ఈ రోజుల్లో కారు అనేది ప్రెస్టేజీకి సింబల్గా కావడమే గాక ప్రతి కుటుంబానికి ఎంతో అవసరమైన వస్తువుగా మారింది. ముఖ్యంగా సెలెబ్రిటీలయితే లగ్జరీ కార్లు కొనేందుకు ఎంతో ఆసక్తి చూపుతున్నారు. అత్యాధునిక సదుపాయాలతో ఉండే కార్ల కోసం వేట కొనసాగిస్తున్నారు నేటితరం హీరోలు. ఎప్పటికప్పుడు ట్రెండ్ ఫాలో అవుతూ వారి వారి వాహనాలను మారుస్తూ వస్తుండటం చూస్తున్నాం. ఈ నేపథ్యంలోనే తారక్ ఓ లగ్జరీ కారు కొన్నారనే వార్త నెట్టింట వైరల్ అవుతోంది. దీని ధర, ఇతర విశేషాలపై జోరుగా సమాచారాలు చక్కర్లు కొడుతున్నాయి. తెలుగు చిత్రసీమలో స్టార్ హీరోగా వెలుగొందుతూ తాతకు తగ్గ మనవడిగా పేరు తెచ్చుకున్న .. సినిమాలపై ఎంత ఆసక్తి చూపుతూ కెమెరా ముందు సత్తా చాటుతుంటారో, లగ్జరీ కార్ల విషయంలోనూ అంతే ఇష్టంగా ఉంటారని టాక్. ఆయనకు కొత్త కొత్త మోడల్స్ కార్లంటే మహా ఇష్టమట. మార్కెట్ లోకి కొత్త బ్రాండెడ్ కారు వచ్చిందంటే చాలు దాని గురించి ఆరా దీస్తుంటారట. ఇప్పటికే ఆయన గ్యారేజీలో చాలా టాప్-ఎండ్ కార్లు ఉన్నాయి. ఈ క్రమంలోనే ఆయన ఇటలీ నుంచి మరో లగ్జరీ మోడల్ లంబోర్ఘిని యూరస్ గ్రాఫైట్ క్యాప్సూల్ ఎడిషన్ కారును దిగుమతి చేసుకున్నారు. భారత్లో విడుదలైన తొలి లంబోర్గిని యూరస్ గ్రాఫైట్ క్యాప్సూల్ ఎడిషన్ కారు ఇదే కావడం ఎన్టీఆర్ రేంజ్ ఏంటనేది స్పష్టం చేస్తోంది. దీని ధర సుమారు రూ.3.16 కోట్లు అని తెలుస్తోంది. ఈ కారును బెంగళూరు నుంచి ఆయన ఇంటికి డెలివెరీ ఇచ్చినట్లు బుధవారం ఆటోమోబిలిఆర్డెంట్ అనే కార్ల సంస్థ ఇన్స్టాగ్రామ్ వేదికగా వెల్లడించింది. ఈ లగ్జరీ కారు చూడటానికి ఎంతో ఆకర్షణీయంగా ఉండటంతో సామజిక మాధ్యమాల్లో ఎక్కడ చూసినా ఈ కారు ఫొటోలే కనిపిస్తున్నాయి. ఎన్టీఆర్ కొత్త కారు చూసి నందమూరి ఫ్యాన్స్ ఫిదా అవుతున్నారు. ప్రస్తుతం రాజమౌళి దర్శకత్వంలో రూపొందుతున్న RRR సినిమాతో బిజీగా ఉన్నారు యంగ్ టైగర్ ఎన్టీఆర్. మెగా పవర్ స్టార్ రామ్ చరణ్తో కలిసి నటిస్తున్న ఈ సినిమా షూటింగ్ చివరి దశకు చేరుకుంది. ఇది పూర్తికాగానే కొరటాల శివ దర్శకత్వంలో మరో సినిమా చేయనున్నారు ఎన్టీఆర్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3z00xal
No comments:
Post a Comment