ. కూతుర్ని అమితంగా ప్రేమించి.. తన కులం వాడు కాదన్న కసితో ప్రణయ్ని అత్యంత కిరాతకంగా చంపించేసి.. అనంతరం ఆత్మహత్య చేసుకుని చనిపోయి అనేక సంచలనాలకు కేరాఫ్ అడ్రస్గా నిలిచిన మారుతీరావు పాత్రలో కనిపించబోతున్నారు శ్రీకాంత్ అయ్యర్. అయితే వర్మ అంటే తన బాస్ అని.. మా బాస్ చెప్పిన పాత్రకు తాను ఎంత న్యాయం చేశానన్నదే చూస్తాను తప్ప.. ఆ పాత్ర అవసరమా? అనేది తన పరిధిలో లేని విషయం అంటున్న పలు ఆసక్తికరమైన కామెంట్స్ చేశారు. మారుతీరావు క్యారెక్టర్ చేయడం ద్వారా.. అది చాలా సెన్సిటివ్ మ్యాటర్ కదా అని చాలామంది అంటున్నారు. అసలు ఏది సెన్సిటివ్ కాదు.. నాకు చిన్న పంటి నొప్పి ఉన్నా.. అది నా వరకూ సెన్సిటివ్ మ్యాటరే.. ఇది తక్కువా అది ఎక్కువా అని కాదు. రామ్ గోపాల్ వర్మ గారు ఈ సినిమాని చేయాలనుకున్నది పబ్లిక్ ప్లాట్ ఫామ్లో అందరికీ తెలిసిన విషయం. ఆ ఘటనను బేస్ చేసుకుని ఒక కథ రాయడం జరిగింది. ఇదే అక్కడ జరిగిందని ఆయన చెప్పడం లేదు. ఆయన అలా ఎందుకు చేస్తున్నారనేది నా పరిధిలోని విషయం కాదు.. ఒక నటుడిగా దర్శకుడి ఆలోచనకి ఒక నటుడిగా నేను ఎంత బాగా చేశానన్నదే నాకు ముఖ్యం. నేను ఎంత నిజాయితీగా ఆ పాత్రను పోషించాను అన్నదే ముఖ్యం. మర్డర్ సినిమాలో మారుతీరావు మాత్రమే కనిపించాలి.. శ్రీకాంత్ అయ్యర్ కనిపించకూడదనేదే నా తాపత్రయం. మారుతీరావులా ఉన్నానని చాలా మంది అంటున్నారంటే.. అది ఆర్జీవీ గొప్పతనం. ఆయన క్యారెక్టర్ సెలెక్షన్ అలాగే ఉంటుంది. ఇక మారుతీరావు చనిపోయిన తరువాత ఆయన గురించి మాట్లాడటం మంచిది కాదు. ఆయన గురించి నాకు పెద్దగా తెలియదు కూడా. ఆయన క్యారెక్టర్ ఏంటీ?? ఎలాంటి వాడు అన్నది నేను చూడలేదు.. మర్డర్ దర్శకుడు ఆనంద్ చంద్ర నాకు ఏది చెప్పారో అదే చేశా.. దర్శకుడి విజన్ బట్టి వెళ్తున్నా. మా బాస్ ఆర్జీవీతో పనిచేయడం ఫుల్ హ్యాపీ. ఒక్కో దర్శకుడితో పనిచేస్తున్నప్పుడు ఒక్కోలా అనిపిస్తుంది. నాకు ఆర్జీవీ ఇష్టం కాబట్టి.. ఆహా అన్నట్టుగా ఉంటుంది. మా బాస్ ఆర్జీవీతో కలిసి దాదాపు పది సినిమాలు చేశా.. ఆర్జీవీ కంపెనీలో పనిచేసేవాళ్లకి కొన్ని లక్షల డౌట్లు ఉంటాయి కాని.. 100 శాతం క్లారిటీ ఉంటుంది’ అంటూ వర్మతో ఉన్న అనుబంధాన్ని పంచుకున్నారు శ్రీకాంత్ అయ్యర్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2CfhGFa
No comments:
Post a Comment