ప్రస్తుతం మన దేశం ఎదుర్కొంటున్న విపత్కర పరిస్థితి గురించి ప్రత్యేకంగా చెప్పనక్కర్లేదు. కరోనాను కట్టడి చేయలేక, సరైన వైద్య సదుపాయాలు అందించలేక ప్రభుత్వాలు సతమతమవుతున్నాయి. కొన్ని చోట్ల ఆక్సిజన్ అందక, వెంటిలేటర్లు, ఐసీయూ బెడ్స్ దొరక్క ప్రాణాలను వదిలేస్తున్నారు. ఇలాంటి సమయంలో కొందరు సెలెబ్రిటీలు ముందుకు వస్తున్నారు. వారికి చేతనైన సాయాన్ని అందిస్తూ తమ గొప్ప మనసును చాటుకుంటున్నారు. ఇక ఈ అందరిలోనూ సోనూ సూద్ చేసే సేవా కార్యక్రమాల గురించి ఎంత చెప్పినా తక్కువే అవుతుంది. అవసరమైన వారికి ప్రాణవాయువును పంపిస్తూ ప్రాణాలను కాపాడుతున్నారు. ఈ క్రమంలోనే సింగర్ కూడా మంచి కార్యక్రమానికి శ్రీకారం చుట్టారు. తన టీంతో కలిసి ఓ కార్యక్రమాన్ని ప్రారంభించేందుకు రెడీగా ఉన్నారు. వంద ఆక్సిజన్ బెడ్లను తన టీంతో కలిసి ఏర్పాటు చేయబోతోన్నట్టు తెలిపారు. ఇందుకు సంబంధించిన పనులు జరుగుతున్నాయని చెప్పుకొచ్చారు. ఈ మేరకు ఫోటోలను షేర్ చేస్తూ తన టీం చేస్తోన్న సేవా కార్యక్రమాలను వివరించారు. నా టీంకు ఎంతో రుణపడి ఉంటాను.. వారు ఎప్పుడూ కూడా నన్ను ఓడిపోనివ్వలేదు.. ఎలాంటి పని అని చూడకుండా ఎంత కష్టం అని ఆలోచించకుండా నా కోసం చేసేశారు. ఒక వేళ వారంటూ లేకపోతే నా కలలన్నీ కలలుగానే ఉండిపోయేవి.. వంద బెడ్ల ఆక్సిజన్ను నిజం చేయడంలో వారెంతో సహకరించారు.. ఫ్యూజన్ విజయవాడ, బబుల్స్ విజయవాడ టీంకు థాంక్స్. ఆక్సిజన్ బెడ్లు రెడీ అవుతున్నాయని స్మిత పేర్కొన్నారు. అంతే కాకుండా ప్రాజెక్ట్ ఆక్సిజన్ హైద్రాబాద్ గురించి కూడా చెప్పారు. యాబై బెడ్స్, ఆక్సిజన్ బ్యాంక్ రెడీగా ఉందని అన్నారు. సైబరాబాద్ పోలీస్ కమిషనరేట్ ఆధ్వర్యంలో ఈ ప్రాజెక్ట్ చేస్తోన్నామని, ఆక్సిజన్ కాన్సన్ట్రేటర్ సజ్జనార్ గారికి ఇస్తున్నామని ఫోటోలను షేర్ చేశారు. మొత్తానికి స్మిత గొప్ప మనసుకు అందరూ ఫిదా అవుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3fa2zxl
No comments:
Post a Comment