'ఏమాయ చేసావే' అంటూ టాలీవుడ్ ఎంట్రీ ఇచ్చి వరుస ఆఫర్స్‌తో టాప్ హీరోయిన్‌గా ఎదిగింది . నటనా ప్రతిభకు తోడు గ్లామర్ డోస్ యాడ్ చేస్తూ అశేష అభిమాన వర్గాన్ని కూడగట్టుకుంది. ఇక నాగ చైతన్యను పెళ్లాడి అక్కినేని వారింట అడుగుపెట్టాక అమ్మడి జోష్ రెట్టింపయింది. వరుస సినిమాలకు కమిటవుతూ స్టార్ కోడలిగా సత్తా చాటుతోంది. లేడీ ఓరియెంటెడ్, వెబ్ సిరీస్ ఇలా ప్రత్యేకమైన దారులు వెతుకుతున్న సామ్.. బాలీవుడ్ ఎంట్రీపై కుండబద్దలు కొట్టేసింది. ఇప్పటివరకు తెలుగు, తమిళ, మలయాళ భాషల్లో విభిన్నమైన పాత్రలను పోషిస్తూ ప్రేక్షకులను మెప్పించిన సమంత తాజాగా ఓ ఇంటర్వ్యూలో పాల్గొని బాలీవుడ్ ఎంట్రీపై ఓపెన్ అయింది. గతంలో తనకు బాలీవుడ్ ఆఫర్స్ చాలానే వచ్చాయని, అయితే డేట్స్ అడ్జెస్ట్ కాపోవడం, బాలీవుడ్ సినిమాల్లో నటించాలంటే భయం లాంటి కారణాలతో ఆ ఆఫర్స్ వదిలేశానని చెప్పిన సమంత.. బాలీవుడ్ తెరపై కనిపించాలనే కోరిక మాత్రం అలాగే ఉందని చెప్పుకొచ్చింది. ''బాలీవుడ్ స్టార్స్ టాలెంట్ చాలా ఎక్కువ. వాళ్ళతో కలిసి తెరపంచుకోవడమంటే అదో ఛాలెంజ్. అప్పుడు భయపడ్డా కానీ ఇప్పుడు ధైర్యం తెచ్చుకొని మంచి ఛాన్స్ కోసం ఎదురుచూస్తున్నా. ఒకవేళ హిందీలో నటించాల్సి వస్తే నా ఫస్ట్ ఛాయిస్ . ఆయనంటే చాలా ఇష్టం. ఆయనతో ఆన్ స్క్రీన్ రొమాన్స్ చేసేందుకు రెడీ'' అంటూ సమంత ఓపెన్‌గా మాట్లాడింది. ఇక సమంత లేటెస్ట్ వెబ్ సిరీస్ 'ది ఫ్యామిలీ మ్యాన్ 2' ద్వారా బాలీవుడ్ ప్రేక్షకులను పలకరించబోతోంది. గతంలో వచ్చిన ‘ది ఫ్యామిలీ మ్యాన్’ వెబ్ సిరీస్ సూపర్ హిట్ కావడంతో దానికి సీక్వల్‌గా రాజ్ అండ్ డీకే 'ది ఫ్యామిలీ మ్యాన్ 2' వెబ్ సిరీస్ రూపొందించారు. ఇందులో LTTE టెర్రరిస్ట్ పాత్రలో సమంత కనిపించబోతోంది. జూన్ 4వ తేదీ నుండి అమెజాన్ ప్రైమ్‌లో ఈ వెబ్ సిరీస్ స్ట్రీమింగ్ కానుంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3fI9DAh
No comments:
Post a Comment