టాలీవుడ్ హీరో రానా దగ్గుబాటి తన నెచ్చెలి మిహికను నేడు (ఆగష్టు 8) వివాహమాడబోతున్నాడు. కరోనా వైరస్ వ్యాపిస్తున్న తరుణంలో ఎలాంటి ఇబ్బందులు ఎదురుకాకుండా బయో సెక్యూర్ పద్ధతిలో వీరి వివాహ వేడుకకు కట్టుదిట్టమైన ఏర్పాట్లు చేశారు. శనివారం రాత్రి వివాహం నేపథ్యంలో పెళ్లి వేదికతో పాటు పరిసరాలను మొత్తం శానిటైజ్ చేస్తున్నారు. పెళ్లికి పని చేస్తున్నట్లు వర్కర్లకు ముందుగానే కోవిడ్19 టెస్టులు చేసినట్లు సమాచారం. అలాగే పెళ్లికి వచ్చే అతిథులు భౌతికదూరం పాటించేందుకు ఏర్పాట్లు చేస్తున్నారు. హైదరాబాద్లోని రామానాయుడు స్టుడియో వీరి వివాహ వేడుకకు వేదిక కానుంది. హిందూ, మార్వాలీ రెండు సాంప్రదాయల్లో జరిగే వీరి వివాహ వేడుకకు రెండు కుటుంబాలకు చెందిన ముప్పై మంది మాత్రమే హాజరవుతున్నారు. అయితే పెళ్లి వేడుకలో అతిథులు పరిమితంగానే ఉన్నా.. ఏర్పాట్లు మాత్రం దగ్గుబాటి వారి స్థాయికి తగ్గట్టుగానే జరుగుతున్నాయి. దీనిలో భాగంగా.. రానా-మిహీకా పెళ్లి విందు కోసం ప్రత్యేకంగా మెనూ రెడీ అయ్యింది. ఘుమ ఘుమలాడించే నార్త్ అండ్ సౌత్ వంటకాలు రెడీ అవుతున్నాయి. హిందూ, మార్వాలీ రెండు సాంప్రదాయాల్లో జరిగే రానా-మిహీకా వివాహ వేడుక పనుల్ని ఢిల్లీ నుంచి వచ్చిన ప్రత్యేక బృందం నిర్వహిస్తుంది. అయితే విందులో కూడా వారి సాంప్రదాయాలు ప్రతిబింబించేలా మెనూని రెడీ చేశారు. హైదరాబాద్లో తాజ్ ఫలక్నుమా హోటల్ నోరూరించే వివిధ రకాల వంటకాలను సిద్ధం చేస్తోందట. ఈ మెనూలో రాజస్థాన్/ మార్వారీ రుచులు ఉండబోతున్నట్టు తెలుస్తోంది. వారి సంస్కృతి సాంప్రదాయాలు ప్రతిబింబించేలా వివాహానికి ప్రత్యేకమైన మార్వారీ వంటకాలతో ఘుమ ఘుమలాడించబోతున్నారు. ఈ మెనూలో కరోరిస్, కరోరాస్, దాల్ బాటీ చూర్మా, లాల్ మాస్, గట్టే కీ సబ్ జీ తదితర వంటకాలు ఉండబోతున్నాయి. కేవలం రాజస్థాన్ వంటకాలు మాత్రమే కాకుండా సౌత్ ఫేవరెడ్ ఫుడ్ కూడా ఈ మెనూలో ఉండబోతుంది. తెలుగువారు బాగా ఇష్టపడే అన్ని వంటకాలను రానా పెళ్లిలో వడ్డించబోతున్నారు. కోడి పలావ్, తలకాయ కూర, చేపల పులుసు, ఎండుచేపలు వంకాయ, పెసరపప్పు, పచ్చి పులుసు, రసం, పప్పుచారు తదితర తెలుగు వంటకాలతో దగ్గుబాటి వారి పెళ్లి వేడుక ఘుమఘుమలాడబోతోంది. అలాగే పెళ్లి కొడుకు రానా కూడా మంచి భోజన ప్రియుడు కావడంతో ఆయనకు ఇష్టమైన వంటకాలను కూడా ఈ మెనూలు చేర్చినట్టు తెలుస్తోంది. వీటితో పాటు పంజాబీ వంటకాలను కూడా రానా పెళ్లిలో ఆశించవచ్చు. రానా మామగారి బంధువులు అంతా పంజాబీలు కావడంతో వారికోసం కూడా పంజాబీ వంటకాలను సిద్ధం చేసే అవకాశం ఉంది. బటర్ చికెన్, దాల్ మఖాని, కధై పన్నీర్ వంటి కొన్ని ప్రసిద్ధ పంజాబీ వంటకాలు విందులో ఉండవచ్చు. Read Also:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3klzoIl
No comments:
Post a Comment