మెగాస్టార్ చిరంజీవికి ఆయన కోడలు ఉపాసన పుట్టినరోజు శుభాకాంక్షలు తెలిపారు. మావయ్యపై తనకున్న గౌరవాన్ని, అభిమానాన్ని చాటుకున్నారు మెగా కోడలు. ఆయనకు పుట్టినరోజు శుభాకాంక్షలు చెబుతూనే ప్రశంసల వర్షం కురిపించారు. ‘‘మనల్ని నమ్మే వ్యక్తి, ఎప్పుడూ నేర్చకునే తత్వం, దాతృత్వం కలిగిన వ్యక్తి, కఠిన పరిస్థితుల్లో ఎంతో సామర్థ్యాన్ని కనబరిచే మనిషి, ఎలాంటి పరిస్థితుల్లో అయినా మన వెంట ఉండే వ్యక్తి, అవసరానికి ఆదుకునే గొప్ప మనిషి - ఆయన్ని నేను మామయ్య అని పిలుస్తాను. ఈ ప్రపంచం మెగాస్టార్ అని పిలుస్తుంది’’ అని ఉపాసన పేర్కొన్నారు. ఈ మేరకు ఇన్స్టాగ్రామ్లో పోస్ట్ పెట్టారు. Also Read: మామయ్య చిరంజీవితో కలిసి తీసుకున్న ఫొటోలను సైతం తన ఇన్స్టాగ్రామ్ పోస్ట్లో ఉపాసన పొందుపరిచారు. ఒక ఫొటోలో కుర్చీలో కూర్చుంటే ఆయన వెనుక ఉపాసన నిలబడి ఉన్నారు. ఇది సెల్ఫీ.. చిరంజీవి తీశారు. మరో ఫొటోలో చిరంజీవి కుర్చీలో కూర్చొని ఉండగా.. ఉపాసన కింద కూర్చున్నారు. ఆమెను ఆప్యాయంగా హత్తుకుని చిరంజీవి ఫొటో దిగారు. ఈ రెండు ఫొటోలు చూస్తుంటే ఉపాసన, చిరంజీవి మామా కోడళ్లులా లేరు తండ్రీ కూతుళ్లులా ఉన్నారు. తన అత్త మామలపై ఉన్న ప్రేమ, అభిమానాన్ని ఉపాసన ఎప్పటికప్పుడు చాటుకుంటూనే ఉంటారు. ఇటీవల వరలక్ష్మి వ్రతంలో పాల్గొన్న ఉపాసన.. ఈ పూజలో తనకు సహాయం చేసిన అత్తమ్మ ఉపాసన, భర్త రామ్ చరణ్కు కృతజ్ఞతలు తెలిపారు. ఈరోజు వినాయక చవితిని పురష్కరించుకుని అత్తామామలు, భర్తతో కలిసి గణనాథుడికి పూజ చేశారు. ఈ ఫొటోలను రామ్ చరణ్ సోషల్ మీడియా ద్వారా అభిమానులతో పంచుకున్నారు. ఇదిలా ఉంటే, చిరంజీవికి టాలీవుడ్ సెలబ్రిటీల నుంచి పుట్టినరోజు శుభాకాంక్షలు వెల్లువెత్తుతున్నాయి. మహేష్ బాబు, ఎన్టీఆర్, అల్లు అర్జున్, రానా, వెంకటేష్ తదితరులు చిరంజీవికి సోషల్ మీడియా ద్వారా పుట్టినరోజు శుభాకాంక్షలు తెలిపారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3iWmtei
No comments:
Post a Comment