పవర్స్టార్ పవన్కళ్యాణ్ హీరోగా నటించిన చిత్రం వకీల్సాబ్ ప్రీరిలీజ్ ఈవెంట్ ఈరోజు (ఏప్రిల్ 4న)న శిల్పకళా వేదికగా ఘనంగా జరిగింది. ఈ ఈవెంట్లో భాగంగా చిత్రం బృందం మహిళ రక్షణ కోసం విశేషంగా కృషి చేస్తోన్న డీఐజీ సుమతిని ప్రత్యేకంగా సన్మానించారు. ఈ సన్మానంలో హీరోయిన్లు అంజలి, అనన్యలతో పాటు నిర్మాత దిల్ రాజు కూడా పాల్గొన్నారు. సన్మానం అనంతరం మాట్లాడుతూ.. వకీల్సాబ్ ప్రీ రిలీజ్ ఈవెంట్లో భాగంగా తెలుగు రాష్ట్రాలకు సంబంధించిన ఓ మహిళ పోలీసు అధికారిగా హాజరుకావడంతో ఎంతో ఆనందంగా ఉంది అని అన్నారు. ‘‘ఇక్కడ ఆడవాళ్ల కంటే మగవాళ్లే ఎక్కువగా ఉన్నారు. ఇది నాకు మాట్లాడేందుకు సముచితమైన స్థానమనే అనుకుంటున్నా. ఎవరైనా ఒక స్త్రీని అమ్మగా ఊహించుకున్నప్పుడు ఏ రకమైన ఇజంని ఆపాదించం. ఒక చెల్లిగా, అక్కగా చూసినప్పుడు కూడా ఇలా ఉండాలి అని అనుకోము. అలాగే వివిధ రంగాల్లో ఉండే యువతలను కూడా వాళ్లు ఏదో సాధించారు అనే దృష్టితో చూస్తాము. కొద్ది రోజుల క్రితం సుప్రీం కోర్టులో ఒక జడ్జిమెంట్ వచ్చింది. అందులో సుప్రీం కోర్టు ఓ అందమైన మాట చెప్పింది. ఈ దేశంలో చట్టాలు మగవారి చేత.. మగవాళ్లం కోసం సృష్టించుకున్నవే. అందరికోసం సృష్టించుకున్న వాటిలా కనిపిస్తాయి కానీ, నిజానికి మాత్రం అవి మగవారి కోసమే. కాబట్టి కొన్ని విషయాల్లో అందరి ఆలోచించే కోణం మారాలి. ఈ సినిమాలో ఒక అద్భుతమైన డైలాగ్ ఉంది ‘ఆర్ యూ ఏ వర్జిన్’ అని.. ఆ డైలాగ్ని అమ్మాయిని అడిగే ఎవరూ ఇబ్బంది పడరు. కానీ, ఒక అబ్బాయిని అడిగితే అందరూ.. డిఫెన్స్ లాయర్తో సహా అందరూ తప్పుబడతారు. ఎందుకంటే మన ఆలోచనల్లో మనం ఓ మహిళలకి కొన్ని నిబంధనలు పెట్టుకున్నాము. అది పెట్టింది పురుషులే. ఒక సీనియర్ పోలీసు అధికారిగా నేను ఒకటే చెప్పదలచుకున్నాను. పురుషులు, మహిళలు అనే భేదభావాలను పక్కన పెట్టిన అందరిని ఒక మనిషిగా గుర్తించే రోజు రావాలి. అలాంటి రోజున పింక్ రిమేక్గా తెరకెక్కుతున్న ‘వకీల్సాబ్’ సమాజంపై ఎంతో ప్రభావం చూపుతుంది. నాకు ఈ అవకాశం ఇచ్చిన నిర్వహకులకు, ప్రత్యేకంగా దిల్ రాజుకి ప్రత్యేక ధన్యవాదాలు. ఒక తెలుగు ప్రేక్షకురాలిగా కచ్చితంగా నేను కూడా పింక్ కంటే ఈ సినిమా మంచి విజయం సాధించాలని.. కోరుకుంటున్నాను. అంతేకాక, ఈ సినిమా మన జీవతంలో కూడా మంచి మార్పు తీసుకురావాలని ఆశిస్తున్నాను’’ అని అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/31LTS4Q
No comments:
Post a Comment