పూరి జ‌గ‌న్నాథ్ రిలీజ్‌ చేసిన ప‌క్కా మాస్ సాంగ్.. సంపూ సింపేశాడు!

‘సిన్నపెద్ద సిగమొచ్చి ఊగెటట్టూ.. సింత‌ల‌న్ని గాలికెగిరిపోయెట‌ట్టూ.. సుట్టుకున్న క‌ష్టమారిపోయెట‌ట్టూ.. ప‌ట్టుకున్న బాధలావిర‌య్యెట‌ట్టూ.. కొట్టు కొట్టు డండ‌న‌క కొట్టు అమ్మద‌య మ‌న‌పై వాన‌లెక్క బ‌డెటట్టు.. అరే కొట్టు కొట్టు డ‌ప్పుదెచ్చి కొట్టు గుండెల‌ల్ల భ‌య్యం బ‌యిటిబ‌డి స‌చ్చెట‌ట్టూ’ అంటూ సాగే ‘రాధాకృష్ణ’ సినిమాలోని మాస్ సాంగ్‌ని ఇస్మార్ట్ డైరెక్టర్ పూరి జ‌గ‌న్నాథ్ విడుద‌ల‌ చేశారు. ఎం.ఎం.శ్రీలేఖ స్వరపరిచిన ఈ పాట మంచి మాస్ బీట్‌తో మనతో స్టెప్పులేయించేలా ఉంది. ఇంత ఊపున్న పాటలో సంపూర్ణేష్ బాబు ఇద్దరు ముద్దుగుమ్మలతో స్టెప్పులేయడం మరో విశేషం. ఈ పాటను రాహుల్ సిప్లిగంజ్, అనురాగ్ కులకర్ణి, మోహన భోగరాజు ఆలపించారు. పాటను విడుదల చేసిన సంద‌ర్భంగా పూరి జ‌గ‌న్నాథ్ మాట్లాడుతూ.. ‘‘కొట్టు కొట్టు సాంగ్ విన్నాను. జాత‌ర నేప‌థ్యంలో వ‌చ్చే ఈ మాస్ సాంగ్ చాలా బాగుంది. రాహుల్ సిప్లిగంజ్ బాగా పాడాడు. తెలంగాణ గ్రేట్ హెరిటేజ్ నిర్మల్‌ బొమ్మ నేపథ్యంలో వ‌స్తోన్న ఈ చిత్రంలో ‘పైసా వ‌సూల్’ మూవీలో న‌టించిన ముస్కాన్ సేథి హీరోయిన్‌గా న‌టిస్తోంది. ‘రాధాకృష్ణ’ టీమ్ అంద‌రికీ ఆల్ ది బెస్ట్’’ అని అన్నారు. Also Read: ద‌ర్శకుడు ‘ఢ‌మ‌రుకం’ శ్రీనివాస‌రెడ్డి స‌మ‌ర్పణ‌లో తెర‌కెక్కుతోన్న ఈ మూవీలో అనురాగ్‌, ముస్కాన్ సేథీ హీరో హీరోయిన్లుగా న‌టిస్తున్నారు. టి.డి.ప్రసాద్ వ‌ర్మ ద‌ర్శక‌త్వంలో హ‌రిణి ఆరాధ్య క్రియేష‌న్స్‌, శ్రీ న‌వ‌హాస్ క్రియేష‌న్స్ ప‌తాకాల‌పై పుప్పాల సాగ‌రిక నిర్మిస్తున్నారు. ఈ చిత్రంలోని పాట‌లు ఆదిత్య మ్యూజిక్ ద్వారా విడుద‌ల‌వుతున్నాయి. ఈ పాట గురించి సింగ‌ర్ రాహుల్ సిప్లిగంజ్ మాట్లాడుతూ.. ‘‘ఇలాంటి ఒక మంచి మాస్ అండ్ పెప్పీ సాంగ్ పాడే అవ‌కాశం ఇచ్చిన శ్రీ‌లేఖ గారికి నా ధన్యవాదాలు. త‌ప్పకుండా ఈ సాంగ్ పెద్ద బ్లాస్ట్ అవుతుంద‌ని అనుకుంటున్నాను’’ అని అన్నారు. నిర్మాణ సార‌థి కృష్ణ కుమార్ మాట్లాడుతూ.. ‘‘రాధాకృష్ణ ఫస్ట్ సాంగ్ రిలీజ్ చేసిన పూరి జ‌గ‌న్నాథ్ గారికి నా ప్రత్యేక ధన్యవాదాలు. ఇటీవ‌ల విడుద‌ల చేసిన ఫ‌స్ట్‌ లుక్‌కి రెస్పాన్స్ చాలా బాగుంది. ఇప్పుడు బిగ్ బాస్ విన్నర్ రాహుల్ సిప్లిగంజ్ పాడిన ఈ సాంగ్‌కి మ‌రింత మంచి రెస్పాన్స్ వ‌స్తుంద‌ని ఆశిస్తున్నాం. ఇంత మంచి పాట ఇచ్చిన ఎమ్.ఎమ్. శ్రీ‌లేఖ గారికి, అలాగే అద్భుతంగా పాడిన రాహుల్ సిప్లిగంజ్, పాట రాసిన వ‌రికుప్పల యాద‌గిరి గారికి ‌ ధన్యవాదాలు’’ అని అన్నారు. అలీ, కృష్ణ భ‌గ‌వాన్‌, అన్నపూర్ణమ్మ త‌దిత‌రులు న‌టిస్తున్న ఈ చిత్రంలో సంపూర్ణేష్ బాబు ప్రత్యేక పాత్ర పోషిస్తున్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3l6xawG