కరోనా క్రైసిస్ చారిటీ సేవల అనంతరం మెగాస్టార్ మరో మెగా కార్యక్రమానికి శ్రీకారం చుట్టారు. తెలుగు రాష్ట్రాల్లో అన్ని జిల్లాల్లో చిరంజీవి చారిటబుల్ ట్రస్ట్ ఆక్సిజన్ బ్యాంకుల ఏర్పాటు ప్రక్రియ పూర్తయింది. వారంలోగా ఆక్సిజన్ బ్యాంకులు ఏర్పాటు చేస్తామని చెప్పిన మెగాస్టార్ తాజాగా అన్ని ఏర్పాట్లు పూర్తి చేశారు. నిన్న (మంగళవారం) కొన్ని జిల్లాలకు ఆక్సిజన్ పంపిణీ జరిగింది. జిల్లా అభిమాన సంఘాల అధ్యక్షుల ఆధ్వర్యంలో ఈ ఆక్సిజన్ బ్యాంకులు సేవలందించనున్నాయి. అనంతపూర్, గుంటూరు, శ్రీకాకుళం, విజయనగరం, విశాఖ పట్నం, పశ్చిమగోదావరి జిల్లాలకు బుధవారం సాయంత్రానికి ఆక్సిజన్ సిలిండర్లు అందుబాటులోకి వస్తాయి. బ్లడ్ బ్యాంక్ నుంచి ఇప్పటికే ఆక్సిజన్ సిలిండర్లు.. అలాగే తెలంగాణలోని పలు జిల్లాలకు కాన్ సన్ట్రేటర్స్ పంపించారు. తెలంగాణలోని ఖమ్మం, కరీంనగర్ జిల్లాల్లో ఈ రోజు (బుధవారం) ఆక్సిజన్ బ్యాంకులు ప్రారంభమయ్యాయి. ప్రతి జిల్లాల్లో ఆస్పత్రి నుంచి ఆక్సిజన్ కావాలని కోరగానే సిలిండర్లను పంపించనున్నారు. అవసరాన్ని బట్టి ఈ పంపిణీ జరుగుతుంది. ఇప్పుడున్న ఆక్సిజన్ సంక్షోభాన్ని అరికడుతూ ఆంధ్ర ప్రదేశ్- తెలంగాణ రాష్ట్రాల్లో ఆక్సిజన్ కొరత వల్ల ఏ ఒక్కరూ మరణించకూడదన్న ఉద్దేశంతో చిరంజీవి ఈ కార్యక్రమాన్ని ప్రారంభించారు. తెలుగువారందరికీ ఈ ఆక్సిజన్ బ్యాంక్ అందుబాటులో ఉంటుంది. దీని కోసం ప్రత్యేకంగా ట్విట్టర్ అకౌంటును కూడా ప్రారంభించారు మెగాస్టార్. ఈ సందర్భంగా చిరంజీవి మాట్లాడుతూ.. ''చిరంజీవి చారిటబుల్ ట్రస్ట్ ద్వారా తెలుగు రాష్ట్రాల్లోని అన్ని జిల్లాల్లో నిరంతరాయంగా ఆక్సిజన్ పంపిణీ కొనసాగుతుంది. ఇక్కడ స్కార్సిటీ వల్ల చైనా నుంచి ఆక్సిజన్ కాన్ సన్ట్రేటర్స్ ఆర్డర్ చేశాం. ప్రస్తుతం చాలా చోట్ల వీటి కొరత నెలకొంది. అత్యవసరంగా ఎక్కడ అవసరం ఉంది అనేది తెలుసుకొని ఆక్సిజన్ సిలిండర్లు అందిస్తున్నాం. ఏ ఒక్కరి ప్రాణానికి నష్టం జరగకుండా అన్ని జిల్లాలకు, అవసరం ఉన్న అన్నిచోట్లకు పంపిణీ చేస్తాం. అలాగే ఆక్సిజన్ సిలిండర్లు ఎక్కడెక్కడ ఏ టైంలో చేరుకుంటున్నాయి అనేది టెక్నీషియన్లు ట్రాకింగ్ చేస్తుంటారు. దీని పర్యవేక్షణ చిరంజీవి ఐ అండ్ బ్లడ్ బ్యాంక్ ఆఫీసు నుంచి జరుగుతుంది. రామ్ చరణ్ ఈ ఏర్పాట్లన్నీ దగ్గరుండి చూసుకుంటున్నారు'' అని అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3fKfvZJ
No comments:
Post a Comment