సూపర్ స్టార్ మహేష్ బాబుతో పనిచేయడం గొప్ప అనుభూతి అన్నారు బిగ్ బాస్ ఫేమ్ . తనకు వరుస చిత్రాల్లో అవకాశం ఇచ్చిన దర్శకుడు అనీల్ రావిపూడికి ప్రత్యేక ధన్యవాదాలు తెలుపుతూ షూటింగ్ ఎక్స్పీరియన్స్ని ప్రేక్షకులతో పంచుకున్నారు హరితేజ. ఆమె మాట్లాడుతూ.. ‘సరిలేరు నీకెవ్వరు’ చిత్రంలో ఛాన్స్ వచ్చినప్పుడు మహేష్ బాబుగారితో షూటింగ్ ఎప్పుడెప్పుడా అని వెయిటింగ్లో ఉన్నాము. ఇక షూటింగ్ మొదలైన తరువాత ఫస్ట్ షాట్లో గారిని అలా చూస్తుంటే నాకేం అర్థం కావడం లేదు. నా పక్కన ఉన్న రష్మిక, సంగీత గారిని గిల్లేస్తున్నా. చాలా ఎగ్జైట్ అయ్యా.. మహేష్ బాబు గారిని చూసి. నేను ఎప్పుడూ మహేష్ బాబు గారిని కలిసింది.. మాట్లాడింది లేదు.. ఒకేసారి షూటింగ్లో ఆయన కాంబినేషన్ సీన్ అనేటప్పటికి.. మహేష్ బాబుగారేనా..? మహేష్ బాబుగారేనా?? అని అనుకునేదాన్ని. ఆ ట్రైన్ ఎపిసోడ్ అంతా చాలా ఫన్నీగా సాగింది. దాని కోసం సెట్ వేసేశా.. ప్రతిరోజు ఆ సెట్కి వెళ్లి ఎంజాయ్ చేసే వాళ్లం. హి సో క్యూట్ సాంగ్ కూడా ఔట్ డోర్లో షూట్ చేశారు. అనీల్ రావిపూడి గారి సినిమా అంటే.. స్క్రీన్పై కనిపించే ఫన్స్ ఆఫ్ స్క్రీన్లో కూడా ఉంటుంది. ఆయన సినిమాల్లో ఫన్ చాలా రియాలిటీగా ఉంటుంది. ఆయన నాకు వరుసగా మూడు సినిమాల్లో అవకాశం ఇచ్చి హ్యాట్రిక్ ఇచ్చారు. రాజా ది గ్రేట్ సినిమాలోనే మేం స్టార్టింగ్ చేసిన ఫస్ట్ షాక్.. గున్నా గున్నా మామిడి సాంగ్. అప్పటికి నేను అనీల్ రావిపూడి గారిని కలిసింది కూడా లేదు. డైరెక్ట్గా సెట్కి వెళ్లేసరికి కొరియోగ్రాఫర్ స్టెప్పులు చెప్పేసరికి అంతా అయోమయంలా అనిపించింది. ఏంటి సార్ ఇది ఇలా ఉంది అని.. మరి మాస్లా ఉంది అంటే.. అనీల్ రావిపూడిగారు.. థియేటర్స్లో ఈ సాంగ్ అప్పుడు చైర్స్లో కూర్చుంటే నన్ను అడుగు అని అన్నారు. అలాగే అయ్యింది.. ఆ సాంగ్ వచ్చినప్పుడు స్టెప్పులు వేశారు. నాలో ధైర్యం నింపి మాస్ హరితేజను బయటకు తీసింది అనీల్ రావిపూడిగారే. కాని నేను ఆ సినిమాను మధ్యలోనే వదిలేసి బిగ్ బాస్కి వెళ్లిపోయా. ఆ తరువాత మళ్లీ తిరిగి వచ్చాక ఫస్ట్ కాల్ అనీల్ రావిపూడిగారికే చేశా. ఆయన చాలా జోవియల్గా రియాక్ట్ అయ్యారు. బిగ్ బాస్లో ఫేమస్ అయిన నా హరికథను సినిమాలో కూడా పెట్టారాయన’ అంటూ చెప్పుకొచ్చారు హరితేజ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2yZlLv4
No comments:
Post a Comment